پالتاریوماق ائوی (زنجان)

پالتار یوماق تیکینتی‌سی یوخسا پالتار یوماق تاریخی مجموعه‌سی (فارسجا: رختشورخانه‎)، آذربایجانین ان تانیمیش، گؤرمه‌لی و توریستی مکانلاریندان، زنجان شهری نین اسکی بؤلومونون اورتاسیندا، و چوخلو یاشاییش ائولرین قونشولوغوندا یئرلشمیشدیر. زنجانلیلار کئچمیشده پالتارلار و کؤینکلرینی اوردا یووارمیشلار. بئله بیر مخصوص ایش اۆچون، دونیا دا تایسیز دیر ، و یا اوخشاری آز واردیر. بو تیکینتی نئچه دفعه تعمیر اولونوب و فولکولور موزه سی اولاراق ایشه آپاریلیر، و بوتون توریستلر اورادان گؤروش ائده بیلرلر.

رختشويخانه٥.jpg

کئچمیشیدَییشدیر

 
عَلَکبَرخان توفیقی، زنجان بلدیه باشقانی، و پالتاریوما بناسینین قوروجوسو

زنجان پالتاریوما ائوینی قاجارلار چاغیندا، اکبر معمار و اسماعیل بَنّا آدلاریندا ایکی معمار قارداش دوزَلدیبلر. بو تیکینتی نین یئرینی زنجان بلدیه‌سی، علی اکبرخان توفیقی، 1345 ه.ق ایلینده آلیب و دوزلیش امری نی وئردی. بو تیکینتی نین دوزلیش طرزی قاجار زامانی نین معمارلیغی اوسلوبوندا دیر.

یئریدَییشدیر

بو تیکینتی زنجانین اسکی بؤلومو بابا جامال چوققورو محله سینده یئرلَشیبدیر. تئزلیکله اورا چاتماق اۆچون سعدی (خیاوانی) ، سونرا فرهنگ کوچه سیندن گئتمک اولار.

ایشلَتمه‌سیدَییشدیر

بو بینا کئچمیشده، زنجانین قیشدا شاختالی و سویوق هاواسینا گؤره زنجانلی خانیملار اۆچون دوزلمیشدیر. بو تیکینتی نین ایچینده خانیملار بیر اوستو اؤرتولو دینج بیر یئرده، امنیت ایله پالتارلاری یووابیلیرمیشلر. بو تیکینتی گئجه گوندوز قاپیسی آچیق ایمیش و بیریسیندن اوردا پالتار یوماغا گؤره پول آلینمیرمیش. پالتاریوما تیکینتی‌سی ایندی زنجان اوستانی‌نین ان اهمیتلی موزه‌سی دیر، و اورادا یئرلی پالتارلار ، و خانیم بَزَک تاخمالاری سرگی‌سی دا واردیر.

تیکینتی‌نین خوصوصیتلریدَییشدیر

موختلیف بؤلوملری اولان بو تیکینتی نین سویو، حاجی میربهاالدین قالاسی نین قاناتیندان قایناقلانیرمیش.
تیکینتی مجموعه سی نی ایکی یئره بؤلمک اولار: تیکینتی نین مودیریتی (حَیَط و تیکینتی نی ساخلایانلارین یاشاماق ائوی)، و پالتار یوماغین اصلی موحوطه‌سی. پالتار یوماق یئری اؤزو 4 یئره بؤلونور.
حَیَت 400 متر موربع شکلینده اَنی 12 متر ، اوزونو دا 32 متر اولار، ایچینده آغاج و یاشیللیق وار، اعیانی دا قوزئیینده 60 متر موربع اولاراق، ایکی اوتاق و بیر دالان دیر، تیکینتی نین حَیَتین ، اوتاقلارین و پالتاریوما بؤلوملرین بیربیرینه باغلاییر. زنجانین تانینمیش سونتی طرحلرینین نیمادی اولابیلر.
پالتاریوماق تیکینتی سی نین خزینه سی 17 متر اوزونو و 11.55 اَنی و 8 متر اوجالیغی وار. پالتار یوماق یؽرینه باخان بیر تراس واردیر، دئمک اولار اوردان پالتاریووانلار گؤزآلتیندایمیشلار؛ دئییلیر بو کونترول ائدن آدام تیکینتی نین مودرونون یا معماری نین آروادی ایمیش و بو ایش اۆچون ده آیلیق آلیرمیش.
آلانین معمارلیغیندان بئله گلیر کی ، معمار سونتی طرز ایله، یوخاری درجه ده تانیشلیغی واریمیش، و قوسلار و کؤلگه سالانلار کومکی ایله، سالونون یوخاری باشیندا چوخ گؤزل و اورگه یاتان بیر فضا یارادیب.
پالتاریوما بناسی نین ایچ و ائشیک طراحلیغی چوخ گؤزل گؤرونتولری واردیر، و سالونو 11 سوتون ایله قرینه اولاراق ایکی یئره بؤلونموشلر. بو یئرین اَنی 13.7 متر و 62 متر اوزونلوغو دور، مساحتی ده جمعی 850 مترموربع دیر. سالونو 11 قرینه یئره بؤلن سوتونلار آراسیندا، 4 حؤضچه واردیر و بونلاری دا تراورتَن یؤنولموش داشلار بیربیریندن آییریب، و قیراقلاریندا دا سو آرخلاری دوزَلمیشدیر.

قایناقلاردَییشدیر