فوقونوق پاقودا معبدی
بودا فوقونوق پاقودا معبدی (چینجه:佛宫寺释迦塔) ۱۰۵۶ دا خَتایلار ایداره ائتدیگی لیائو سۆلاله‌سی‌نین زامانیندا، چینین ایندیکی شانشی اوستانی‌نین یینق ایلچه‌سینده یئرلشمیش و آغاجدان دۆزلمیش چینی بیر پاقودادیر. پاقودا لیائونون ایمپیراتورو دائوزونقون بؤیوک‌آناسی‌نین عائیله‌سی ائوی‌نین یئرینده تیکیلیب. پاقودا عصیرلر بوْیو نئچه بؤیوک زلزله‌دن ساغ قۇرتولوب و چین ایچینده "مو تا" (عئینا معناسی:آغاج معبدی) عۆمومی لقبی ایله شؤهرتلنمیش‌دیر[۱][۲]. پاقودا ۴ متیر بوْیوندا داش پلتفورم اۆستونده، ۱۰ متیر اۇزونلوغودا میناره‌سی و جمعاً ۶۷.۳۱ متیر اۇجالیغی ایله حال‌حاضیردا چینین تماماً آغاجدان دۆزلمیش ان قدیمی پاقوداسی‌دیر[۳]. چینین آغاجدان دۆزلمیش اَن قدیمی پاقوداسی اوْلماسینا رغماً اَن قدیمی پاقودا ۶.جی عصیرده کرپیجدن تیکیلمیش "سونقیوئه" معبدی‌دیر؛ چینین اَن قدیمی آغاجدان تیکیلمیش بیناسی ووتای داغیندا یئرلشن و تان سۆلاله‌سی‌نین اوْرتا تاریخیه قدر چاتان بودیست بیر معبددیر.
قایناقلار دَییشدیر
- ^ Steinhardt (1997), 103.
- ^ Steinhardt (1994), 8.
- ^ Chinadaily.com.cn (2003).Sakyamuni Pagoda at Fogong Temple Archived 2007-08-24 at the Wayback Machine.. Ministry of Culture. Retrieved on 2008-01-25.