سوبکری
سۆبکری (لاتین الیفباسی ایله: Sübkəri، عربجه: سبکری، اینگیلیسجه: Subkari، فارسجا: سبکری)(اؤلوم: ۳۰۵ هیجری قمری، بغداد). سوبکری دؤولتینین قوروجوسو و هیجری اۆچونجو عصرین بؤیوک تۆرک ژنراللارینداندیر. سوبکری خلج تۆرکلریندن ایمیش.
یاشاییشی و یۆکسلیشی
دَییشدیریاشاییشینین باشلانغیجیندان چوخ بیلگی الده یوخدور. تخمینا ۲۴۰ ه.ق. ایلی اطرافیندا آنادان اولان سوبکری تۆرکلرین خلج ائلینه عاییددیر. ۲۵۵ ه.ق. ده کابیل شهرینی فتح ائتمگه گئدن یعقوب لیث صفاریه قوْشولور و قارداشی عمرو لیث صفارینین و یا اؤزونون حؤکومتی زامانی فارس و کیرمان ایالتلرینه باشچی کیمی سئچیلیر. ۲۷۴ ه.ق. ده عَمرو طرفیندن بغداد سیفارتینه یوللانیلیر. سوبکری ۲۸۷ ه.ق. ده عَمرْوْین امیر اسماعیل سامانی الی ایله اسیر اولدوغو زامان فارسین حاکیمی ایمیش و ایکی ایل سوْنرا سوبکری دؤولتینین تملینی قۇردو. سوبکری عباسی خلیفه‌سی المقتدرین حامیلریندن ایمیش. ۲۹۷ ه.ق. ده قۇردوغو مۆستقیل دؤولتدن ۸ ایل سونرا لیث بن علی صفاری ۱۰ مین کیشی ایله سوبکری دؤولتی ایله دؤیوشدو و غالیب اولدو. سوبکری سونرا خلیفه‌دن کؤمک آلماق اۆچون بغدادا گئدیر و لیثی مغلوب ائدیر.
ییخیلیشی و اؤلومو
دَییشدیرسوبکرینین عباسی خلیفه‌سی ایله علاقه‌سینین یاخشی اولماسی چوخ سۆره‌مه‌دی چونکو بوینونا آلدیغی خراجی تام اؤده‌مه‌دی. خلیفه ساواش اۆچون سوبکری علئیهینه بیر قوْشون گؤندردی. ساواشدا سوبکری مغلوب اولدو و سوبکری دؤولتی ییخیلدی. اوْ هرات شهرینه و سونرا ایسه مروه گئتدی. احمد بن اسماعیل سامانی اوْنو اسیر ائتدی و بغدادا خلیفه‌نین یانینا گؤندردی. سوبکری ۳۰۵ ه.ق. ده بغداد حبسخاناسیندا اؤلدو.