ناجی العلی
ناجی العلی (عرب. ناجي سليم حسين العلي ؛ 1937 الشجرة[۱]– 29 آقوست 1987، لندن) - فلسطینلی کاریکاتوریست. عرب اؤلکه‌لری‌نین آپاردیغی سیاستی و ایسرائیلی تنقید ائدن کاریکاتورالاری ایله مشهورلاشمیشدیر. فلسطینلی و عرب سیاسی خادیم‌لری ایله باغلی سرت اوسلوبلو کاریکاتورلاری ایله تانینان ناجی العلی فعالیتی دؤورونده توپلامدا 40.000 دن چوخ کاریکاتورا چکمیشدیر. ناجی العلی داها چوخ حنظله آدلی کاریکاتورا پرسوناژی‌نین یارادیجی‌سی کیمی خاطیرلانیر. حنظله قیسا زاماندا مشهورلاشاراق، فلسطین آزادلیق حرکاتی‌نین سمبول‌لاریندان بیرینه چئوریلمیشدیر.
| ناجی العلی | |
|---|---|
 | |
| دؤغوم‌تاریخی | c. 1938 الشجره, بیرلشیک کراللیک فیلیسطین مانداسی |
| اؤلوم‌تاریخی | 29 آفوست 1987 (یاشیندا 48–49) لندن, بؤیوک بریتانیا |
| ایش | کاریکاتوریست |
| میللیت | فیلیسطین‌لی |
| چالیشما ایللری | 1938-1987 |
ناجی العلی لندن‌ده ایشله دیگی و کووئیته عایید اولان القبس قزئتی‌نین دفتریندن چیخارکن سیلاحلی هوجوما معروض قالمیش و آغیر یارالانمیشدیر. سوء-قصد جهدی 1987-جی ایلین 22 ژوئن تاریخینده باش وئرمیشدی. کاریکاتوریست اوزوندن آغیر یارالاندیغیندان 5 هفته اؤزل طیبی باخیمدا ساخلانیلسادا همین ایلین 29 آقوست تاریخینده وفات ائتمیشدیر. ناجی العلی‌نین سوء-قصدی‌نین اساس سببی کیمی تنقیدی مؤوضولاردا چکدیگی کاریکاتورلار گؤستریریلدی. عرب دونیاسی ایسه باش وئرمیش سوی-قصده گؤره موسادی ایتّیهام ائتدی.
یاشاییشی
دَییشدیر
ناجی العلی 1938-جی ایلده فلسطین‌ین شیمالیندا یئرلشن کیچیک الشجرة کندینده دونیایا گلمیشدیر. فلسطینده باش وئرن حادیثه‌لر سببیندن کیچیک یاشلاریندان عاییله‌سی بیرلیکده اؤلکه‌نی ترک ائتمک مجبوریتینده قالیر. عاییله لوبنان‌ین جنوبوندا یئرلشن عین الحلوة‌‌ده مسکون‌لاشمالی اولور. یئنی‌یئتمه‌لیک دؤورونو لوبنان‌دا کئچیردیکدن سونرا تحصیل آلماق اوچون سیدون شهرینه گئدیر. بورادا 2 ایللیک تحصیلینی بیتیردیکدن سونرا ایسه طرابلس شهرینه یوللانیر. یئنیدن لوبنانا قاییدان ناجی العلی بورادا قاچقین‌لار اوچون اولان چادیر دوشرگه‌لرینده یاشاماغا باشلاییر. مقصدی اینسان‌لارین یاشادیقلاری چتین‌لیک‌لره بیر باشا شاهید اولماق اولان ناجی العلی بو دؤورده موختلیف عرب اؤلکه‌لرینه سفرلر ائده رک عومومی عرب چوغرافیاسیندا اولان وضعیتی اؤیرنمگه چالیشیردی.
1959.جو ایلده لوبنانا قاییتدیقدان سونرا عرب میلتچی حرکاتینا قوشولور. اویغون‌سوز داورانیش‌لاری اساس گتیریله‌رک بیر ایل عرضینده دؤرد دفعه تشکیلاتدان خاریج ائدیلیر. 1960-1961-جی ایللر عرضینده عرب میلتچی حرکاتی‌نین مطبوعات اورقانی اولان al-Sarkha (آغلاماق) درگی‌سینده اؤز کاریکاتور و یازی‌لاری ایله چیخیش ائدیر. ناجی العلی داها موکمّل کاریکاتوریست اولماق اوچون بو ساحه‌ده عالی تحصیل آلماغی شرط حساب ائدیردی و بو سببدن 1960-جی ایلده لوبنان مدنیت و اینجه صنعت بیلیم‌یوردونا داخیل اولور. ائله همین ایلده سیاسی سبب‌لر اساس گتیرله‌رک حبس ائدیلیر و بیلیم‌یوردوندان خاریج اولونور. حبس مودتی‌نین باشا چاتماسی‌نین آردیندان صور شهرینه یوللانیر و بورادا یئرلشن Ja'fariya College ده چالیشیر.
یازیجی و آکتیویست غسان كنفانی ایله تانیش‌لیق ناجی العلی‌نین داها دا مشهورلاشماسی‌نین یولونو آچیر. ناجی العلی‌نین کاریکاتورالارینی و یازی‌لارینی یوکسک قییمت‌لندیرن غسان كنفانی همین کاریکاتورلارین بیر قیسمینی اؤزو ایله بیرلیکده الحوریة-ه آپاریر و بورادا چاپ ائتدیریر. 1961-جی ایلین 25 سپتامبریندا اولان بو حادیثه نتیجه‌سینده ناجی العلی‌نین مشهورلاشماسی یولوندا ایلک آددیم اولور. ناجی العلی 1963-جو ایلده کووئیته گلیر. مقصدی قاهیره و یا روم کیمی بؤیوک شهرلره گئتمک اولان کاریکاتوریست اؤزونو داها یاخشی تصدیق ائتمک اوچون اوروپا کاریکاتور مکتبینه چیخیشی‌نین اولماسینی اؤنملی فاکت حساب ائدیردی. اوروپایا گئتمک اوچون موختلیف قزئت‌لرده چالیشاراق پول قازانماغا نایل اولور. اوّلجه عرب میلیتچی‌لیگی ایله تانینان آل-تالی قزئتینده چالیشیر، 1968-جی ایلدن اعتیباراً ایسه السیاسة قزئتینه کئچیر. بو مودت عرضینده بیر نئجه دفعه لوبنانا سفرلر ائدیر. 1974-جو ایلده لوبنان قزئتی اولان السفیرده ایشله‌ییر. لوبنان و ایسرائیل آراسیندا آلوولانان موناقیشه سببیندن لوبنانی ترک ائدیب اوروپایا موهاجیرت ائتمه‌لی اولور. 1985-جی ایلده لندن شهرینده کووئیته عایید القبس قزئتینده ایشه باشلاییر. ناجی العلی 1987-جی ایلده سوء-قصدله اؤلدوروله‌جگی گونه قدر بو قزئتده چالیشمیش و 1987-جی ایلین 22 ژوئن تاریخینده قزئتین دفتریندن چیخارکن سوی-قصده معروض قالمیشدیر. باش وئرن سیلاحلی هوجوم نتیجه‌سینده اوزدن آغیر یارالانان کاریکاتوریست، حادیثه‌دن 5 هفته سونرا وفات ائدیر. 1984-جو ایلده The Guardian قزئتینده ناجی العلی باره ده درج ائدیلن یازیدا، ناجی العلی عرب دونیاسیندا ایجتیماعی فیکیری موعین‌لشدیرن شخص اولاراق ایفاده ائدیلمیشدیر.
حنظله
دَییشدیر
ناجی العلی‌نین ان مشهور کاریکاتورو حنظله‌دیر. حنظله 10 یاشلاریندا کوسه‌ین بیر اوغلاندیر. کاریکاتور ایلک دفعه 1969-جو ایلده ناجی العلی کووئیتده چالیشارکن السیاسة درگی‌سینده یاییملانمیشدیر. دونیانین فلسطینده باش وئرن قتل‌عام‌لارا سس‌سیز قالماسی سببیندن هر زامان آرخاسی طرفدن تصویر ائدیلن حنظله، اینسان‌لیغین فلسطینده یاشایانان‌لارا بیگانه قالماسی سببیندن اینجیمیشدیر. حنظله‌نین فاطما آدیندا بیر باجیسی واردیر. آیاق‌قابی نؤمره‌سی، هر زامان آیاق یالین گزدیگیندن معلوم دئییل. وطنینه قاییتماغی آرزولایان حنظله، دوغما تورپاق‌لاری اوچون دایم داریخیر. حنظله کاریکاتورو قیسا زاماندا بوتون فلسطینده مشهورلاشمیش و فلسطین آزادلیق حرکاتی‌نین سمبول‌لاریندان بیرینه چئویریلمیشدیر. ناجی العلی حنظله ایله عئینی طالعی یاشایان یوزلرله فلسطینلی اوشاغین هارایینی عومومی‌لشدیرمیشدیر. حنظله تکجه فلسطینده یوخ بوتون عرب چوغرافیاسیندا مشهورلوق الده ائتمیشدیر. عرب دونیاسیندا بو کاریکاتوردان ایشغالی و دسپوتیزیمه قارشی اعتیراض ائتمک اوچون ایستیفاده ائدیلمیشدیر. کاریکاتور حتّی ایران یاشیل اینقیلابی زامانی بئله موخالیفت طرفیندن ایستیفاده اولونموشدور.
اتک یازی‌لار
دَییشدیر- ^ Library of Congress Library of Congress Name Authority File (ing.).
