هاروارد بیلیم‌یوردو

شعار

گرچَک (Truth)

یارانما تاریخی

1636

تیپ

اؤزل (خصوصي) و آراشدیرما

باشچی

درو گیلپین فاوست

اوستاد سایی‌سی

4671

اؤیرنجی سایی‌سی

21000

شهر

كمبريج، ماساچوست ایالتی

وئب‌سایت

http://www.harvard.edu

هاروارد بیلیم‌یوردو (اینگیلیسجه: Harvard University)، آمریکا نین ماساچوست ایالتی نین كمبريج شهرینده یئرلشن و 1636 -جی ایلده آچیلمیش، مخصوص بیر بیلیم‌یورد آدیدیر. بۇ بيليم يورد دونيانين ان آدليم و اعتبارلي تكنولوژي و آراشديرما تشکیلاتلارینداندير. بۇ بیلیم یوردون تاریخی، اثری، و وارلیغی ، اونو دونیانین ان پرستیژلی بیلیم یوردلارین بیری سینه سئچیلیب و دئمک اولار هر ایل دونیانین 3 یوخاری سطح بیلیم یوردونون بیریسی سئچیلمکده دیر. ایللیک ییغدیغی اعانه و بودجه 37.6 ميليارد دولار اولاراق، دونیانین ان وارلی بیلیم یوردودور. بۇ بیلیم یورد اویرنجیلرین چوخو، میلتلر آراسي ان هوشلو اؤيرنجيلري، آمریکانین ان دؤولتلی آداملارین بالالاری و آدلیم سیاسی عاییله لرین اوشاقلاری سايييليرلار.
بۇ بیلیم‌یوردونون 11 بیلیم دپارتمانی، و 10 فاکولته یه بؤلونموشدور. بیلیم یوردون مساحتی 85 هکتاردیر. هاروادین کیتاب ائویسی 79 کیتابخانایا بؤلونور و 18 میلیون کیتاب و آراشدیرما باشلیقی ایله دونیا بیلیم یوردلارینین ان بؤیوک کیتاب ائوی ساییلیر. جمعی 21000 اؤیرنجی‌سی واردیر. بۇ بيليم يورد آراشديريجيلاري 2015 -جي ايله قدر، 150 نوبئل اؤدولو (جايزه سي) آليبلار.

هارواردین طیب (مئدیکال) اوخولو

مدرسه‌لر و کالئجلردَییشدیر

هاروارد کالئجی، دوزلیش ایلی: 1636
الهیات، دوزلیش ایلی: 1782
یاسا(قانون و حقوق)، دوزلیش ایلی: 1817
دیش حکیملیگی، دوزلیش ایلی: 1867
اینجه صنعت و بیلیم، دوزلیش ایلی: 1872
آل-وئر (بیزینس)، دوزلیش ایلی: 1908
یاسا(قانون و حقوق)، دوزلیش ایلی: 1817
گلیشدیرمه و اوزاتما(توسعه)، دوزلیش ایلی: 1910
یاسا(قانون و حقوق)، دوزلیش ایلی: 1817
تاسارلاما (طراحلیق)، دوزلیش ایلی: 1914
اؤیرتیم، دوزلیش ایلی: 1920
گئنل ساغلاملیق، دوزلیش ایلی: 1922
دؤولتچیلیک، دوزلیش ایلی: 1936
مۆهندیس‌چیلیک و ایشه سالمالی بیلیملر، دوزلیش ایلی: 2007

هاروارد بیلیم‌یوردوندا تانینمیش تحصیل آلانلاردَییشدیر

آمئریکانین ایکینجی جومهور باشقانی، جان آدامز
بان کی مون، بيرلشميش ميللتلر باشقاني
جورج دبلیو بوش، آمئریکانین 43جو جومهور باشقانی
جان اف کندی، آمئریکانین 35جی جومهور باشقانی
فرانکلین دلانو روزولت، آمئریکانین 32جی جومهور باشقانی
باراک اوباما، آمئریکانین ایندیکی و 44جو جومهور باشقانی
الن جانسون سیرلئاف، لیبریا نین جومهور باشقانی و نوبئل اؤدولو قازانان
تئودور روزولت، آمئریکانین 26جی جومهور باشقانی و نوبئل اؤدولو قازانان
جان کویینسی، آمئریکانین 6جی جومهور باشقانی