زولفو لیوانه‌لی
عمر زولفو لیوانئلی اوغلو (Türkçe: Ömer Zülfü Livanelioğlu)؛ تاخماآدی: زولفو لیوانئلی (زولفو لیوانه‌لی)؛ ۲۰ سپتامبر ۱۹۴۶، ایلقین، قونیه شهری — تورکییه ، موسیقیچیسی، سناریستی، سیاستچیسی، یازیچیسی و یؤنتمنیدیر.[۱]
زولفو لیوانئلی | |
|---|---|
 | |
| عومومی معلوماتلار | |
| دوْغوم آدی | عمر زولوفو لیوانئلی اوغلو |
| دوْغوم | ۲۰ سپتامبر ۱۹۴۶ (۷۷ یاش) |
| کؤک | قونیه, تورکییه |
| پئشه(لر) | یازیچی ، موسیقیچی ، سناریست ، سیاستچی |
حیاتی و عاییله‌سی دَییشدیر
عمر زولفو لیوانئلی اوغلو، ۱۹۴۶-جی ایل سپتامبرین ۲۰-سینده قونیهنین ایلقین ماحلیندا آنا‌دان اولوب. عاییله‌نین باباسی لیوانه‌لی اوغلو عمر افندی، ۹۳ ساواشییندا آرتوینین ائرمنیلر و روسلار طرفیندن اشغال اولاندان سونرا ارضروما گله‌رک احمد مختار پاشانین اوردوسونا قوشولموشدور. عمر افندی اوستا رتبه‌سی ایله هارپوت ردیف تابورونا تعیین ائدیلدی. داها سونرا بیر قارشی‌دورما اسناسیندا شهید اولور. عمر افندینین تک اوغلو اولان زولفو افندی، تورکییه‌نین مختلف یئرلرینده سورغو حاکمی اولا‌راق وظیفه یئرینه یئتیرر. سویاد قانونو قبول ائدیلدیکده، آرتوین، یوسوفلی، لیوانئ سانجاقدان گلدیگی اوچون آتاسی لیوانه‌لی اوغلو سوی‌آدینی آلیر. زولفو افندینین اوچ اوغلو دا حاکم اولموشدور. زولفو لیوانه‌لی‌نین آتاسی و قارداشلارینین ان بؤیوگو مصطفی صبری لیوانئلی اوغلو، یارقیتای باشچی وکیلی وظیفه‌سینه قدر یوکسلدمیشدیر.[۲]
چالیشمالاری دَییشدیر
آ.ب.ا-ده فایرفاخ کونسئرواتوریاسینی بیتیرمیشدیر. زولفو لیوانئلی‌اوغلو، باغلاما ایفا ائتمه‌یی خالاسی نظمیه یوجئلین اری اولان تورهان یوجئلدن، ایلقیندا یاشادیغی ایللرده و یای تعطیللرینده اؤیرندیگینده یئزنه‌سی تورهان بیین اونا حیاتینی ده‌ییش‌دیره‌جک بیر سرمایه هدیه ائتدیگیندن خبری یوخ ایدی. زولفو لیوانه‌لی موسیقیچیسی ایله بیر چوخ میلّی و اولوسلارآراسی اؤدول آلمیش و اثرلری ژوان بائز، ماریا فارانتووری، ماریا دئل مار بونئت و لئمان سام کیمی یئرلی و خارجی صنعتکارلار طرفیندن شرح ائدیلمیشدیر. مدنیت، اینجه‌صنعت و سیاست ساحه‌سینده تورکییه‌نین اؤنملی آدلاریندان بیری اولان صنعتچی، صنعت حیاتی بویونجا ۳۰۰-ه یاخین بسته‌یه و ۳۰ فیلم موسیقی‌سینه امضاسینی آتدی. تورکییه‌دن بیردن-بیره آیریلا‌راق سوئده (ایسوئچ)ه سورگون ایللرینده قاب‌یویان کیمی چئشیدلی ایشلرده ایشله‌ین لیوانه‌لی‌نین ان بؤیوک آرزوسو بیر گون تورکان شورای ایله تانیش اولماق و او زامان تورکییه‌ده گوناهلاندیریلان شخص‌لرین سیغینا‌جاق یئری حالینا گلن سوئدده اولان مشهور یازیچی، ژورنالیست و یا شاعرلرله قارشیلاشماق ایدی. بوگونه قدر «یئر دمیر گؤی میس»، «سیس»، «شاهماران» و «وداع» اوزون‌مئتراژلی فیلم‌لری‌نین یؤنتمنی اولوب. والئنسیا فیلیم فئستیوالیندا «قیزیل پالما» و ۱۹۸۹دا مونتپئلیئر فیلم فئستیوالیندا «قیزیل آنتیقونه» اؤدولونه لایق گؤرولوب. «سیس»، «آوروپانین ان یاخشی فیلم اؤدول»ونه آدای اولموشدور. صنعتچینین فیلم‌لری تورکییه ، آ.ب.آ، فرانسه، آلمان، سوئد و ژاپوندا گؤسته‌ریلدی و بی‌بی‌سی، WDR، ایسپانیا، کانادا و ژاپون تلویزیونلاری کیمی بیر چوخ تلویزیون شیرکتینه ساتیلدی. ۱۹۸۶-جی ایلین اوکتیابریندا چینگیز آیتماتووون دعوتی ایله فدریکو ماژور، یاشار کمال، آرتور میللئر و باشقا تانینمیش صنعتکار و دوشونرلرین قاتیلدیغی قیرغیزیستان و داها سونرا وئنگئن، قرانادا و مکزیکو سیتیده توپلانان ایسسیک-کول فوروموندا یئر آلدی. لیوانه‌لی، ژاجک لانگ، وانئسسا رئدگراوئ، آرتور میللئر و میکیس تهئودوراکیس کیمی تانینمیش اینسانلارلا بیرلیکده، دونیا مدنیتیننین گلیشمه‌سی و دونیا صنعتینین اینکیشافینا پای وئرمه‌یه چالیشدی. ۱۹۹۶-جی ایلده پاریسده اونئسجو طرفیندن سفیرلیک وئریلمیش صنعتچی لیوانه‌لی، ۱۹۷۸-جی ایلده «نازیم تورکوسو» آدلی آلبوموندا ناظم حکمتین شعرلرینه بسته‌له‌دیگی ماهنیلاری توپلامیشدیر. «آرافاتتا بیر اوشاق»، «کئچمیشدن گله‌جه‌یه تورکولر»، «سیس»، «اورتا ذکا‌لیلار جنتّی»، «دیکتاتور ایله پالیاچو»، «سوسیالیزم اؤلدومو»، «انگره‌نین گؤزونده‌کی قاماشما» و «"بیر پیشیک، بیر آدام»، «بیر اؤلوم و موتلولوق»، لئیلانین ائوی، سئودالیم حیات، سون آدا و صنعت اوزون، حیات قیسا، سئرئناد، قارداشییمین حکایه‌سی کیتاب‌لارینین مؤلفی اولان لیوانه‌لی، اولوسلارآراسی مدنی دایره‌لرده تانینیر و سایغی ائدیلیر. عمر زولفو لیوانئلی، اولکر خانیم ایله ائولی و بیر قیزی وار. قیزی آیلین لیوانئلی تحصیل و گؤردوگو بیر چوخ ایشدن سونرا موسیقی ایله ماراقلانمیش و بئش آلبومو ایشیق اوزو گؤرموشدور. موسیقی‌یه آرا وئرن آیلین لیوانه‌لی حاضردا خاریجه‌ده اقتصادیات اوزره تحصیل آلیر. اونون اوچ کیتابی چاپ اولونموشدور. لیوانه‌لی وئگئتاریاندیر. ۱۹ مای ۱۹۹۷ تاریخینده، آنکارا هیپودروم مئیدانیندا وئردیگی کونسئرته ۵۰۰٫۰۰۰ آدامین قاتیلماسییلا تورکییه‌نین ان بؤیوک کونسئرتینی حیاتا کئچیرمیش عنوانینی قازانمیشدیر.[۳] [۴]
کیتابلاری دَییشدیر
۱. گؤی هامینیندیر(۲۰۲۰)
۲. کولکلر همیشه گنجدیر(۲۰۱۹)
۳. ائلیا ایله سیاحت (۲۰۱۷)
۴. راضیسیزلیق (۲۰۱۷)
۵. کونستانتینوپول اوتئلی (۲۰۱۵)
۶. قارداشیمین حکایه‌سی (۲۰۱۳)
۷. ادبیات موتلولوقدور (۲۰۱۲)
۸. حرم (۲۰۱۲)
۹. سئرئنادا (۲۰۱۱)
۱۰. اینجه‌صنعت اوزون، حیات قیسا‌دیر (۲۰۱۰)
۱۱. سون آدا (۲۰۰۸)
۱۲. سئودالیم حیات
۱۳. لئیلانین ائوی
۱۴. قورباچوولا اینقیلابلا باغلی صحبت‌لر
۱۵. موتلولوق (۲۰۰۲)
۱۶. بیر پیشیک، بیر کیشی، بیر اؤلوم
۱۷. لیوانه‌لی بسته‌لری
۱۸. گورزه‌نین گؤزونده‌کی قاماشما
۱۹. سوسیالیزم اؤلدومو؟
۲۰. دیکتاتور و پالیاچو
۲۱. تورکییه اورتا ذکا‌لی جنتی
۲۲. سیس
۲۳. دونیا ده‌ییشرکن
۲۴. کئچمیشدن گله‌جه‌یه خالق ماهنیلاری
۲۵. عرفاتدا بیر اوشاق
ماهنیلاری دَییشدیر
۱. شارکی‌لار رئوولوتیوننایرئس تورکس — ۱۹۷۳
۲. قولدور دونیانی ایداره ائده بیلمز - ۱۹۷۵
۳. سلام — ۱۹۷۷
۴. ناظیم باللاداسی — ۱۹۷۸
۵. آوتوبوس (اوست) — ۱۹۷۸
۶. آلمانین جنابلاری - ۱۹۷۹
۷. آتلی حاقیندا باللادا - ۱۹۷۹
۸. گونلریمیز - ۱۹۸۰
۹. اینجه مئمئت باللاداسی – ۱۹۸۰
۱۰ ماریا فاراندووری لیوانه‌لی اوخویور - ۱۹۸۲
۱۱. یول – ۱۹۸۳
۱۲. ائینئ آئوواشی- ۱۹۸۳
۱۳. آدا – ۱۹۸۳
۱۴. ایستانبول کونسئرتی – ۱۹۸۴
۱۵. منیم اوچون گونشی توپلا - ۱۹۸۵
۱۶. لیوانه‌لی / ۱۰ ایلین مئلودیاسی – ۱۹۸۶
۱۷. چتین ایللر - ۱۹۸۶
۱۸. خوش گلدینیز کؤرپه - ۱۹۸۶
۱۹. گؤی هامینیندیر - ۱۹۸۷
۲۰. ساوندترئک - ۱۹۸۸
۲۱. یول آیریجلاری (یئنی عصر) – ۱۹۹۰
۲۲. ساعت ۴: سن محرومسان – ۱۹۹۳
۲۳. سن نه‌سن - ۱۹۹۵
۲۴. یانغین یئری - ۱۹۹۶
۲۵. یانوس (سیمفونیک شعرلر) – ۱۹۹۶
۲۶. لیوانه‌لی و تئودوراکیس: بیرلیکده - ۱۹۹۷
۲۷. افسانه‌وی کونسئرتلر – ۱۹۹۷
۲۸. نفسیم منیم نفسیمه – ۱۹۹۸
۲۹. لندن سیمفونیک اورکئستری لیوانه‌لی اویناییر - ۱۹۹۹
۳۰. اونودولمازلار - ۱۹۹۹
۳۱. ایلک خالق ماهنیلاری - ۲۰۰۱
۳۲. حیات حاقیندا - ۲۰۰۵
۳۳. الوداع فیلمی‌نین ساوندترئک‌لری – ۲۰۱۰
۳۴. منه گؤی قورشاغی گؤندر - ۲۰۱۳
۳۵. لیوانه‌لی‌نین ۵۰ ایللیک یوبیلئیی «بیر نسیل‌دن دیگرینه» – ۲۰۱۶
فیلم دَییشدیر
| ایل | اؤدول / فستیوال | بؤلوملر | فیلم | نتیجه |
|---|---|---|---|---|
| ۱۹۸۷ | سان سئباستیین میللتلرآراسی فیلم فستیوالی | OCIC Mükafatı | یئر دمیر، گؤی میس | قازاندی |
| کن فیلم فستیوالی | Un Certain Regard | آدای | ||
| ۱۹۸۹ | والئنسیا آرا‌لیق فیلم فستیوالی | قیزیل پالما | سیس | قازاندی |
| مونتپئللیئر آرا‌لیق دنیز فیلم فستیوالی | قیزیل آنتیقونه | قازاندی | ||
| آوروپا فیلم فستیوالی | ان یاخشی فیلم | آدای | ||
| آنتالیا قیزیل پورتاغال فیلم فستیوالی | ان یاخشی ایکینجی فیلم | قازاندی | ||
| ۲۰۰۰ | آنتالیا قیزیل پورتاغال فیلم فئستیوا‌لی | قیزیل قوزا | قازاندی | |
| ۲۰۰۷ | آنتالیا قیزیل پورتاغال فیلم فئستیوا‌لی | ان یاخشی موسیقی | موتلولوق | قازاندی |
| فیلم یازارلاری درنه‌یی تورک فیلمی اؤدوللری | قازاندی | |||
| ۲۰۰۸ | یاشیل‌جام اؤدوللری | قازاندی | ||
| آنکارا میللتللرآراسی فیلم فستیوالی | قازاندی |