نارین قالا (اردبیل)
نارینقالا یا دا نارین قالاسی — بؤیۆک و موستحکم بیر قالا ایمیش اردبیل شهرینین ایچینده و بالیقلی چاینین یانیندا کی بو قالانین قیدمتی چوخ گۆمانلارا گؤره بؤیۆک سلجوقلو ایمپیراتورلوغونون دؤنمینه یئتیشیر. بو قالا ۱۳۱۵–جی هیجری گۆنشلی ایلده رضا پهلوی زامانیندا تخریب اوْلۇنۇب. نارین قالا اردبیل شهرینین حاکیمیت قالاسی ساییلیردی. بو قالا ایران-روس ساواشلاریندا ساواش تجهیزاتینین ذخیره ائتدیغی مرکزی ساییلیردی.[۱] بو قالا ۱۳۱۵–جی ایلده تخریب اوْلدۇ و چوْخ تأسوفلر کی بو تاریخی قالا دان بۇگۆن اؤنملی اوْلان بیر اثر قالماییب. بۇ قالا اردبیل حاکیملرینین اقامتگاهیدی و اردبیل حاکیملری بۇ قالا دا یاشاییردیلار. هابئله شهرین پادیگانی و حبسخاناسی دا بو مکاندا یئرلشمیشدی. بۇ قالانین قاییرما تاریخی چوْخ بللی دئیل اما گۆمانلارا گؤره بۇ قالانین تاریخی ان آزی سلجوقلو ایمپیراتولوغو زامانینا یئتیشیر.[۲][۳] بۇ قالا فتحعلی شاه قاجار زامانیندا فتحعلیشاه فرمانیله ژنرال گاردان باشچیلیغیله فرانسهلی اوْلان بیر نیظامی هیأت طرفیندن تحکیم و مرمّت اوْلۇندۇ. بۇ نیظامی هیأت قالانی موْدرن ساواشلار اساسیندا و موْدرن سیلاحلار و ساواش وسیلهلریله تحکیم ائتدیلر و قالانین اطرافینداکی اسکی خندق کی یئنی دیوارلارین ایچریسینده یئرلشمیشدی، باشقا بیر خندق ده دیوارلارین ائشیک قیسمتینده قازدیلار کی بۇ خندق چوْخ عریض و عمیق بیر خندق اولموشدو کی شاهباغی محلهسیندن گئچن چایدان دا بو خندقه سو چکمیشدیلر. بو قالا ایران و روس ساواشلاریندا ایران اوردوسونون ان یاخشی تحکیماتلاریندان ساییلیردی و ان اؤنملی اوْلان سیلاحلاری و تجهیزاتی بۇ قالا دا ذخیره ائدیردیلر.[۲]
قایناقلار
دَییشدیر- ^ اردبیلین تاریخی قالالاری.
- ^ ۲٫۰ ۲٫۱ اردبیل در گذرگاه تاریخ، بابا صفری جلد اول
- ^ اردبیل نارینقالاسینین تانیتدیرماسی.