ویکی‌پدیا دانیشیغی:مقاله باشلیقلاری

بۇ، ویکی‌پدیا مقاله باشلیقلاری صفحه‌سی‌نین دانیشیق صفحه‌سی‌دیر.
لۆطفاً دانیشیق صفحه‌لرینده ۴ مَدله یازینیزی ایمضالایین (~~~~). یازینیزی، دانیشیغین سوْنونا آرتیرین. یئنی مؤوضوع آرتیرماق اۆچون کیلیک ائدین. ویکی‌ده یئنی ایشلدنسینیزسه خوش گلیدینیز! صفحه‌سینی اوخویون. دَییشدیرمه قایدالاری ایله تانیش اولون. چتینلیک وارسا کؤمک میزینده سواللارینیزی سوروشون. بۇرا فوروم دئییل، تکجه مقاله‌یه گؤره دانیشین.	نزاکتلی اوْلون یاخشی وطنداش اوْلون شخصی حمله ائتمه‌یین یئنی ایشلدنلری اینجیتمه‌یین

حؤرمتلی ویکی داشلار H.ALIZADE Q، Alp Er Tunqa، موسا، Elmaxtar، Ilğım، Goonooz، Aydin Turk، Matreeks، Potkal، Hekim qasim oglu، Qarqushu و یادیمدان چیخان دوْستلار. لوطف ائدین و ویکی‌پدیا:آدقویماق قایدالاری#پئیغمبرلر و ایماملار آدی باره‌ده یارانان سس وئرمه‌ده ایشتیراک ائدین.--Ebrahimi-amir (دانیشیق) ‏۲۱ سپتامبر ۲۰۱۵، ساعت ۱۵:۵۵ (UTC)

بیرینجی اؤنر

1. بۆتونلوکله آدقوْیمادا هامیا تانیش اوْلان آددان فایدالانماق لازیمدیر. بللیدیرکی هامیا تانیش اوْلان آدا، ایسته‌نیلن زامان، کیفایت قدر گئچرلی قایناق گؤسترمک ائله‌ده چتین اوْلماز.
2. پئیغمبر و ایمام آدلاریندا دائما ایشله‌نن عونوانلار بو آدلارین بیر جزئی حیساب اوْلاراق، ادبی دیلده و قایناقلاردا ایشله‌نن کیمین، آدلاری ایله بیرلیکده ایشله‌نه‌جکدیر. اؤرنک اوچون حضرت محمد (ص)، ایمام صادق (ع)
3. آد قوْیماقدا ویکی‌پدیانین نه اوْلماماغین نظره آلاراق هانسیسا ایهانت و یا تحقیر کیمی باشا دۆشولن آدلاردان اۇزاق گزمک لازیمدیر.

یاناشی

1. یاناشیدانیشیق:حضرت محمد (ص) ده بحثلر اساسیندا من بیرینجی اؤنر ایله یاناشیام.--Ebrahimi-amir (دانیشیق) ‏۲۱ سپتامبر ۲۰۱۵، ساعت ۱۵:۵۹ (UTC)
2. یاناشی-Hekim qasim oglu (دانیشیق) ‏۲۱ سپتامبر ۲۰۱۵، ساعت ۱۶:۰۴ (UTC)
3. یاناشی امیر بی دئدیگی کیمی ادبی دیلیمیزده نه ایشلنیرسه اونو یازمالی ییق. باشقا ویکیلرده بئله اولماسا او اونلارین موشکولودور. بیز ویکیده اولان قایدالارین هامیسینی تمام کمال رعایت ائله سک داها یاخشی دیر. مین ایلدن آرتیقدیر بیزیم ادبی دیلیمیزده حضرت محمد (ص) ایمام علی (ع) یازیلیب، بیز بئله یازماساق خیانت دیر ادبیاتیمیزا. باشقا ویکیلر یازیرلار کوروش بزرگ، Alexander the great. بیر یاندان دا گلیب یازیرلار قورو حسین یا محمد. بونون آدین غرضلی ایش قویمایاق نه دئیک آدینا؟ Matreeks (دانیشیق) ‏۲۱ سپتامبر ۲۰۱۵، ساعت ۱۸:۳۰ (UTC)
4. یاناشی---Arslanteginghazi (دانیشیق) ‏۲۱ سپتامبر ۲۰۱۵، ساعت ۱۹:۰۶ (UTC)
5. یاناشی میلاک بیزیم خالقیمیزین دئییشیدیر. بیزیم خالقیمیز ائله اوجور کی شاه عباس یا فتحعلی شاه دئییر، حضرت محمد و ایمام صادقده دئییر. ابوبکر و عمر یا معاویه و یزیدده بیزیم خالقیمیزین طرفیندن ائله بوجور ایشله‌نیر و اگر بیر نظروئرمه قورولسا، آذربایجانلیلارین اکثریتی بو کلمه‌لردن حیمایت ائده‌جکلر. آذربایجانلیلار اکثریتی لائیک دئییللر، بلکه شیعه‌دیرلر و بیز اکثریتین نظرینه احتیرام قویمالیییک. --علم‌آختار (دانیشیق) ‏۲۲ سپتامبر ۲۰۱۵، ساعت ۰۷:۵۲ (UTC)
6. یاناشی --Mmhamdi75 (دانیشیق) ‏۲۲ سپتامبر ۲۰۱۵، ساعت ۱۰:۳۹ (UTC)
7. یاناشی E THP (دانیشیق) ‏۱ اوکتوبر ۲۰۱۵، ساعت ۰۶:۵۰ (UTC)
8. یاناشی--Arjanizary (دانیشیق) ‏۲۰ اوکتوبر ۲۰۱۵، ساعت ۱۹:۵۱ (UTC)

قارشی

1. قارشی ساده‌جه اؤنرین ایکینجی بؤلومونون طرفسیزلیک اصلی ایله اۇیغون اوْلمادیغی اۆچون. --Ilğım (دانیشیق) ‏۲۱ سپتامبر ۲۰۱۵، ساعت ۱۹:۲۴ (UTC)
2. قارشیایمام پیغمبر آدی، عربلرده و اسلام ادبیاتیندا رسم اولدوغو کیمی اوغول و آتا آدی ایله یازیلمالی دیر. مثلا: (محمد بن عبدالله، علی بن ابیطالب،..) و اصل آد تانینمایان و یا اصلا مشهور اولمایان یئرده آد + صفت، (مثلا: موسی الکاظم، حسن العسکری، ..). سؤز القاب و عناوینه چکیرسه، هانسی لقبین داها مشهور اولماسی و هانسی فورماسی داها یایقین اولماسی، ایشی چتین ائدر. نظرده آلاق کی آددان اؤنجه گلن لقبلر، الفبا سیرالاماسیندا دا مشکل یارادار. حتی سید، میر، آقای، خانم، مشهدی، کربلایی، علامه، آیت الله، دکتر، پیر، شیخ، حضرت و غیره.. مگر او یئرده کی طرفین آدی‌نین آیریلماز پارچاسی اولا.
   • باشلیق گرک طرفین اؤز اصل آدی اولسون، لازیمی بیر لقب ده قید ائتمک ضروری اولورسا، آددان سونرا پرانتز ایچینده اولا بیلر کی اکثرا اودا لازیم دئییل و تعارفاتدیر.
   • باشقا عنوانلار، اوخوجولاری مقصده چاتیرماق اوچون، اصل آدا لینک ائدیلر، و شخصیت جعبه‌سینده، عناوین و القاب بؤلومونده ده گلر. سایقیلارلا.Qarqushu (دانیشیق) ‏۲۱ سپتامبر ۲۰۱۵، ساعت ۱۹:۵۰ (UTC)
3. قارشی--آلپ ار تونقا_✉ ‏۲۲ سپتامبر ۲۰۱۵، ساعت ۰۸:۴۳ (UTC)
4. قارشی-- Aydin turk (دانیشیق) ‏۲۲ سپتامبر ۲۰۱۵، ساعت ۱۱:۳۰ (UTC)
5. قارشی-- طرفسیزلیگی پوزور. Moham.s.n (دانیشیق) ‏۹ اوْکتوبر ۲۰۱۷، ساعت ۱۳:۲۸ (UTC)
6. قارشی-- ییلماز (دانیشیق) ‏۹ اوْکتوبر ۲۰۱۷، ساعت ۲۱:۵۵ (UTC)

آچیقلاما

1. آچیقلاما: دۆزدور بیزیم دیلیمیزده ایمام و حضرت، آیت‌الله و سید سؤزلری ایشله‌نیر و قرار اوْلسا یازمایاق اوْندا گرک مثلا شاه‌دا یازماییب شاه عباس یئرینه قۇرو عباس یازاق، آنجاق ع و ص کیمی دوعایی ترکیب‌لر ان آزی مقاله آدیندا اوْلمامالی‌دیر چونکو بیر یاندان دیلیمیزده ائله ایشلنمیر ( بیز بیر تنبل ائل اوْلاراق، حضرت محمدی زورلا دئییریک و صل الله دئمگه حوصله‌میز چکمیر) بیر یاندان‌دا اوْندا صاباح بیری مثلا عمر، یزید مقاله‌سینده لعنت‌الله یازسا بیز اوْنا بیر سؤز دئیه بیلمریک.--آلپ ار تونقا_✉ ‏۲۱ سپتامبر ۲۰۱۵، ساعت ۱۶:۱۳ (UTC)
2. آچیقلاما:ص-ع باره سینده دوستلارین نظرین گؤرله‌یه‌جه‌گم. آنجاق بو سس وئرمه تکجه پئیغمبر ایله ایماملار باره سینده دیر. منفی شخصیتلر باره سینده ده آیری باشلیق و همین صفحه ده آیری سس وئرمه آچاریق هر نه ایجماع اولونسا اونو ائدریک. ادبی دیلمیزده آد چکدیگینیز آدلاری هانسیسا ایهانت لحن ایله آدلاندیرماغا راست گلمه میشم.--Ebrahimi-amir (دانیشیق) ‏۲۱ سپتامبر ۲۰۱۵، ساعت ۱۶:۲۱ (UTC)
3. آچیقلاما: اؤنرین ایکینجی بؤلومونه گؤره بیر مسأله: عربجه٬ فارسجا و باشقا ایسلامی اؤلکه‌لرین ادبی دیللرینده ده «حضرت٬ علیه السلام٬ ...» کیمی سؤزلر ایشلنمکده‌دیر. آنجاق ویکی‌لرینده بۇ سؤزلردن اۇزاق گزیلیر. --Ilğım (دانیشیق) ‏۲۱ سپتامبر ۲۰۱۵، ساعت ۱۹:۱۷ (UTC)
4. آچیقلاما: آلپ ار تونقا بی، ایلک، چوخ آز آذربایجانلی راشیدین خلیفه‌لرین آدلاری یانیندا یامان ایشلدر (یزیدله ایشیم یوخدی، سؤزوم عمر دیر). ایکینجی، سیزین بو استدلال یولوزون آدی مغلطه دیر. سئرچه‌لر اوچارلار، تویوقلار (کی اوچانمازلار) ایسته‌سلر اوچسونلار بیز دییه‌نمریک اوچمایین، سئرچه‌لر اوچمامالی‌دیرلار! ایلغیم بی، بیز ویکی‌میزده ادبی دیلیمیزی ایشلده‌جه‌گیک یا یوخ؟ باشقا ویکی‌لر ادبی دیل اۆزره چالیشمیرلار! (فارس ویکی‌سینده سؤزجوک سئچمه بیزیم مدرسه‌ده درس آلدیغیمیزلا چوخ فرقلی دیر! شاید بیز مدرسه‌ده ادبی دیلده درس آلمامیشوق!) اما بیز ادبی دیلده چالیشاجاغوق.--Arslanteginghazi (دانیشیق) ‏۲۲ سپتامبر ۲۰۱۵، ساعت ۱۴:۱۳ (UTC)
5. آچیقلاما: طرفسیزلیک اصلی: طرفسیزلیک — ویکی‌پدیانین مۆطلق و مۆذاکیره ائدیلمه‌ین طلبی‌دیر. یعنی طرفسیزلیک اصلی٬ ادبی دیلده یایغین‌لیق‌دان بئله اۆستون‌دور. ویکی‌پدیا هئچ‌بیر مذهبین اؤزل بیلیکلیگی دئییل. اؤرنک اۆچون ایسلامی اؤلکه‌لرین دیللرینده اوْلان بۇ اۆچ بؤیوک ویکی ده «حضرت٬ صلی‌الله»ی ایشلتمه‌ییرلر: عربجه ویکی: «محمد»٬ آنادوْلو تۆرکجه‌سی ویکی‌سی: «Muhammed»٬ فارسجا ویکی: «محمد». بیلدیگینیز کیمی ایسلام ادبیاتی‌نین اصلی اۆچ دیلی بۇنلاردیر؛ یعنی بۇ دیللرین ده ادبی یازی‌لاری‌نین چوْخوندا پئیغمبر اۆچون تمجیدی-دوعایی عیبارتلر ایشلنیب‌دیر؛ آنجاق ویکی‌پدیا قۇراللارینا گؤره ویکی‌لرینده ایشلنمه‌ییر. یوْلداش‌لار موافیق اوْلسالار بیر ایش ده گؤرمک اوْلار: تۆرکمنجه ویکی‌سی کیمی «محمد پئیغمبر» سؤزوندن فایدالاناق. حؤرمتله --Ilğım (دانیشیق) ‏۲۲ سپتامبر ۲۰۱۵، ساعت ۱۷:۵۳ (UTC)

   طرفسیزلیک اصلینی داها دوغروجا باشا دوشمه لییک. بو اصل دئییر کی بو بیلیکلیک هئچ بیر ایدئولوژی و یا مکتبین تبلیغ یئری اولا بیلمز. بیز بوردا آذربایجانلیلارین ایشلتدیگی دیلی یازیریق بونون آدی تبلیغ دئییل، بونون آدی واقعیتی عکس ائتدیرمک دیر. بیز بوردا اؤزوموزو سانسور ائده بیلمریک. یوزده دوخسان دوققوز خالق دئییر حضرت محمد، علی (ع). سیز ایسته ییرسیز کی بیز خالق ایشتدیگی دیلی سانسور ائدک؟ مین ایلدیر کیتابلاردا دئیدیگیمیز کیمی یازیرلار، نیه بیز باشقا یازاق؟ بیر یاندان فارس ویکینی میثال چکرک دئییرسیز کی اوردا یازیرلار محمد، بیز ده بئله یازمالییق. سونرا دئینده اولار یازیرلار کوروش بزرگ دئییرسیز اورانی ناسیونالیستلر قبضه ائتمیش اونا گؤره بئله یازیرلار. بوردان منطیق یولولا باشا دوشولور کی قورو محمد یازماق اورانی ناسیونالیستلر قبضه ائتدیکلریندن قاباغا گلیر. دئمه لی اورانی بو قوروه الینه آلماسایدی اونلاردا بیزیم کیمی خالق آراسیندا ایشلنن کیمی یازاردیلار. فارس و عرب ویکیلری یئنی آچیلان زامان چوخراق لائیک و غربده یاشایان ایشلدنلر بونلاری اللرینه کئچیررک عقیده لرینی یوزده دوخسان دوققوز خالقا تحمیل ائتمیشلر، دوغروسونو دئسک بونون آدی طرفسیزلیگی پوزماقدیر نه کلمه لرین دوغروسونو یازماغین. بیز باشقا ویکیلرین یانلیش یولونو گئتمه مه لیییک. ویکیپدیا قانونلاری دا بیزی تام حیمایت ائدیر. بو قانونلاری یانلیش تفسیر ائتمه مه لیییک. مینلرجه منبعی وار علی(ع) کیمی یازماغین. واقعیتی اولدوغو کیمی عکس ائتدیریر. بوتون خالق آراسیندا یایقین دیر. بئله یازماماق بیزیم غرضلی اولدوغوموزو گؤسترر و بیزیم خاص بیر مکتبلره، مثلا لائیسیزمه باغلی اولدوغوموزو گؤسترر. یانی بیز خالق دئدیگی کیمی، کیتابلاردا اولدوغو کیمی یازماساق و هامیسینی سانسور ائده رک بوردا یازساق، گؤسترر کی بیز طرفسیز دئییلیک و آنتی مذهب بیر مکتبه باغلی ییق و بو مکتبی ویکیده یایماق ایستیریک. دئمه لی طرفسیزلیگین ثوبوتی دوغروسونو و خالق آراسیندا یایقین اولدوغو کیمی یازماق دیر نه واقعیتی سانسور ائتمک. Matreeks (دانیشیق) ‏۲۲ سپتامبر ۲۰۱۵، ساعت ۲۰:۰۹ (UTC)

6. آچیقلاما:منجه اصلی مساله اورجینال آراشدیرمالارا یئر وئرمه‌مکدیر. ویکی پدیا بیر بیلیملیک اولاراق تکجه گئچرلی قایناقلارا اساسیندا ایره‌لی گئده بیلر. بیز اؤزوموزدن هانسیسا آد ایختیراع ائده بیلمریک. ادبی دیلده نئجه یازیلیرسا بیزده اوجور یازمالییق. بوندان باشقا نه ائتسک یانلیشلیغا طرف گئدیریک.--Ebrahimi-amir (دانیشیق) ‏۲۳ سپتامبر ۲۰۱۵، ساعت ۰۳:۴۹ (UTC)

1. Peter the Great و Cyrus the Great مقاله لرینه باخین. هر کیمین ادبی دیلینده هر آد نجور یازیلیرسا ویکیده ده اوجور یازیلمالیدیر. اورجینال آراشدیرمایا یول وئرمک اولماز.

This page explains in detail the considerations, or naming conventions, on which choices of article title are based. (This page does not detail titling for pages in other namespaces, such as categories.) It is supplemented by other more specific guidelines (see the box to the right), which should be interpreted in conjunction with other policies, particularly the three core content policies: Verifiability, No original research, and Neutral point of view.

--Ebrahimi-amir (دانیشیق) ‏۲۳ سپتامبر ۲۰۱۵، ساعت ۰۴:۰۱ (UTC)

1. آچیقلاما: ماتریکس بی آنادوْلو تۆرکجه‌سی ویکیپدیاسی و آذربایجان تۆرکجه‌سی ویکیپدیاسی‌نا گؤره باخیشینیر نه‌دیر؟ «حضرت محمد (ص)» یازماق‌لا مۆسلمان اوْلدوغوموز بیلینمه‌یه‌جک‌می؟ ویکی‌پدیا دیل اساسیندا بؤلونور؛ دین٬ مذهب٬ میلّیّت٬ ... اصلا قاتیلمامالی‌دیر.

عربجه‌ده پئیغمبرین آدی (عربجه: مُحَمَّدْ إبِنْ عَبْدُ الله)‌دیر. طرفسیزلیک دوْغرو آدی ایشلتمگه یوْل گؤستریر؛ ساده‌جه ادبی دیلده یایغین اوْلدوغو نظرده ساخلاساق «دوکتور هیئت» و «پروفسور زهتابی» کیمی آدلاری دا ایشلتمه‌لی اوْلاجاغیق. حؤرمتله --Ilğım (دانیشیق) ‏۲۳ سپتامبر ۲۰۱۵، ساعت ۱۱:۵۷ (UTC)

عزیز یولداش. یانلیشی یانلیش ایله توجیه ائتمک اولماز. بوردا تکجه منطیق حؤکم سوره بیلر. بورا محکمه دئییل آما بیر محکمه ده قاضیه دئیه بیلمریک باشقا بیر قاضی موعین بیر قضیه ده بئله بیر حؤکم وئرمیش سیز ده همن حؤکمو اونا اوخشار قضیه ده وئرمه لیسینیز! بئله توجیه ائتمک محکمه نین ایستیقلالین سوال آلتینا آپارار. بیز بوردا منطیق اساسیندا دانشیریق منطیقه اویغون جواب دا آلمالی ییق، نه اینکی باشقا یئرلری میثال چکرک گئدیلن یانلیش بیر یول ایله توجیه ائدک سؤزلریمیزی. یوخاریدا دا دئییلدیگی کیمی یوزده یوز ویکی قانونلارینا اویغون دور. اوریجینال تحقیقه بوردا یئر وئرمک اولماز. سیز منه دیلیمیزده یازیلان بیر منبع گؤسترین محمد کیمی یازمیش من سیزه اون مین منبع گؤسترم. دکتر مهندیس لقب لری ایله ده موقاییسه ائتمک اولماز. آذربایجانین اون میندن چوخ کندی و یوزدن چوخ شهری وار. سیز حضرت محمد (ص) کیمی سؤزون یایقینلیغینی درک ائتمک ایچون ایستیثناسیز هر هانسی کندلرده و شهرلرده یاشایان اینسانلارین قاپیسینا گئدین و محمد دئدیکلرینی و یا حضرت محمد دئدیکلرینی سوروشون. بونون جوابینی سیز مندن داها یاخشی بیلیرسینیز. بو یایقینلیغین گؤستریجیسیدیر. همن ایشی سیز مین ایلدن چوخ یاشی اولان یازیلی ادبیاتیمیز ایله ده گؤره بیلرسینیز. یئنه ده سیز جوابینی بیلیرسینیز. سونرا دئییرسینیز بیز بئله یازساق بیلینر بو اینسان موسلماندیر! مسیحیلر یازیرلار پاپ ژان پول، هامی بئله یازماقدان بونون مسیحی اولدوغونو بیلیر. بونون هئچ بیر قانون ایله تضادی یوخدور. هر کسین آدی اونون اصالتینی گؤسترر بو طبیعی دیر. اصالت گؤسترمه ایله دین تبلیغی آراسیندا چوخ چوخ فاصیله وار. هر باخیمدام مسئله یه باخیلدیقدا، آیدین اولور کی بوردا دئییلدیگی منطیقه اویغون دور. حؤرمتلهMatreeks (دانیشیق) ‏۲۳ سپتامبر ۲۰۱۵، ساعت ۱۸:۳۶ (UTC)

ماتریکس بی مۆسلمان اوْلدوغوموز یازمیشام. «حضرت محمد» سؤزونون یایغین اوْلدوغو تام دوْغرو؛ آنجاق ویکی‌پدیا طرفسیزلیک اصلی‌ مسأله یارادیر. حؤرمتله --Ilğım (دانیشیق) ‏۲۳ سپتامبر ۲۰۱۵، ساعت ۱۹:۳۳ (UTC)

Ilğım بَی. طرفسیزلیک بحثینده ویکی پدیانین گئچرلی قایناقلار اساسیندا ایشلنمه سین یازیب. اوْرجینال کشفلردن اۇزاق گزمکدن یازیر:

All encyclopedic content on Wikipedia must be written from a neutral point of view (NPOV), which means representing fairly, proportionately, and, as far as possible, without bias, all of the significant views that have been published by reliable sources on a topic. NPOV is a fundamental principle of Wikipedia and of other Wikimedia projects. It is also one of Wikipedia's three core content policies; the other two are "Verifiability" and "No original research". These policies jointly determine the type and quality of material that is acceptable in Wikipedia articles, and, because they work in harmony, they should not be interpreted in isolation from one another. Editors are strongly encouraged to familiarize themselves with all three. This policy is non-negotiable, and the principles upon which it is based cannot be superseded by other policies or guidelines, nor by editor consensus. en:Wikipedia:Neutral point of view

باخ قات قاریشیق قاباغا گئدنده بئله اوْلور: fa:سعدی - fa:حافظ - fa:سید محمدحسین شهریار

اولماز کی بیرینین آدین شیناسنامه سی ایله یازاق بیرین ادبی دیلده ایشله نن کیمین! ادبی دیلده بیر آد اۆچون دوْکتور و یا مهندس ایشله نیرسه و بۇ آدلانما چوْخلو قایناقلاردا ایشله نیرسه اوندا ویکیده ایشله نمه سی نین نه عئیبی واردیر؟ بیز اؤزوموزدن آد ایختیراع ائده بیلمیریک کی. بو طرفسیزلیک قایداسیندا پوْزور. من فیکر ائدیرم قایدالارلا دریندن تانیش اوْلوب ایره لی گئتمک او بیری ویکی لرده کیم نه ائتمه گی گۆتمکدن اۆستوندور. حؤرمتله--Ebrahimi-amir (دانیشیق) ‏۲۶ سپتامبر ۲۰۱۵، ساعت ۰۶:۰۴ (UTC)

متنده کی تاکیدلر (قالین ائتمه لر) مندندیر.--Ebrahimi-amir (دانیشیق) ‏۲۶ سپتامبر ۲۰۱۵، ساعت ۰۶:۰۹ (UTC)

گتیردیگینیز دلیللری «حضرت محمد» سؤزونه گؤره یئترلی بیلیرم؛ دلیللرینیز و یوْلداشلارین باخیشلارینی نظرده ساخلایاراق «حضرت محمد» سؤزونون ایشلنمه‌سی «Peter the Great»٬ «Cyrus the Great»٬ ... کیمی ایستیثنا اوْلاراق دوْغرولانا بیلیر. آنجاق «صلی الله علیه (ص)٬ علیه السلام (ع)٬ سلام الله علیها (س)٬ ...» کیمی عیبارتلری طرفسیز بیلمه‌ییرم؛ یئنی بیر آچیقلامادا بۇ قوْنونو داها آرتیق آچیقلامالی‌ییق. حؤرمتله --Ilğım (دانیشیق) ‏۲۶ سپتامبر ۲۰۱۵، ساعت ۱۶:۳۱ (UTC) بۇنا گؤره باخیشیم یئنی‌دن دییشیلدی. --Ilğım (دانیشیق) ‏۳۰ سپتامبر ۲۰۱۵، ساعت ۲۰:۳۸ (UTC)

1. آچیقلاما: حؤرمتلی یوْلداشلار لۆطفاً بۇ ایکی مسأله‌یه گؤره ده باخیشلارینیزی بیلیندیرین: ۱- اوْ بیریسی پئیغمبرلره ده «حضرت» سؤزونو ایشلتمه‌لی‌ییک (اؤرنک اۆچون «حضرت عیسی» یازمالی‌ییق یوْخسا «عیسی»)؟ ۲- «صلی الله علیه (ص)٬ علیه السلام (ع)٬ سلام الله علیها (س)٬ ...» سؤزلری‌نی ایشلتمه‌لی‌ییک؟

بۇ قوْنودا ایکینجی اؤنرله یاناشی‌یام. حؤرمتله --Ilğım (دانیشیق) ‏۲۶ سپتامبر ۲۰۱۵، ساعت ۱۶:۵۲ (UTC)

بۆتونلوکله بیزیم ادبی دیلمیزده حضرت بوتون پئیغمبرلر اۆچون ایشله نیر. آنجاق اوْبیر پئغمبرلره حضرت محمد (ص) دان فرقلی اوْلاراق (ع) ایشله دیللر. بیزده ائله همین قایدادان فایدالانا بیلریک.--Ebrahimi-amir (دانیشیق) ‏۲۶ سپتامبر ۲۰۱۵، ساعت ۱۷:۲۸ (UTC)

اؤرنک اوچون اولار: حضرت عیسی (ع)--Ebrahimi-amir (دانیشیق) ‏۲۶ سپتامبر ۲۰۱۵، ساعت ۱۷:۲۹ (UTC)

شخصلرین لقبلری آدلاریندان آیریلماز اوْلاراق ایشلنیرسه یازیلمالی‌دیر. «نوح گمیسی» کیمی سؤزلرده «حضرت»٬ «(ع)» یوْخدور؛ بئله‌جه بۇ لقبلرین آیریلماز اوْلدوغو نقض اوْلونور. هابئله «محمد (ص)»٬ «محمد رسول الله»٬ «محمد امین»٬ «حضرت محمد» کیمی سؤزلرین بعضی‌سینده «حضرت» و یا «(ص)» ایشلنمه‌ییبدیر؛ بۇ دا «حضرت» «(ص)»ین آیریلماز اوْلمادیغینی گؤستریر؛ لاکین «حضرت محمد» سؤزونون چوْخ یایغین اوْلدوغو مسأله‌نی شۆبهه‌لی ائدیر. آنجاق اوْ بیریسی پئیغمبرلره «حضرت» «(ع)» سؤزلری٬ آدلاری‌نین آیریلماز بؤلومو ساییلا بیلمه‌دیگی اۆچون کسینلیک‌له ایشلنه بیلمز. حؤرمتله --Ilğım (دانیشیق) ‏۲۷ سپتامبر ۲۰۱۵، ساعت ۱۹:۲۶ (UTC)

--Ilğım بَی ایندی حس ائدیرم دانیشیق دوز یولونو دوشمکده دیر. ادبی دیلده حضرت محمد (ص) گئنیش ایشلنمیرسه اوندا داها دوغرو آد سئچمه لییک. بونودا تکجه ادبی دیلیمیزده یازیلان قایناقلار اساسیندا تعیین ائده بیلریک. ایندی سیز بو باشلیغا و یا آیری بیر باشلیغا دَیَرلی قایناقلارینیز وارسا گؤسترین باخاق. کیفایت قدر گئچرلی قایناق وارسا من شخصا سسیمی ادبی دیلده ایشله نن آدا وئره جه یَم. حؤرمتله--Ebrahimi-amir (دانیشیق) ‏۳۰ سپتامبر ۲۰۱۵، ساعت ۰۹:۰۷ (UTC)

«تاریخچی رشیدالدین دده‌قورقودون ۷-جی میلادی عصرده محمد پیغمبرین دؤورونده یاشادیغینی قئید ائدیر.» (دده‌میز قوْرقوت٬ بهرام اسدی٬ اورمیه٬ یاز ٬۱۳۸۸ ص۱۰). «حضرت» ده ایشلنمه‌ییب‌دیر٬ «(ص)» دا. --Ilğım (دانیشیق) ‏۳۰ سپتامبر ۲۰۱۵، ساعت ۲۰:۳۳ (UTC)

حؤرمتلی ایلغیم بَی آد سئچمه یه داها گئنیش یاییلان آدی سئچمه لییک. یانی بئله بیر شئی و یا بونا بنزر آختاریشلار. گرک گؤرک بو گونکو ادبی دیلمیزده هانسی آد یاییغیندیر. حؤرمتله--Ebrahimi-amir (دانیشیق) ‏۱ اوکتوبر ۲۰۱۵، ساعت ۰۴:۰۷ (UTC)

• یادا بونا بنزر آختاریشلار همده ادبی دیلدن یاییلان کیتابلاردان اؤرنک گتیرمک لازیمدیر. ادبی کیتابلاردان تاپا بیلسم قایناق گؤستره جه یَم. حؤرمتله--Ebrahimi-amir (دانیشیق) ‏۱ اوکتوبر ۲۰۱۵، ساعت ۰۴:۱۲ (UTC)

گتیردیگیم قایناق «حضرت محمد» سؤزونون آیریلماز اوْلمادیغینی گؤستریبدیر؛ «حضرت»٬ «great» کیمی تمجیدی عۆنوانلار آیریلماز اوْلدوغو حالدا ایشلنه بیلر. بئله‌نچی آد قوْیمالاردا ساده‌جه یایغین اوْلدوغو نظرده ساخلامامالی‌ییق؛ مثلاً دوْکتور مهندیس کیمی سؤزلر هرنه‌قدر یایغین اوْلسالار دا ایشلنه بیلمزلر (اینگیلیسجه ویکی اساسیندا). بۇ صفحه‌یه ده باخینیز: Wikipedia:Manual of Style/Islam-related articles حؤرمتله ‌--Ilğım (دانیشیق) ‏۱ اوکتوبر ۲۰۱۵، ساعت ۰۹:۳۶ (UTC)

آرتیرمالی‌یام کی گتیردیگیم جۆمله کیتابین «اؤن یازی‌»سیندان اوْلاراق مۆعاصیر ادبی یازیلاریمیزدان ساییلا بیلیر. حؤرمتله --Ilğım (دانیشیق) ‏۱ اوکتوبر ۲۰۱۵، ساعت ۰۹:۳۹ (UTC)

باشقا بیر قایناق دا تاپا بیلدیم: «...بونلار قوْرقود آتانین محمد پیغمبردن سوْنرا یاشاماسینی سؤیله‌ییرلر...»(«کیتاب-دده قورقود و اسلام دینی»٬ بهلول عبدالله٬ کؤچورن: رضا جلیلی نیا٬ نوید اسلام٬ قم ۱۳۸۵ ٬ ص۱۵) یئنه «حضرت» «(ص)» ایشلنمه‌ییبدیر. داها ادبی دیلده «حضرت محمد (ص)» سؤزونون آیریلماز اوْلدوغو ایدّیعا ائده بیلمه‌ریک. حؤرمتله --Ilğım (دانیشیق) ‏۱ اوکتوبر ۲۰۱۵، ساعت ۰۹:۵۹ (UTC)

1. آچیقلاما: طرفسیزلیک همیشه آنلاملی بیر سوز دئییل، گاهدان آنلامسیز اولار. بیز بوردا یاناشی و قارشی دوروروق. دئمک هر بیریمیز بیر طرفده اولدوق و طرفسیر دئییلیک. بیز دئییریک آذری دئییلیک و تورکجه دیلیمیزدیر، فارسلار دئییرلر سیز آذری سیز. بیز دئییریک قاراداغ، قوشاچای، ملیک کندی، اونلار دئییرلر ارسباران، میاندوآب، ملکان و .... نتیجه بودور، اونلار دئییرلر بیز طرفسیزیک، بیز ایسه طرفسیزلیدن دئییریک. ایندی کیم طرفسیز اولدو؟ حورمتله -- Hekim qasim oglu (دانیشیق) ‏۱۸ اوکتوبر ۲۰۱۵، ساعت ۲۳:۲۰ (UTC)
2. آچیقلاما: من Hekim qasim oglu تام راضیام. طرفسیزلیگی بیلینمه‌سی ایدیعا ایله یوْخ، ویکی قایدالاری اساسیندا: ادبی دیلمیزده ایشله‌نن قایناقلار اساسیندا دَیَرلندیرمه‌لیدیر.--Ebrahimi-amir (دانیشیق) ‏۱۹ اوکتوبر ۲۰۱۵، ساعت ۰۳:۵۲ (UTC)
3. آچیقلاما: حورمتلی یولداشلار؛ طرفسیزلیک، سوزلرین ادبی دیلده یایقینلیغیندان یوخ، اونلارین ادبی دیلده آنلامیندان آسیلیدیر؛ طرفسیزلیگین بیلینمه‌سی ایدیعالاری بیر آرایا قویوب جمعی دوشونجه‌ ایله بیر سونوچا چاتماقلا اله گلیر. بیزیم ادبی دیلیمیزده ده هر بیر دیل کیمی طرفلی و طرفسیز قایناقلارین اولدوغو آیدیندیر. حضرت کیمی بیر سوز یا دوعالار و قارقیشلار آچیق-آیدینجا سوزو گئدن کیمسه‌نین اوستون/اسکیک توتولدوغونو بلیردیر. بو طرفسیزلیگی پوزماقدیر. حضرت محمدین مقاله‌سینده حضرت یا (ص) ایله یازساق، ابوبکر یا عمرین مقاله‌سینده نه یازمالی‌ییق؟ «رضی الله عنه»، یوخسا «لعنت الله علیه»؟ بیرینجی اونری ایله یاناشی دورانلارین باخیمیندا، «حضرت محمد (ص)» ایله ابوبکرین آدینی «ابوبکر صدیق (رض)» یازماقین فرقینی سوروشماق ایسته‌ییرم. Moham.s.n (دانیشیق) ‏۱۱ اوْکتوبر ۲۰۱۷، ساعت ۰۶:۳۷ (UTC)

ایکینجی اؤنر

1. [قاباقکی اؤنردن:] بۆتونلوکله آدقوْیمادا هامیا تانیش اوْلان آددان فایدالانماق لازیمدیر. بللیدیرکی هامیا تانیش اوْلان آدا، ایسته‌نیلن زامان، کیفایت قدر گئچرلی قایناق گؤسترمک ائله‌ده چتین اوْلماز.
2. تاریخی شخصلرین آدلاریندا اوْلان ایجتیماعی یئرلرینی گؤسترن عۆنوانلار ویکی‌پدیا طرفسیزلیک اصلینه اۇیغون اوْلارسا یازیلمالی‌دیر. اؤرنک: ایمام سجاد٬ ایمام علی٬ ...
3. ویکی‌پدیا طرفسیزلیک اصلی و چئشیدلی اینانجی‌لارا مالیک اوْلان اوْخوجولارین حاقلاری‌نی قوْروماق اۆچون تمجید٬ دوعا و یا قارغیش اوْلان عۆنوانلار یازیلمامالی‌دیر. اؤرنک: حضرت٬ جناب٬ رضی الله عنه (رض)٬ علیه السلام (ع)٬ سلام الله علیها (س)٬ ...

یاناشی

1. یاناشی حضرت٬ (ع)٬ ... کیمی عیبارتلرین ساده‌جه تمجیدی اوْلاراق طرفسیزلیک‌له اۇیغون گلمه‌دیکلری اۆچون. قۇراللارا باخاراق ویکی‌پدیا هئچ‌بیر مذهب٬ میلّیت و اینانجی‌نین تبلیغ یئری اوْلمامالی‌دیر. حؤرمتله --Ilğım (دانیشیق) ‏۲۱ سپتامبر ۲۰۱۵، ساعت ۱۹:۱۰ (UTC)
2. یاناشی--آلپ ار تونقا_✉ ‏۲۲ سپتامبر ۲۰۱۵، ساعت ۰۸:۴۷ (UTC)
3. یاناشی-- Aydin turk (دانیشیق) ‏۲۲ سپتامبر ۲۰۱۵، ساعت ۱۱:۳۲ (UTC)
4. یاناشی-- Potkal (دانیشیق) ‏۲۲ سپتامبر ۲۰۱۵، ساعت ۲۱:۰۲ (UTC)
5. یاناشی-- آللاه فبول ائتسه بودا پیس دئییل.Arjanizary (دانیشیق) ‏۲۴ اوکتوبر ۲۰۱۵، ساعت ۱۸:۵۲ (UTC)
6. یاناشی-- Moham.s.n (دانیشیق) ‏۹ اوْکتوبر ۲۰۱۷، ساعت ۱۳:۲۸ (UTC)
7. یاناشی-- ییلماز (دانیشیق) ‏۹ اوْکتوبر ۲۰۱۷، ساعت ۲۱:۵۵ (UTC)
8. یاناشی «ایمام» و «حضرت» باشلیق‌لاردا یازیلسین؛ آما تمجیدی (ع) و (ص) یازیلماسین. --علم‌آختار (دانیشیق) ‏۹ فوریه ۲۰۲۲، ساعت ۱۵:۲۸ (UTC)
9. یاناشی حؤرمتلی علم‌آختار بی‌ین یازدیغینا قاتیلاراق -- Bir Morty (دانیشیق) ‏۱۰ فوریه ۲۰۲۲، ساعت ۲۱:۴۵ (UTC)
10. یاناشی منده حؤرمتلی علم‌آختار بی‌ین یازدیغینا قاتیلیرام. Trkgs (دانیشیق) ‏۱۰ فوریه ۲۰۲۲، ساعت ۲۲:۳۰ (UTC)

قارشی

1. قارشی--علم‌آختار (دانیشیق) ‏۲۲ سپتامبر ۲۰۱۵، ساعت ۰۹:۰۹ (UTC)
2. قارشی--Ebrahimi-amir (دانیشیق) ‏۲۲ سپتامبر ۲۰۱۵، ساعت ۰۹:۲۶ (UTC)
3. قارشی--Mmhamdi75 (دانیشیق) ‏۲۲ سپتامبر ۲۰۱۵، ساعت ۱۰:۴۰ (UTC)
4. قارشی----Arslanteginghazi (دانیشیق) ‏۲۲ سپتامبر ۲۰۱۵، ساعت ۱۳:۴۸ (UTC)
5. قارشی--Hekim qasim oglu (دانیشیق) ‏۲۲ سپتامبر ۲۰۱۵، ساعت ۱۴:۳۶ (UTC)
6. قارشی-بیز آذربایجان تورکجه سینده بوردا یازیریق، بو خالق ایشلتدیگی دیلی ده نظرده توتمالی ییق. منیم سوالیم بودور کی نیه ایمام علی (ع) یازماق ویکینین طرفسیزلیگینی پوزور آما کوروش بزرگ یازما ویکیپدیانین طرفسیزلیگینی پوزمور؟ Matreeks (دانیشیق) ‏۲۲ سپتامبر ۲۰۱۵، ساعت ۱۶:۵۴ (UTC)

آچیقلاما

1. آچیقلاما: «کوروش بزرگ» یازماق دا طرفسیزلیگی پوْزور٬ «علیه‌السلام٬ ...»ی ایشلتمک ده. فارسجا ویکی‌یه ناسیونالیستی اینانجی‌لارین ایز بوراخدیغی ائله خطالاری یارادیبدیر. بیزلر ائله ایشلرین یانلیش اوْلدوغونو بیله‌رک طرفلی اوْلماق خطاسیندان اۇزاق گزمه‌لی‌ییک. حؤرمتله --Ilğım (دانیشیق) ‏۲۲ سپتامبر ۲۰۱۵، ساعت ۱۸:۰۱ (UTC)

تکجه محمد یازماغین ایده سی باشقا ویکیلردن مثلا فارس ویکیسیندن آلینیبدیر. سونرا دئییریک اونلار یانلیش بیر یول گئتمیشلر چونکو اونلار کوروش بزرگ یازیرلا رضا شاه کبیر دئییرلر و آنتی دین و ناسیونالیست دیرلر. منطیق اهلی اولساق بونو آنلامالییق کی اوردا حضرت محمد (ص) کیمی یازماماق اونلارین یانلیش بیر یول سئچدیکلریندن و غرضلی اولدوقلاریندان قاباغا گلیر. بیزیم غرضیمیز اولماسا خالق آراسیندا اولدوغو کیمی یازاریق. واقعیتی عکس ائتدیرمک تبلیغ دئییل، ترسینه بونو یازماماق بیر مکتب تبلیغی دیر یانی گؤستریر خالق دیلی بیر مکتبین تبلیغ اولوندوغو بهانه سیله سانسور اولونور. Matreeks (دانیشیق) ‏۲۲ سپتامبر ۲۰۱۵، ساعت ۲۰:۳۲ (UTC)

1. آچیقلاما: آد قویماقدا حضرت کیمی سوزلرین گلمه‌مه‌سی او سوزلرین مقاله متنینده گلمه‌سینین قاباقینی آلمایاجاغینی دا نظرده آلمالییق. مثال اوچون محمد پئیغمبرین صفحه‌سی «محمد بن عبدالله یا حضرت محمد، ایسلام دینی‌نین بانی‌سی …» عیبارتیله باشلانابیلر. دئمک، «بیز نیه حضرت محمد یازابیلمریک؟» او قدر ده دوزگون دئییل. آما منجه (ص) کیمی سوزلرین بیر بیلیکلیک متنینده گتیریلمه‌سی اویغون دئییل. Moham.s.n (دانیشیق) ‏۹ اوْکتوبر ۲۰۱۷، ساعت ۱۳:۳۸ (UTC)
2. آچیقلاما: باشقا یوْلداشلارین یوخاریدا یازدیقلارینا قاتیلاراق، بیر نئچه قوْنویا توْخونمالی‌یام: 1- یایغینلیق آچیسیندان باخارساق، «حضرت» و «ایمام» عیبارتلرینی یازمالی‌ییق. بو ایش بلکه اینگیلیسجه ویکیپدیانین طرفسیزلیک اصلینی پوزا، آنجاق بیزیم ویکی‌نین طرفسیزلیک اصلینی پوزماییر منجه، چونکو اینگیلیسجه ویکی‌نی دونیا میقیاسیندا، فرقلی دینلردن و دیللردن اولان اینسانلار قوللانیر، بیزیم ویکی‌نی ایسه تکجه اؤزوموز. اوْنا گؤره ده، «حضرت» یا «ایمام» یازماق، ایسلام دینی‌نی تبلیغ ائتمک آنلامینا گلمز، بلکه بو عیبارتلری یازماماق، دینسیزلیک و حتی آنتی-ایسلام دۆشونجه‌سینین تبلیغی کیمین آلقیلانابیلر. 2- اینگیلیسجه ویکی‌ده ده بعضا تمجیدی نظره گلن عیبارتلره راست گلیریک. یوخاریدا اؤرنک گتیریلمیش Peter the Great و Cyrus the Great و حتی Abbas the Great کیمی آدلارا بیر ده سوئدین ملکه‌سی Queen Silvia of Sweden و اوشاقلاری Victoria, Crown Princess of Sweden، Prince Carl Philip, Duke of Värmland و Princess Madeleine, Duchess of Hälsingland and Gästrikland-ی آرتیرماق ایسته‌ییرم. اونلاردان داها ایلگینج اوْلان Princess Alexandra, The Honourable Lady Ogilvy دیر. بونون آدیندا «The Honourable» لفظی ایشلنیبدیر کی رسما بیر تمجیدی عیبارتدیر. یا حتی «Sir» عیبارتی بعضی شخصلرین آدلاریندا ایشلنیبدیر: مثلا Sir David Mathew و Sir Alexander Cockburn, 12th Baronet. نئجه کی گؤرونور بعضا لقبلر و عونوانلار چوخ یایغین اولدوغوندان دوْلایی، اوْ آدین بیر حیصه‌سی کیمین نظرده آلینیب و ویکی‌پدیانین طرفسیزلیک اصلی‌نی پوزمایاراق مقاله‌لرین باشلیقلاریندا ایشلنیر. 3- ادبی دیلیمیزدن بحث ائتدیگیمیزده ایسه، ان چوخ گؤزه چارپان یازیلیش «حضرت محمد»، «محمد (ص)»، «ایمام علی»، «علی (ع)» و بنزر یازیلیشلار اوْلوبدور. بونلاردان فرقلی بیر یازیلیش، بلکه اوْرجینال آراشدیرمالارا یئر وئرمک ده ساییلابیلر. آنجاق (ص)، (ع)، (س) و ... عیبارتلری صیرفا تمجید، تمدیح، دوعا و بونلارا بنزر قونولاردا ایشلندیکلرینه گؤره، باشلیقلاردا و مقاله‌نین متنینده بئله یازیلمامالیدیر. ‌‌4- بو اؤنر، «حضرت» عیبارتینی ده تمجیدی بیر عیبارت نظرده آلیب و یازیلماماسینی وورغولاییر. آنجاق منجه «حضرت محمد» ترکیبینده ایشلنن «حضرت»، «شاه عاباس» اۆچون ایشلنن «شاه» و «ایمام علی» اۆچون ایشلنن «ایمام» عیبارتلری کیمی نظرده آلینمالی. اوْنون اۆچون منجه «حضرت» عیبارتی ان آزی محمد پئیغمبر اۆچون یازیلماسی ایرادسیزدیر. آنجاق باشقا یئرلرده اؤرنک اۆچون «حضرت مولانا جلال الدین محمد رومی» یازیلیرسا، تمجید نظرده آلینابیلر. بو مسئله اۆچون، بلکه محمد پئیغمبری بیر ایستیثنا نظرده آلماق اولار. 5- سوْنوندا بو اؤنر سئچیلمزسه، عربجه‌ده یایغین اوْلان آد طرزینده یازماغیمیزی اؤنریرم. اؤرنک اوْلاراق: «محمد بن عبدالله»، «علی بن ابی‌طالب»، «حسین بن علی». سایغیلارلا-- Bir Morty (دانیشیق) ‏۱۰ فوریه ۲۰۲۲، ساعت ۲۱:۴۵ (UTC)

اۆچونجو اؤنر

باشقا اؤنر وارسا بو یازینی سیله‌رک آرتیرا بیلرسینیز.

یاناشی

1. یاناشی

قارشی

1. قارشی

آچیقلاما

1. آچیقلاما: