عثمانلی سولاله‌سی

(عثمانلی خاندانی-دن يوْل‌لاندیریلمیش)

عثمانلی سولاله‌سی یا دا عثمانلی خاندانی (تورکیه تورکجه‌سی: Osmanlı Hanedanı)، بیر اسکی سولاله دیر کی ۱۲۹۹-جو میلادی ایلده بیرینجی عثمان توسوط ایله قورولدو. بیرینجی عثمان نین آتاسی ارطغرل غازی، قایی ائلی‌نین بیگی و آنادولو سلجوقلو دؤولتی‌نین اوج بیگی ایدی. بو اۆزدن عوثمانلی‌لارین سوْیو اوغوز تورکلری‌‌‌‌نین قایی ائلی‌نه اوزانیر.

عثمانلی سولاله‌سی نین نیشانی

تاریخیدَییشدیر

عثمانلی سولاله‌سی‌نین قۇرۇجوسو عثمان بی، آنادولو سلجوقلو دؤولتی‌نین اۇج بی‌لریندن بیری اوْلاراق بیزانس ایمپیراتورلوغو سرحدلرینده خیدمت ائدیردی. آنادولو سلجوقلو دؤولتی یؽخؽلاندان سوْنرا اؤز ایداره‌سی آلتیندا اوْلان توْرپاقلاردا بیر دؤولت قۇردو. بۇ دؤولت عثمانلی بی‌لیگی آدلاندی. بو یئنی دؤولت و سولاله‌نین ایلک باشچی‌سی ایسه عثمان غازی اوْلدو.[۱][۲] ۱۴۵۳-جو ایلده فاتیح سولطان محمد، ایستانبولو فتح ائدیب ۱۰۵۸ ایللیک بیزانس ایمپیراتورلوغونا سوْن قوْیدوغدان سوْنرا عثمانلی دؤولتی ایمپیراتورلوغا یۆکسلدی.[۳]

فاتیح سولطان محمد سلطنتی‌نین سوْن ایللرینده تنظیم اوْلونان "قانون‌نامه آل عثمان"، اؤنجه‌کی سولطانلارین یازیلی قۇراللاری‌نی بیر آرایا گتیرمکله، دؤولت ایداره‌سی‌نی مرکزیتچی بیر حالا گتیردی و پادیشاهی موطلق حاکیم قیلدی. فاتیح قانون‌نامه‌سی اوْلاراق دا آنؽلان بۇ قۇراللاردا تخته چیخان شاهزاده‌نین قارداشی، دؤولته ضرر وئرمه‌سینی انگللمک اۆچۆن اؤلدورولمه‌سینه ایجازه وئریلدی.[۴][۵]

عثمانلی سولاله‌سی‌نین سوْن پادیشاهی آلتینجی محمد، بیرینجی دونیا ساواشیندا مغلوب اوْلموش، عثمانلی ایمپیراتورلوغونون دا سوْن حؤکومداری ایدی. سور آندلاشماسی نتیجه‌سینده آنادوْلو توْرپاقلاری‌نین پارچالانماسی قارشی‌سیندا باشلانان تورکیه قورتولوش ساواشی‌نین آردیندان پادیشاه، هیئتی ایله بیرلیکده تورکیه بؤیوک میللت مجلیسی‌نین قراری ایله ایستانبول و تورکیه‌دن سۆرگۆن ائدیلدی.[۶]

 
آلتینجی محمدین دولماباغچه سارایی‌نی ترک ائتدیگی آنلار

یاووز سولطان سلیم ایسلام توْرپاقلاری‌نی فتح ائدیب بیرلشدیلمک هدفی ایله ۱۵۱۷-جی ایلده عثمانلی-مملوک ساواشی نتیجه‌سینده قاهیره‌نی فتح ائتدیکدن سوْنرا عباسی خلافتی و مملوک سولطانلیغینا سوْن قوْیوب و عثمانلی خلافتی‌نی قۇردو، اؤزو ایسه خلیفه‌ عونوانی‌نی قازانیب ایکی موقدس مسجیدین خادیمی اوْلدو.[۷][۸] ۱ نوْوامبر ۱۹۲۲ده سلطنتین لغو اوْلماسیندان سوْنرا آنکارا حوکومتی، ایکینجی عبدالمجیدی، ساده‌جه موسلمانلار خلیفه‌سی «خلیفه مسلمین» اوْلاراق سئچمیشدیر. سوْنرالار خلیفه و جومهوریتچیلر آراسیندا باش وئرن آنلاشمازلیقلار نتیجه‌سینده ۳ مارس ۱۹۲۴-جو ایلده خیلافت لغو اوْلوب بۆتون سولاله اۆیه‌لری یۇردو ترک ائتمک مجبوریتینده قالدیلار نه ایسه سوْنرالار سولاله اۆیه‌لرینین سۆرگۆن فرمانی لغو اوْلوندو.[۹]

 
ایکینجی عبدالمجید سوْن عثمانلی و ایسلام خلیفه‌سی

گۆنۆمۆزده عثمانلی سولاله‌سی‌نین اۆیه‌لری عومومیتله عثمان‌اوْغلو سوْی آدی ایله تانینیرلار و چوْخو تورکیه، آمریکا، آوروپا و اورتا دوغودا یاشاییرلار. ۲۰۲۱-جی ایلدن هارون افندی سولاله‌نین باشچی‌سی دیر.[۱۰][۱۱]

سولطان‌لاردَییشدیر

 
عوثمانلی سولطان‌لار

سولاله باشچی‌لاریدَییشدیر

 
آلتینجی محمد سولاله‌نین ایلک باشچی‌سی

قایناقلاردَییشدیر

  1. ^ "Prof. İnalcık: Osmanlı 1302'de kuruldu". NTVMSNBC.com. 27 July 2009. 27 November 2014-ده اوریجنال-دن آرشیولشدیریلمیشدیر. 26 February 2013-ده یوخلانیب. {{cite web}}: Unknown parameter |status= ignored (help)
  2. ^ Çıpa, H. Erdem. The Making of Selim: Succession, Legitimacy, and Memory in the Early Modern Ottoman World. Bloomington, Indiana: Indiana University Press, 2017. Page 29.
  3. ^ Foster, Charles (22 September 2006). "The Conquest of Constantinople and the end of empire". Contemporary Review. 11 June 2009-ده اوریجنال-دن آرشیولشدیریلمیشدیر. {{cite web}}: More than one of |work= and |website= specified (help)
  4. ^ "Doç. Dr. Coşkun Üçok. Osmanlı Devleti Teşkilatında Tımarlar, IV. Mali Bakımdan Tımarlar. s.89" (PDF). 2011-03-02-ده اوریجنال (PDF)-دن آرشیولشدیریلمیشدیر. 2015-01-23-ده یوخلانیب. {{cite web}}: More than one of |accessdate= and |access-date= specified (help); More than one of |archivedate= and |archive-date= specified (help); More than one of |archiveurl= and |archive-url= specified (help)
  5. ^ Fatih Sultan Mehmed’in kardeş katline imkan tanıdığı kanunnameyi ve niçin yapıldığını detaylı bir şekilde izah eder misiniz
  6. ^ Armağan, Mustafa (2009). Vahdettin kaçtı mı, kaçırıldı mı?. Zaman.
  7. ^ Hassan, Mona (2018). Longing for the Lost Caliphate: A Transregional History. Princeton University Press.
  8. ^ Finkel, Caroline (2005). Osman's Dream: The Story of the Ottoman Empire, 1300-1923. New York: Basic Books. p. 111. ISBN 978-0-465-02396-7.
  9. ^ "Hilafet" (PDF). islamansiklopedisi.info. Türk Diyanet Vakfı İslam Ansiklopedisi, Cilt 17, yıl 1998. 2 February 2017-ده اوریجنال (PDF)-دن آرشیولشدیریلمیشدیر. 23 January 2017-ده یوخلانیب. {{cite web}}: More than one of |accessdate= and |access-date= specified (help); More than one of |archivedate= and |archive-date= specified (help); More than one of |archiveurl= and |archive-url= specified (help); Unknown parameter |first 1= ignored (|first1= suggested) (help); Unknown parameter |last 1= ignored (|last1= suggested) (help)
  10. ^ "Sürüldüler ama bitmediler". turkiyegazetesi. 10 March 2013. 22 April 2016-ده اوریجنال-دن آرشیولشدیریلمیشدیر. 7 August 2013-ده یوخلانیب.
  11. ^ "Osmanlı Hanedanı dört kıtada yaşıyor". milliyet. 15 July 2010. 5 March 2016-ده اوریجنال-دن آرشیولشدیریلمیشدیر. 7 August 2013-ده یوخلانیب.