طرح نو قزئتی‌نین چکیشمه‌سی

طرح نو قزئتینین چکیشمه‌سی بو قزئتین نومره ۸۶۸ اود گونو ۳۰ تیر ۱۳۹۵-ده اوشاقلار بؤلومونده بیزیم ایران (فارسجا: ایران ما) سوتونوندا، روستمین یئددی خوانی (فارسجا: هفت خوان رستم) آدلی مقاله‌نین اون دوققوزونجو بؤلومونده "آی یازیق ایتگین تورک" (فارسجا: ای ترک بدبخت گمنام) یازی‌سینی یاییملاماغی ایله باشلاندی[۱]. بو مقاله‌نین قالانیندا روستمین دیلیندن "بیز تورانلیلاری کیشی تانیمیریق و اونلار هامیسی قادیندیرلار و آی پیس سوْیلو تورک، سن کیشیلرله ساواشماغا یارانمامیشسان گئت قادینلار کیمی پامبیق و دوک الینه آل." (فارسجا: ما تورانیان را مرد نمی​دانیم که همه یکسره زنند و تو ای ترک بد نژاد برای جنگ با مردان ساخته نشده​ای برو مانند زنان پنبه و دوک دست بگیر)[۲] بو یازیدا تورکلردن علاوه، قادینلارا دا ایهانت اولونوبدور.

یاخین ایل‌لرده ایران قزئتینین کاریکاتوروندا و فیتیله وئرلیشینده اوخشار تورکلر آیاقلانماسی و قانونی جزا وئریلمه‌مه‌سینه گؤره بو ایشلرین همیشه‌لیک یاساق اولماسی دیلنمیشدی.

اعتیراضلار و گؤستریلر دَییشدیر

طرح نو آدلی گوندلیگی‌نین آشاغیلاییجی یازی‌سیندان سونرا، اینترنت سایتلاری و توپلومسال شبکه‌لرده بونا گؤره اعتیراضلار یاییملاندی. مجازی اعتیراضلار آردیندان و بو ایشه یئترلی قانونی جزا وئریلمه‌مه‌سینه گؤره، موردادین ۲-نجی گونونده تبریز [۳]و اورمودا [۴]گئنیش تظاهورات کئچیریلدی. ۴-نجو گونده زنجان، خوی، تهران و باشقا آذربایجان بؤلگه‌لری[۵]، حتی شیرازدا یاشایان قاشقای تورکلری ده طرح نو قزئتینه قارشی کسگین اعتیراض گؤستردیلر.

قایناقلار دَییشدیر

  1. ^ https://www.enghelabe-eslami.com/component/content/article/13-khabar/siasi/20554-2016-07-27-07-51-04.html[دائمی اولو باغلانتیلی]
  2. ^ http://www.trt.net.tr/persian/yrn/2016/07/26/wqw-tzhrt-trd-amyz-dr-shhrhy-tbryz-w-wrmyh-538195
  3. ^ http://www.bbc.com/persian/iran/2016/07/160727_om_tabriz
  4. ^ http://www.dw.com/fa-ir/تظاهرات-در-تبریز-و-ارومیه-علیه-روزنامه-طرح-نو/a-19428996
  5. ^ http://www.radiofarda.com/a/b5_tabriz_urmia_azarbaijan_protest_insulting_article_tarheno_newspaper/27884883.html