احمد نهاد
احمد نهاد افندی (د. ۵ جولای ۱۸۸۳، ایستانبول، عثمانلی ایمپیراتورلوغو - اؤ. ۴ ژوئن ۱۹۵۴، بیروت، لوبنان)، سولطان بئشینجی مرادین نوه‌سی و شاهزاده محمد صلاح‌الدین افندی‌نین اوْغلودور. آناسی ایسه نازیک ناز خانیم دیر.[۱][۲]
| احمد نهاد | |
|---|---|
 | |
| عثمانلی سولاله‌سی‌نین ۳-جو باشچی‌سی | |
| حؤکۆم | ۲۳ آقوْست ۱۹۴۴ – ۴ ژوئن ۱۹۵۴ |
| قاباقکی | ایکینجی عبدالمجید |
| سوْنراکی | عثمان فؤاد |
| دوغوم | ۵ جولای ۱۸۸۳ ایستانبول، عثمانلی ایمپیراتورلوغو |
| اولوم | ۴ ژوئن ۱۹۵۴ (۷۰ یاش) بیروت، لوبنان |
| حیات یولداشی | صافرو خانیم نزیهه خانیم نورستان خانیم |
| اوشاقلار | شاهزاده على واصب |
| سولاله | عثمانلی |
| آتا | محمد صلاح‌الدین افندی |
| آنا | نازیک ناز خانیم |
حیاتی
دَییشدیرشاهزاده احمد نهاد افندی ۱۸۸۳-جو ایلده چیراغان ساراییندا دۆنیایا گلمیشدیر. آتاسی بئشینجی مرادین اوْغلو محمد صلاح‌الدین افندی، آناسی ایسه نازیک ناز خانیم ایدی. بؤیوک باباسی‌نین تاختدان ائندیریلیب چیراغان ساراییندا حبس اوْلوندوغو ایللرده دۆنیایا گلمیش و سوْنرالار عائیله‌نین سۆرگۆن اوْلدوغوندان سوْنرا لوبناندا یئرلشمیش دیر. احمد نهاد افندی، ایکینجی عبدالمجیدین اؤلوموندن سوْنرا ۱۹۴۴–۱۹۵۴ ایللر آراسیندا ان یاشلی شاهزاده وصفی ایله سولاله باشچی‌سی اوْلدو. تک اوشاقی بیرینجی آروادی صافرو خانیم‌دان اوْلان علی واصیب افندی دیر. احمد نهاد افندی نهایت ۴ ژوئن ۱۹۵۴-جو ایلده بیروت‌‌‌‌دا وفات ائتدی و دمشق‌‌‌‌ده سولطان سلیم مسجیدینده دفن ائدیلدی.[۳]