عدنان مندرس

عدنان مندرس (1899 - 17 سپتامبر 1961) تورکیه سیاستچیسی. 1950-60-جی ایل‌لرده تورکیه جومهوریتی‌نین باش ناظیری وظیفه‌سینده چالیشدی. عئینی تاریخ‌لر آراسیندا قوروجولاریندان بیری اولدوغو دموکراتیک پارتیانین (DP) صدری اولاراق دا چالیشدی. مندرس، تورکیه سیاسی تاریخینه اعدام ائدیلن ایلک و یگانه تورکیه جومهوریتی‌نین باش ناظیری اولاراق گیردی. 1990 -جی ایلده تورکیه بؤیوک میلت مجلیسی‌نین قبول ائتدیگی قانونلا، اونونلا بیرلیکده اعدام ائدیلن مالیه ناظیری حسن پولاتکان و خاریجی ایشلر ناظیری فاتین روشتو زورلویا برائت وئریلدی.    

Adnan Menderes
تورکیه‌نین 9.نجو باش ناظیری
ایشده 22 مئی 1950 – 27 مئی1960
رییس‌جومهور	جلال بایار
قاباقکی	شمس‌الدین گونالتای
سونراکی	جمال گورسل
دموکرات پارتیاسی‌نین باشچیسی
ایشده 9 ژوئن 1950 – 27 مئی 1960
قاباقکی	جلال بایار
سونراکی	وظیفه لغو ائدیلدی
شابلون:GNAT MP
ایشده 25 آوریل1931 – 27 مئی1960
سئچکی دایره‌سی	آیدین (1931, 1935, 1939, 1943) کوتاهیه (1946) ایستانبول (1950, 1954, 1957)
شخصی بیلگیلر
دوغوم	1899 کوچارلی, آیدین اوستانی, عثمانلی ایمپیراتورلوغو
اؤلوم	17 سپتامبر 1961 (یاش 61–62) ایمرالی, تورکیه
اؤلوم سببی	آسیلاراق اعدام ائدیلمیشدیر
سیاسی حزبی	SCF (1930) CHP (1930–45) DP (1946–60)
حیات یولداشلاری	برین مندرس (ائولی ۱۹۲۸)
اوشاقلاری	آیدین مندرس، یوکسل مندرس، موتلو مندرس
آلماماتر	آنکارا بیلیم یوردو، حوقوق
ایمضاسی

  تورکیه قورتولوش ساواشینا قاتیلدی و داها سونرا ایستیقلال مدالی آلدی. سیاسی کارنامه‌سی آزاد جومهوریت پارتیاسیندا باشلایان مندرس، پارتیانین داغیلماسیندان سونرا جومهوریت خالق پارتیاسینا (CHP) قاتیلدی و 1931 -جی ایل تورکیه عومومی سئچکی‌لرینده آیدین میلت وکیلی اولاراق ایلک دفعه  مجلیسه گیردی. 1935، 1939 و 1943 تورکیه عومومی سئچکی‌لرینده یئنیدن CHP آیدین میلت وکیلی اولاراق مجلیسده وظیفه‌یه باشلادی. مصطفی کمال  آتاتورکون اؤلوموندن سونرا CHP -نین باشچیسی اولان عصمت اینؤنونون بوتون ایستحصال واسیطه‌لرینی میلی‌لشدیرمه فعالیتینه قارشی چیخدی. 1945-جی ایلده دؤردلو تکریر حادیثه‌سی و پارتییا ایچی موخالیفت سببی ایله جومهوریت خالق پارتیاسیندان ایخراج ائدیلدی.

1945 -جی ایلده CHP -دن قووولدوغو دوستلاری جلال بایار، محمد فواد کؤپرولو و رفیک کورآلتان‌لا بیرلیکده دموکرات پارتیاسینی قوردو. پارتیا، قاتیلدیغی ایلک سئچکیده تورکیه بؤیوک میلت مجلیسینده 61 کورسو قازاندی. 1950 تورکیه عومومی سئچکی‌لرینده DP 52.7%، CHP 39.4% سس آلدی. DP 13 ایمتیاز فرقله غالیب گلسه ده، سئچکیده  ایستیفاده ائدیلن چوخلوق سیستم سایه‌سینده DP 420، CHP ایسه جمعی63 میلت وکیلی  چیخاردی. مندرس 19 -جو تورکیه حؤکومتینی قوردو و باش ناظیر وظیفه‌سینه باشلادی. 1960 -جی ایله قدر اون ایل بو وظیفه‌نی توتدو. باش ناظیر اولدوغو مودتده، تورکیه ایقتیصادیاتی ایل‌لیک اورتالاما%7،8 بؤیودو و تورکیه‌نین عومومی میلی حاصیلاتی، دونیانین توپلامی‌نین میندن 6،43'وندن میندن 7،52'یه یوکسلدی. 27 مئی کودتاسیندان سونرا یاسسیادا موحاکیمه‌لری نتیجه‌سینده 9 آی 27 گون داوام ائدن محکمه پروسه‌لری‌نین سونوندا اعداما محکوم ائدیلدی و 17 سپتامبر 1961 -جی ایلده بورسا ایمرالی آداسیندا اعدام ائدیلدی.