هارون افندی
هارون عثمان‌اوْغلو (د. ۲۲ ژانویه ۱۹۳۲؛ دمشق، سوریه)، سولطان ایکینجی عبدالحمیدین اوْغلو محمد سلیم افندی‌نین نوه‌سی و محمد عبدالکریم افندی‌نین اوْغلودور. آناسی ایسه نعمت خانیم‌افندی دیر.
| هارون افندی | |
|---|---|
| عثمانلی سولاله‌سی‌نین ۱۱-جی باشچی‌سی | |
| حؤکوم | ۱۸ ژانویه ۲۰۲۱ – گۆنۆمۆز |
| قاباقکی | دوندار علی |
| دوغوم | ۲۲ ژانویه ۱۹۳۲ دمشق، سوریه |
| حیات یولداشی | فریضت خانیم‌افندی |
| اوشاقلار | اورخان عثمان‌اوْغلو عبدالحمید قایی‌خان عثمان‌اوْغلو نورخان عثمان‌اوْغلو |
| سولاله | عثمانلی |
| آتا | محمد عبدالکریم افندی |
| آنا | نعمت خانیم‌افندی |
حیاتی
دَییشدیرهارون عثمان‌اوْغلونون باباسی محمد عبدالکریم افندی، سولطان ایکینجی عبدالحمیدین ان بؤیوک اوْغلو اوْلان محمد سلیم افندی‌نین تک اوْغلو ایدی.[۱] باباسی ۱۹۲۴ده عثمانلی خاندان اۆیه‌لری سۆرگۆنه چیخاریلماسی نتیجه‌سینده بیروتا یئرلشدی. اوْ، دمشقه گئدیب اوْردا ائولندی و هارون افندی (۲۲ ژانویه ۱۹۳۲) بؤیوک قارداشی دوندار علی (۳۰ دسامبر ۱۹۳۰) ایله بیرلیکده اوْردا آنادان اوْلدولار. آتاسی محمد عبدالکریم افندی ۱۹۳۵ده حیاتی‌نی دگیشدیکدن سوْنرا بیروتا گلیب دده‌سی محمد سلیم افندی ایله یاشادی آمما اوْنون دا ۱۹۳۷ ایلینده وفاتی اۆزرینه آناسیندان باشقا کیمسه‌سی قالمایینجا آناسی و بؤیوک قارداشی ایله بیرلیکده دمشق‌ده یاشادیلار. اۇزون سۆرگۆن ایللری سۆره‌سینده یورددان کنار یاشایان عاییله، ۱۹۷۴ده خاندان اۆیه‌لری‌نین وطنه دؤنمه‌لرینه ایذین وئریلمه‌سیندن همن سوْنرا هارون افندی دمشق‌دن ایستانبولا گلدی و تورکیه جومهوریتی وطن‌داشلیغی‌نی آلدی. ۲۰۲۱ تاریخینده بؤیوک قارداشی دوندار عثمان‌اوْغلونون وفاتی اۆزه‌رینه عثمانلی خاندانی‌نین باشچی‌سی اوْلدو. هارون افندی گۆنۆمۆزده ایستانبولدا ایقامت ائتمکده‌دیر.[۲][۳]
جومهور باشقانی رجب طیب اردوغان، دوندار عثمان‌اوْغلونون اؤلوموندن سوْنرا هارون عثمان‌اوْغلونو تلفوْنلا آرایاراق عاییله‌سینه تسلیت و دوندار علی بگه آلله‌دان رحمت دیله‌دیگی‌نی سؤیله‌دی. هارون افندی ایسه، جومهور باشقانی اردوغانا تشککور ائتدی و اوْنون اۆچۆن هر زامان دوعا ائتدیگینی سؤیله‌دی. آیریجا هارون افندی، ت‌ر‌ت ۱ده یایین‌لانان پایتخت: عبدالحمید سئریالی‌نی ایزله‌دیگی‌نی و تعقیب ائتدیگینی سؤیله‌دی.[۴]
قایناقلار
دَییشدیر- ^ Suriye, Aile Kabristanı'nda define izin vermedi (tr).
- ^ SABAH, DAILY (2021-01-19). Last heir to Ottoman throne passes away at 90 (en-US).
- ^ sabah, daily (2016-08-12). Ottoman dynasty welcomes newest prince, 5th generation grandson of Sultan Abdülhamid II (en-US).
- ^ Erdogan présente ses condoléances pour la mort du prince Abdulkerim Dundar Osmanoglu. آرشیولنیب اصلی نۆسخه‌دن on 2021-04-16. یوْخلانیلیب2023-01-25.