فاذری
فاذری (فارسی و آذری سؤزجۆکلرینین یاپیشیغیندان یارانیب) - پانفارسلار و پانفارسلار ائتکیسی آلتیندا اولموش تۆرکلر (بونلارا ایصطیلاحا «فارسزده» یا «فارس ویرمیش» دئییلیر) طرفیندن دانیشیلان بیر دیلدیر. باشقا سؤزله فارسجانین ائتکیسی و کؤلگه‌سی آلتیندا تورکجه سؤزجوکلردن بوشالان و یا تورک دیلی قوراللاری ریعایت اولونمایان، آسیمیلاسیونا معروض قالان تورکلرین دانیشدیقلاری دیله، کینایه اولاراق فاذری دیلی دئییلیر. بو دیل آذربایجان تورکجه‌سی و فارس دیلینین بیر قاریشیغیدیر؛ بئله‌کی فاذری دیلینین جۆمله قورولوشو تۆرکجه‌یه بنزه‌ییر آنجاق بعضی فعللر و قرامرله باغلی سؤزجوکلر ایستیثنا اولاراق ایشلَدیلن باشقا کلمه‌لرین چوخو فارسجا و فارسجادا ایشلنن سؤزجوکلر و سؤزبیرلشمه‌لریندن عیبارت دیر.
بو دیل چوخونلوقدا آذربایجان و ایرانین باشقا تۆرک اوستانلاری و بؤلگه‌لرینده یاشایان تۆرک اصیللی دؤولت آداملاری و حؤکومت اورقانلارینا یاخین اولانلار طرفیندن دانیشیلیر. اؤزللیکله دؤولت آداملاری رادیو و تلویزیونا وئردیکلری مۆصاحیبه‌لرده فاذری دیلینی ایشلَدیرلر. بو دیلی دانیشانلارا مانقورد دا دئییلیر. بئله بیر عجیب غریبه آسیمیله اولونموش دیلین یارانماسی‌نین نَدَنی، تورکلرین اؤز آنادیل‌لرینی اوخوللاردا و مدرسه‌لرده اؤیرنمه‌مکلری و بوتون مطبوعات و رادیو و تیلویزیوندا دا رسمی دیلدن آلینمیش سؤزجوکلر و قوراللارین یاییملانماسی دیر.
بیرده باخ
دَییشدیرقایناقلار
دَییشدیر- تورک دیلی هارا، و فاذری هارا؟! (قایناق Archived 2016-04-21 at the Wayback Machine.)
ائشیگه باغلانتیلار
دَییشدیرآذربایجان پرس، ضرورت تاسیس فرهنگستان زبان و ادبیات ترکی [۱]
فاذری دانیشمایاق [۲]
فاذری - تورکجه قرامری [۳]