عارف ساسانی
عارف ساسانی ایران آذربایجان تانینمیش ماراغا لی چاغداش تورکجه و فارسجا یازان شاعیر
| عارف ساسانی | |
|---|---|
| آد | عارف ساسانی |
| قیسا بیلگی | شاعير |
| دوْغوم تاریخ | ۱۳۶۷ ه.ش اردبیل اصلاندوز |
| میللیت | ايران |
| تحصیل | کارشناسی زبان انگلیسی ، کارشناسی ارشد فلسفه |
یاشاییش
دَییشدیرعارف ساسانی ۱۳۶۷ اینجی ایلده دونیایا گؤز آچیب. ایلک و ابتدایی تحصیلاتینی آتا بابا یوردو اصلاندوزدا سونا چاتدیراندان سونرا، آتاسی‌نین ایشینه خاطر ماراغایا کؤچورلر و تحصیلاتینی ماراغادا سونا چاتدیریر و دیپلم آلاندان سونرا تبریزین تربیت معلم یونیورسیته سیندن قبول اولور.
ماراغادا درس اوخویاراق، ماراغانین ادبی انجمن‌لرینده حضورو اولور، او جمله‌دن اوحدی انجمن‌ایدی کی گؤزل شعرلر اوردا اوخوناردى و اساتيد ياخچی نظرلر شعر باره‌سینده وئرردیلر، بو انجمن‌لرده بؤيوك استادلاردان فايدالانیر.
تبريزده ده تربيت معلم دوره‌سین کئچیردن زاماندا شهریار انجمن ادبی‌سینده حضور تاپاردی. تربیت معلم دوره‌سی سونا چاتاندان سونرا بیر زاماندا چاراویماغین کندلرینده درس دئییردی و هم‌ده تهراندا شهید رجایی و تربیت مدرس یونیورسیته‌سینده گئدیب درس اوخویاردی، کارشناسی مدرکینی انگلیسی‌ده و کارشناسی ارشد مدرکین‌ده فلسفه تعلیم و تربیت رشته‌سینده الده ائدیر و ایندیسه معلیم لیک پئشه سینه ماراغادا مشغول دور!
اثرلری
دَییشدیرأشك قلم فارسجا شعرلر١٣٩٢
شعرلریندن اؤرنك
دَییشدیردانیشیرلار
اورک اولموش پارا سندن دانیشیرلار گینه ده
آچیلیر مین یارا سندن دانیشیرلار گینه ده
هارداکی واردی سؤزون بيل كى تئز اوللام اورالی
دئ گئدیم من هارا سندن دانیشیرلار گینه ده
گلیر عطرین ائله بیل ایندی کئچیبسن کوچه‌دن
قولاق آس یوللارا سندن دانیشیرلار گینه ده
سن آچاندا او اوزون ساچلاری گیزله ندی سحر
گئجه‌لر قاپ قارا سندن دانیشیرلار گینه ده
سؤزلودو، دردلى دى آخ درمانی یوخدور اوره‌ییم
دردلره تاپ چارا سندن دانیشیرلار گینه ده
سئوگیلیم
بیر جوت یاشیل قاناد گؤيه ریر منده سئوگیلیم
اوچماق سنینله خوشدو نه وار سنده سئوگیلیم
سندن منیم باشیم ساوالان تک اولوب اوجا
وولکان دا داغ باشیندا اولار چن ده سئوگیلم
قويدون منی یامان گونه گئتدین اوزاقلارا
دوستوم دا آغلاییر منه دوشمن ده سئوگیلیم
بیر سورغو هئي سورور قانیمی لاپ جانیخمیشام
سؤز آچ منیمله یوخ دا دئسن هن ده سئوگیلیم
گؤی بویدا بیر قفسدی بیزیم سئوگیمیز دئدین
سندن خوشوم گلیر بو قفسدن ده سئوگیلیم
گؤزله‌ییر منی
من دونمارام بیر ایستی قوجاق گؤزله‌ییر منی
عشق آدلی بیر آلوولو اوجاق گؤزله‌ییر منی
سنسیزله دیم درین گئجه کؤک سالدی کؤکسومه
بیلمیر باخیشلاریندا چیراق گؤزله‌ییر منی
من بیر سوسوز قوشام اوچورام تکجه یورغونام
قوشلار! بولاق یانیندا بوداق گؤزله‌ییر منی
آردینجا یول دؤیوب داها کئچدیم دوراقلاری
سورگونلوک آدلی باشقا دوراق گؤزله‌ییر منی
یول هئی دوشور آیاقلاریما گئدمه یم داها
بیلمیر کی بیر نفر نه سایاق گؤزله‌ییر منی
گؤزونده‌کی تانری
نیاز گتیرمیشم آخ سنده چوخدو ناز هوسی
پاییزلامیش آغاجام اللریمده یاز هوسی
اولار گوزونده‌کی تانری دئ هانسی معبدده؟
چیچکله‌نیر بئله کافرده ده ناماز هوسی
غزل‌لریم دئییه‌بیلمیر اوره‌کده‌کی سؤزومو
قولو سینیق عاشیغام واردی منده ساز هوسی
قوی انقلاب ائله‌سین آیریلیق غزل‌لریمیز
یاریبدی قافیه‌لر باغرین اعتراض هوسی
سوسوز گؤلم،نه بالیق‌لار کی جان وئریب منده
باخین اوچور سحر آخشام جانیمدا قاز هوسی
یامان دوشوب یادیما سن، باهار، موغان هاواسی
یاغیر گؤزومده بولودلار، آخیر آراز هوسی
اؤدول و چالیشمالار
دَییشدیرعارف ساسانی چوخلو منطقه‌ای، ملی و بین المللی فئستیوال‌لاردا دا ائلیه‌بیلیب یاخچی رتبه‌لر اله گتیرسین. ▪رضوی تورکجه شعر فئستیوالی
▪فجر شئعری
▪خط سوم
▪غدیریه
▪سرای مهر فئستیوالی
▪ترنم وحی
▪شعر جوان سوره
و ها بئله آیری نئچه فئستیوال عارف ساسانی اونلاردا اؤدول قازانان کنگره‌لردن حسابا گلیر.
ایندیسه ماراغا دا معلم کسوتینده اولاراق، جوان و گنج اویرنجی‌لره شعره مربوط اولان مطلب‌لری ده تدریس ائدیر.
قایناق لار
دَییشدیرشابلون:تورک ادبیاتی {آذربایجان تورکجه‌سی‌نین ادبیاتی}}
.jpg){kind=small} | بو تورک ادبیاتی ایله باغلی مقاله، بیر قارالاما مقاله دیر. بونو گئنیشلندیرمکله ویکی‌پدیایا کؤمک ائده بیلرسینیز. |