رضا شاه پهلوی
رضا شاه یا دا رضا شاه پهلوی (دوْغۇم: ۲۴ اسفند ۱۲۵۶ هجری شمسی سوادکوه بؤلگهسی، مازندران اوستانی - اؤلۇم: ۴ مرداد ۱۳۲۳ ژوهانسبورق، گونئی آفریقا) — ایراندا ۱۳۰۴–۱۳۲۰–جی هیجری گۆنشلی ایللر آراسی شاهلیق ائدیب. رضا پهلوی پهلویلر حؤکومتینین بانیسی و بیرینجی شاهیایدی.
 رضاشاه پهلوی | |
|---|---|
 | |
| تاجقویماق | ۴ اردیبهشت ۱۳۰۵ گۆنش ایلی |
| دوغوم گونو | ۲۴ اسفند ۱۲۵۶ خورشیدی |
| دوغوم یئری |  ایران، مازندران اوستانی، سوادکوه بؤلگهسی، آلاشت |
| اؤلوم | ۴ مرداد ۱۳۲۳ خورشیدی (۶۶ یاش) |
| اؤلوم یئری | .svg){kind=small} گونئی آفریقا، ژوهانسبورق |
| سونراکی شاه | محمدرضا پهلوی |
| اؤنجهکی شاه | احمدشاه قاجار |
| آرواد | تاجالملوک آیرملو |
| آروادلار | توران امیرسلیمانی عصمت دولتشاهی |
| کاخ | تهران، گولوستان سارایی (کاخ گلستان) |
| سولاله | پهلویلر  |
| آتاسی | عباسعلی داداشبیگ |
| آناسی | نوشآفرین آیرملو |
| اوشاقلار | همدمالسلطنه، شمس، اشرف، محمدرضا، علیرضا، غلامرضا، عبدالرضا، احمدرضا، محمودرضا، فاطمه، حمیدرضا |
| دین | ایسلام (شیعه) |
رضا پهلوی بعضی ریوایتلره گؤره کورد بیر عائیلهده آلاشت یئرینده دونیایه گلیب.[۱] ایکی ایل صدراعظم اوْلدو (۱۳۰۲–۱۳۰۴)، ۱۳۰۴–جو ایلده پهلوی سولالهسینین بیرینجی شاهی اوْلوب و قاجار شاهلیغینین ییخیلیشین اعلام ائتدی.[۲]
یاشام
رضا پهلوی، آلاشت کندینده سوادکوه یئرینده مازندران اوستانیندا دۆنیایه گؤز آچیب. بعضی تاریخچیلر اوْنۆن عائیلهسین پالان کۆردلریندن بیلیبلر. رضا پهلوی اوشاقلیقدا یوْخسۇل اوْلۇردۇ، سوْنرالار قوْشۇنچۇ اوْلدۇ و افسرلیق رۆتبهسینه یئتیشدی.
اوْردۇ باشچیسی
۱۲۹۹-جۇ ایلده قزوین قزاق اوْردۇسۇنا باشچی اوْلدۇ. ۳ ایسفند ۱۲۹۹ تهران شهرینی ایشغال ائدیب و کۇدتا ائتدی. سوْنرا اینگیلیس سیاستچیلرینین حیمایتی ایله ساواش وزیری اوْلۇب و چوْخلۇ قاریشیقلاری آرادان آپاردی و ۱۳۰۲–جی ایلده احمدشاه قاجار مجبۇر اوْلدۇ اوْنۇ صدراعظم اعلام ائلیه.
شاهلیغا یئتیشمهسی
۱۳۰۴-جۇ گۆنش ایلینده رضا پهلوی اؤزۆنۆ شاه بیلیندیرب و قاجار ایمپیراتورلوغونۇن سوْنا گلمهسینی اعلام ائتدی و پهلوی دؤولتینی قۇردۇ. رضا پهلوی ۱۳۰۴–جو ایلدن ۱۳۲۰-جی ایلینهجن حؤکۆمت ائتدی.
شاهلیقدان دۆشمهسی
۱۳۲۰-جی ایلده ایران اؤلکهسی، روس و اینگلیس و آمریکا طرفیندن ایشغال اوْلۇب و رضاشاه شاهلیقدان دۆشدۆ. رضا پهلوی شاهلیقدان دۆشندن سوْنرا، گۆنئی آفریقا اؤلکهسینه تبعید اوْلدۇ و ۴ مرداد ۱۳۲۳–جو ایلده گۆنئی آفریقانین ژوهانسبورق شهرینده دۆنیاسین دئیشدی.