قالا قاپیسی (خوی)
خوی شهرینین اوست اورتولو بازارینین قوزئیین ده یئرلشن قالا قاپیسی خویون سالماس شهرینه گئدن طرفینه باخیر. بو قاپی ائلخانی لر طرفیندن جورلنیب و خویون اسکی حیصارینین قاپی سی دیر. بعضی قایناقلار بو قاپی نین قاجارلار طرفیندن یارادیلدیغینی دئییرلر.
بینانین اوستون ده ایکی آصلان شکیلی وار دیر. ائرمنی لر خوی شهری نی جیلوولوق زمانین دا محاصیره ائتدیک لری زامان، شهر اهالی سی بو قاپی نین آرخاسیندا دایانیب و اجنبی لرین شهرین ایچریسی نه گیرممه سینه سبب اولوبلار. بینانین اوستونده اولان گولله یئرلری(بالا دایره لر) او زامان دان قالیرلار. جیلوولوق زامانیندا شهر ائرمنی لر طرفیندن محاصره ایکن بالا زر خانیم آدلی بیر تورک قادینی باشیندان یاشماقی آچیب و تسلیم اولماق ایسته ین کیشی لر وئریب و اونلارین الیندن سیلاحی آلیب و بو قالانین اوستونده دوروب و ائرمنی لرین قاباغیندا دایانیب دیر کی اونون جسارتینین حقینده بال آذر خانیم ماهنی سی اهالی طرفیندن یارادیلیب دیر.