شاملو ائلی علوی و قزیلباش تورک ائللریندن بیریدی کی قدیم زامان شام(سوریه) اؤلکه‌سینده یاشاییردیلار. ایندیلیکجه‌ده شاملو ائلی تبریز،مشهد،ساوه،سربند و ملاییرده گوروشوب و یاشایانی واردیر.[۱]

شاه‌عباس اوشاخلیخدان شاملو ائلینده گوز آچیب و بوی آتیبدیر.[۲][۳]

شاملو آدی حاقّیندادَییشدیر

آذربایجاندا موختلیف یاشاییش یئرلری وار کی آدلاری تورک طایفالاری آدی‌دیر. بونلارین بیریده آذربایجان جومهوریتی‌نین گابالا رایونونداکی "شاملو" آدی‌دیر. معلومدور کی، "شاملو" شومالی سوریه‌دن گلن تورک طایفالاریندان(بویلاریندان) بیری‌نین آدی‌دیر کی تاریخی منبع‌لرده‌ده تایید اولوب.

تاریخچی‌لرین نظری شاملو آدی حاقیندادَییشدیر

شاملو آدی‌نین یارانماسی حاقدا محمدحسن ولی‌افین "آذربایجان" آدلی کیتابیندا بئله یازیلیر: "۱۰۳۴-جو ایلدن آذربایجانا سلجوق آدی ایله تانینمیش بیر تورک طایفاسی گلمه‌یه باشلامیشدیر...سلجوقلار نچه طایفالارا بولونموشلر کی بونلارین چوخلاری موغول حوکومتینه تابع اولماقی ایستمیب، کیچیک آسیایا چیخیب گئدمیش و اوردان سونرالار موختلیف زامانلاردا آذربایجانا گلمیشدیلر، بو طایفالارین بعضی‌لریده موغول‌لار حوکومت ائدن زامان آذربایجاندا گالمیشدیلار. سلجوق طایفالاری ایندی‌ده آی‌روم، شاملو، بَی‌دیلی، ایناللی، تکله، قارامانلی، احمدلی، آیدینلی، ایمیرلی، دوخار و... آدلارا مشهوردولار".

محمدحسن ولی‌اف همان اثرینده داها سونرا یازیر:... "باشقا سلجوق طایفاسی شاملو، موغوللارین باسقینی زامان تورکیه‌یه گئدن و شام (سوریه) دا مسکن سالان (او زامان کی سوریه عوثمانلی ایمپیراتورلوغونون بیر پارچاسی‌ایدی) سلجوقلاردان عیبارتدیر. اونلار "شاملو" آدی آلتیندا توپال تیمور طرفیندن سوریه‌دن ایرانا کوچورولدولر. ایراندان دا اونلار آذربایجانا گئدیب اؤز آدلارینا اَشاغیداکی کندلره وئرمیشلر:

  • گؤی‌چای منطقه‌سینده - شاملو؛
  • آغداش منطقه‌سینده - شاملو".

حاضیردا شاملو طایفا‌سی‌نین اؤز آدینی اَشاغیداکی یاشاییش یئرلرینه وئردیقینی گؤروروک:

بوندان باشقا شاملو محله‌سی (تورکیه‌نین آق‌سارای شهرینده)، شاملولار آدینی داشیان نَسیل (تورکیه‌نین موغال اوستانی‌ندا و دنیزلی اوستانی‌نین باباداغ بؤلگه‌سی‌نده)، شاملولار قبیله‌سی (اویماقی) (تورکیه‌نین ارزروم اوستانی‌نین اوزون‌دره بؤلگه‌سی‌نده)، شاملو، شاملواوغلو سؤی‌آدلاری (شُهرتلری) (ایراندا، تورکیه‌ده، اوزبکیستاندا و شومالی قبریس تورک جومهوریتی‌نده)، آد (هیندوستان‌دا)، کوچه آدی (ایستانبول‌دا) و... واردیر. بونلار ساده‌جه تکجه بیزیم بیلدیکلریمیزدیر و کیمسه بیلمیر داها نچه کند، محله، کوچه و... شاملو آدینی داشییر.

تحقیقاتچی اَدنان مندرس ۲۰۰۴-جو ایلده تورکیه‌ده یایینلانمیش "افشار تورکمنلری" آدلی کیتابیندا شاملو طایفاسی حاقّیندا گئنیش معلومات وئریر: شاملو افشاری آدیندان‌دا آنلاشدیغی کیمی قوزئی سوریه، یا دا باشقا آدیلا حلب افشارلاریندان گلمکده‌دیرلر. ایراندا، خصوصاً صفویلر زامانیندا شاملولارین نفوذو چوخالیب و گورونوب شاملولار سوریه تورکمنلریندن و باشقا بویلارا منصوبدولار. آنجاق، گونوموزده ایراندا افشار کندلری‌نین بیری شاملو آدینی داشییر. بوللَنیر بو شاملولار، زامانلا افشارلار آراسینا گیریب اونلارین ایچینده بیر کند تشکیل ائدیبلر. ۱۶-جی یوز ایلده قارامان ایالتینده یاشایان اَت‌چَکَن اویماقلاری آراسیندا اَسکیل منطقه‌سینده ساکین بیر شاملو (باشقا آدی باشاگیرَن) خالقی یاشاماقدادیر. بو شاملولارین بیر آزی‌دا همان یوز ایلده (قرن‌ده) تارسوس منطقه‌سینده یاشاییردیلار.

شاملیلار (باشقا آدی اَسکی یؤروک) اصیل وطن‌لری اولان آنامورون چوخورشاملو کندینده ایسکان ائدیبلر. بوز اولوسونون آیدین بؤلگه‌سینده‌ده یاشایان خالقلاری آراسیندا یئنی یارانان بیر شاملو کندی وار، بو کند شاملولاردان آیریدیر.

ایندی شاملولار تورکیه‌ده، آلانیا، آنامور، آیدین، بی‌شهیر، دنیزلی، دوشنبه، ادرین، عفلانی، اغریدیر، گولنار، گول‌حیصار - آیدین، هامیت، ایچ‌اَل، قارامان، قیبریس، کوتاهیه، لاذقیه - کوتاهیه، ماناوگات، مانیسا، من‌تشه، ساروخان، تارسوس، تکه، یالواچ و زارا بؤلگه‌لرینده یئرلشیبلر.

اینترنتده وئریلن بیر مقاله‌ده شاملو ائلی حاقّیندا بئله یازیلیر:"...کرکوک و حلب بؤلگه‌سی‌نده بایات بویلارینین یئرلشدیکلری بیلینمکده‌دیر. صفوی دؤولتی‌نی قوران شاملو اویماقلاری‌نین بؤیوک اکثریتی‌نی بایات‌لار تشکیل ائدیر...". اینترنتده یاییلنانان "عیراقداکی تورک اویماقلاری. عیراقدا وارلیقی بیلینن بوی و اویماقلار" مقاله‌سینده‌ده بو باره‌ده سؤز آچیلیر:"...قوزئی سوریه تورکمنلری صفوی دؤولتی‌نه خصوصاً شاملو آدی آلتیندا قاتیلماقدادیلار...".

تورکیه‌لی تاریخچی "وطن اؤزگولون" یایینلانان "۱۳ یوزایلدن قاباق بالابان عشیرتی" آدلی عصرینده گلیبدیرکی ۱۳ یوزایلده سوریه‌ده بیر تورکمان خالقی یاشاییردی کی اهمیتلی بیر اراضیه تورکیه‌نین جونوبوندا و سوریه‌نین شومالیندا صاحیبیدیر. بو تورکمان خالقینا شاملو، شام تورکلری و یا شام تورکمانلری دئییلیرمیش. تاریخچی‌نین همان عصرینده بو خالقین حاقیندا بئله یازیلیر:"سلجوقلار زامانیندان حلب-انتپ آراسیندا یِیلاق ائدن و سیواس، گورون، گمرک آراسیندا قیشلاق ائدن تورکمان خالقینا فارسجا یازیلمیش تاریخی کیتابلاردا اَتراکِ شام و یا تُرکمانی شام، تورک خالقی و تورکجه عصرلرده شاملو تورکلری دئیلیرمیش...".

بیرده باخدَییشدیر

قایناقلاردَییشدیر