صراف قاسیم
صرّاف قاسیم (لاتین الیفباسی ایله: Sərraf Qasım) - (2018 - 1939 ، ناخجیوان موختار جومهوریتی) - آذربایجان‌لی شاعیر و آشیق، آذربایجان کند تصروفاتی اینستیتوتونون عالیمی، چاغداش ناخجیوان آشیق مکتبی‌نین بانی‌سی
| صراف قاسیم | |
|---|---|
| آد | صرّاف قاسیم |
| قیسا بیلگی | اهل‌بیت شاعیری، استاد آشیق |
| دوْغوم تاریخ | 31 دسامبر 1939 ناخجیوان، شاهبوز، آشاغی قیشلاق کندی |
| اؤلوم تاریخ | 9 فوریه 2018 ناخجیوان، شاهبوز، آشاغی قیشلاق کندی |
| میللیت | آذربایجان‌لی |
| تحصیل | آذربایجان کند تصروفاتی اینستیتوتو |
حیات و یارادیجیلغی
دَییشدیرروستملی صرّاف قاسیم ایّوب اوغلو 31 دسامبر 1939- جو ایلده ناخجیوان موختار جومهوریتی‌‌نین شاهبوز رایونونون آشاغی قیشلاق کندینده آنا‌دان اولموش‌دور. 1962-1967- جی ایل‌لرده گنجه شهرینده یئرلشن آذربایجان کند تصروفاتی اینستیتوتونون حیواندارلیق فاکولته‌سینده تحصیل آلا‌راق، حیواندارلیق ایختیصاصی اؤزره عالیم‌لیک درجه‌سی أَلده اِئتمیش‌دیر. صرّاف قاسیم گنجه شهرینده عینی زاماندا موختلیف علم و صنعت آدام‌لارین‌دان آشیق‌لیق و شاعیرلیک صنعتی‌نین سیرلرینی و عینی زاماندا اجتماعی و دینی بیلیک‌لری درین‌دن اؤیرنمیش‌دیر. او، همین دؤورده گنجه شهرینده بیر «سؤز صرّافی» کیمی تانیندیغی اوچون بیر شاعیر کیمی اؤزونه «صرّاف» لقبی‌نی گؤتورموش‌دور.[۱]
صرّاف قاسیم شوروی دؤنمینده بیر متخصّیص کیمی کند تصرّوفاتی و حیواندارلیق ساحه‌سینده موختلیف یئرلرده و تشکیلات‌لاردا چالیشمیش، آذربایجان‌ین موستقیل‌لیگی دؤنمینده ایسه ناخجیوان موختار جومهوریتی‌‌نین‌ده بیر ساز معلمی کیمی فعالیت گؤسترمیش و 2001- جی ایلده تقاعده چیخانادک بو ایشینی داوام ائتدیرمیش‌دیر.
صرّاف قاسیم أَمک فعالیتی ایله مشغول اولدوغو بوتون دؤورلرده عینی زاماندا بیر یارادیجی شاعیر و آشیق کیمی گئنیش شکیلده یارادیجی‌لیق فعالیتی ایله مشغول اولموش‌دور. تدقیقات‌چی عالیم‌لرین قناعتی‌نه گؤره صرّاف قاسیم ناخجیوان موحیطینده هم آشیق صنعتی‌نین، هم ده آشیق ادبیّاتی‌نین اینکیشافینا أَن زنگین تؤحفه‌لر وئرمیش بیر شخص اولموش‌دور. صرّاف قاسیم شوروی حاکمیتی‌نین داغیلماسین‌دان اوّل‌کی و سونراکی دؤورلرده ناخجیوان موحیطینده آشیق صنعتی‌نین اینکیشافینا أَن زنگین تؤحفه‌لر وئرن بیر شخص اولدوغو اوچون تدقیقات‌چی عالیم‌لر طرفین‌دن چاغداش ناخجیوان آشیق مکتبی‌نین بانی‌سی آدلاندیریلمیش‌دیر.[۲]
خالق آراسیندا عینی زاماندا اهل‌بیت شاعیری کیمی‌ده تانینان صرّاف قاسیم، آذربایجان پوئزیاسینین موختلیف ژانرلاریندا بیر چوخ دیرلی اثرلر یاراتمیش، او جومله‌دن أَن زنگین داستان یارادیجیلغینا، مرثیه و نوحه یارادیجیلیغی‌نا مالیک شاعیرلردن بیری کیمی تانینمیش‌دیر. صرّاف قاسیم‌ین مرثیه و نوحه‌لرینین اکثریتی شوروی دؤنمینده یاراندیغی اوچون هر زمان بویوک ماراق و اهمیت کسب ائتمیش‌دیر.[۳]
صرّاف قاسیم 9 فوریه 2018- جی ایل تاریخده 78 یاشیندا اورک اینفارکتی کئچیره‌رک، دونیاسینی دییشمیش و اِئله همین گون شاهبوز رایونونون آشاغی قیشلاق کندینین مزارلیقی‌ندا دفن اولونموش‌دور.[۴]
 |
کیمسه‌لر ایله باغلی بۇ مقاله بیر قارالامادیر. مقاله‌نی دییشدیره‌رک ویکی‌پدیایا کؤمک ائدین. |
ساز ایفالاری
دَییشدیرحاقّیندا حاضیرلانان فیلم‌لر
دَییشدیرصرّاف قاسیم‌ین 80 ایلّیک یوبیلئیی موناسیبتی‌له ناخجیوان دؤولت تلویزیونو طرفین‌دن صرّاف قاسیم‌ین حیات و یارادیجیلغی حاقّیندا آشاغی‌داکی تلویزیون لاییحه‌لری حاضیرلانمیش‌دیر:
- « سازین، سؤزون صرّافی» - (صرّاف قاسیم‌ین حیات و یارادیجیلغی حاقّیندا حاضیرلانمیش سندلی تلویزیون فیلمی)
- «سازین، سؤزون سِحرینده - صرّاف قاسیم» - (صرّاف قاسیم‌ین یارادیجیلغینا حصر اولونموش تلویزیون وئریلیشی)
- «یادّاشلاردان یوردداشلارا - صرّاف قاسیم» - (صرّاف قاسیم‌ین یارادیجیلغی حاقّیندا حاضیرلانمیش تلویزیون وئریلیشی)
خاریجی کچیدلر
دَییشدیرقایناقلار
دَییشدیر- ^ «چاغداش ناخجیوان آشیقلاری» کتابی، ایکینجی جیلد، عسگر قدیم اف، اعجمی، ناخجیوان، 2017، 464 صفحه.. آرشیولنیب اصلی نۆسخه‌دن on 2020-07-05. یوْخلانیلیب2020-07-04.
- ^ «شرق قاپیسی» روزنامه‌سینده صرّاف قاسیم حاقّیندا چاپ اولونموش مقاله. آرشیولنیب اصلی نۆسخه‌دن on 2020-07-04. یوْخلانیلیب2020-07-04.
- ^ «ناخجیوان خبرلری» سایتیندا صرّاف قاسیم‌ین شعر یارادیجیلیغی باره‌ده معلوماتلار[دائمی اولو باغلانتیلی]
- ^ «زامانلا بیرگه» روزنامه‌سینده صرّاف قاسیم‌ین بیوگرافیاسی
