هیدرولوژی
هیدرولوژی یا دا سو بیلیمی (اینگیلیسجه: Hydrology ، آنادولو تورکجه‌سی: Su bilimi ، فارسجا: آب‌شناسی)، (یونان دیلینده: ὕδωρ، تلفوظو «hýdōr»، معناسی «سو» و λόγος، تلفوظو «lógos»، معناسی «اؤیره‌نمه») طبیعی سولاری، اونلاردا گئدن حادیثه‌لری و فرآیندلری اؤیره‌نن بیر علم. هیدرولوژی سو ایمکانات‌لاری‌نین و اونلاری اؤیره‌نمه مئتودلاری‌نین ویژه خصوصیت‌لری ایله علاقه‌دار اوقیانوس‌شوناس‌لیق (اوقیانوس و دنیزلرین هیدرولوژی‌سی) و قورونون هیدرولوژی‌سینی (قورونون سطح سولارینی) اؤیرنیر؛ پوتامولوژی (چای‌لارین هیدرولوژی‌سی)، لیمنولوژی (گؤل‌شوناس‌لیق)، قلیاسیولوژی، باتلاق‌شوناس‌لیق ساحه‌لری وار؛ قورونون هیدرولوژی‌سینا هیدرومئتری، هیدروقرافی، هیدروشیمی داخیل‌دیر.
موعاصر هیدرولوژی‌نین اساس مسئله‌لری طبیعت‌ده سو چرخهسینین تحقیقی، اینسانین تصروفات فعالیتی‌نین اونا تأثیری، سو ایمکانات‌لاری‌نین و اراضی‌لرین و عومومیت‌له یئرین هیدرولوژی ائلئمئنت‌لری‌نین (سویون سویه‌سی، صرفی، دماسی)، زامان، مکان آنالیزی، همین ائلئمئنت‌لرین تردودونون قانونا اویغونلوق‌لاری‌نین آشکار ائدیلمه‌سی عیبارت‌دیر. همیشه‌لیق هیدرولوژی موشاهیده‌لر و تحقیق‌لر آراسین‌دا، هیدرولوژی پیش‌بینی‌لر ترتیب ائدیلیر.[۱]