پاول دمیتری‌یئویچ سیسیانوف (گورج. პავლე დიმიტრის ძე ციციშვილი؛ Pavle Dmitris dze Sisişvili 1754-1806) — گورجو اصیلی روس ژنرالی، روسیه‌نین قافقازداکی قوشون‌لاری نین باش کوماندانی. 1806-جی ایلده باکی یاخین‌لیغیندا سوءقصد نتیجه‌سینده آسلان بیگ طرفیندن اؤلدورولوب. 

پاول سیسیانوف
Pavle Dimitris dze Tsitsishvili
Tsitsianov new.jpg
پاول سیسیانوفون حربی پالتاردا پورتره‌سی
Military Commander of Georgia / Viceroy of the Caucasus
ایشده
1802–1806
شخصی بیلگیلر
دوغوم19سپتامبر1754
روسیه ایمپیراتورلوغو موسکو
اولوم۲۰ فوریه ۱۸۰۶ میلادی (۵۱ یاش)
باکی ، باکی خانلیغی
ایستراحت یئریگورجوستان کیلسه قبیریستان‌لیغی
جایزه‌لریWeapons:
Фрачный знак--.jpg
شوجاعت اوچون قیزیل قیلینج
نیظامی خیدمت
درجهژنرال
واحیدPreobrazhensky Regiment of the Imperial Guard
امرلرروسیه‌نین قافقازداکی قوشون‌لاری نین باش کوماندانی
موباریزه‌لر/ساواشلار

یاشاییشیدَییشدیر

  پاول سیسیانوف 1754-جو ایلده 9 و یا 20 سپتامبر تاریخینده روسیه ایمپراتورلوغونون موسکو شهرینده گورجو عاییله‌سینده آنادان اولوب. 1772-جی ایلده پریوبراژنسک آلاییندا حربی خیدمته باشلادی. 1786-جی ایلده لهستاندا کوماندیر تعیین ائدیلیر و 2-جی تورک موحاریبه‌سینده ایشتیراک ائدیر. 1796-جی ایلده او ایمپراتریچه نین راضی‌لیغی ایله قراف زوُبوْفون باشچی‌لیغی آلتیندا جنوبی قافقازین ایشغالی اوچون یولا دوشدو. 1797-جی ایلده ایستعفایا چیخدی، لاکین تزار1. آلکساندرین حاکیمیتی دؤورونده یئنیدن خیدمته داخیل اولدو. 1802-جی ایلده هشترخانین حربی قوبرناتورو و روسیه‌یه یئنی بیرلشدیریلمیش گورجوستاندا باش کوماندان طرفیندن قافقازا پیادا قوشونون موفتیشی تعیین ائدیلمیشدیر. 1803-جو ایلده روسیه‌نین طرفینه کئچمیش اتنیک گورجولردن تشکیل اولونموش 4500 نفرلیک کؤنوللو قوشون ایله بیرلیکده قافقازین آلینماسی اوچون تیفلیسه هوجوم ائدیر. ایران ایله موحاریبه ‌نین اونون ایشلرینی چتینلشدیرمه‌سینه و روسیه‌نین ناپلئون ایله آپاردیغی موحاریبه  سببیندن عسگر چاتیشمازلیغی نین اولماسینا باخمایاراق او، موعین قدر دیپلوماتیک یوللا، موعین قدرسه سیلاح گوجویله خزر ساحیلی نین، داغیستانین و جنوبی قافقازین موختلیف کیچیک حؤکمدارلارینی روسیه‌نین طرفینه چکمگی باجاردی. 

    گورجوستانی اله کئچیردیکدن سونرا جنوبی قافقازا هوجوم ائدیر. 1804-جو ایلده گنجه خانلیغینی ایشغال ائدیر و جاواد خانی قتله یئتیریر. بو ایشغالا گؤره اونا پیادا ژنرالی روتبه‌سی وئریلیر. بیر نئچه آذربایجان خانلیغینی ایشغال ائدیر. اونلارین آراسیندا گنجه، شاماخی، شکی و قاراباغ خانلیق‌لاری مؤوجوددور.   

  سوء-قصددَییشدیر

  1805-جی ایلده ژنرال پاول سیسیانوف باکی خانلیغینا هوجوم ائدیر. ایلک هوجوم اوغورلو آلینماسادا ایکینجی هوجوم زامانی سیسیانوف باکینی موحاصیره یه آلیر. باکی خانی حسین‌قولوخان اونونلا دانیشیق‌لار آپارماق اوچون اونو قالا قاپیسین یانینا چاغیریر. 8 فوریه 1806-جی ایلده ژنرال پاول سیسیانوف باکی نین قالا قاپیسین یانینا گلیر. بورادا او حسین‌قولوخان ایله دانیشاندا اونون قارداشی اوغلو آسلان بیگ طرفیندن اؤلدورولور. سیسیانوفون اؤلوموندن سونرا روس قوشون‌لاری نین هوجوم‌لاری خوصوصیله آمانسیزلاشدی. 1806-جی ایلین اوکتوبروندا باکی ایشغال ائدیلدی، 1813-جو ایلده ایسه گولوستان موقاویله‌سی باکی خانلیغی نین روسیه‌یه بیرلشدیریلمه‌سی رسمی‌لشدی. 1811-جی ایلده سیسییانوفون جسدی تیفلیسه آپاریلاراق اورادا کیلسه قبیریستان‌لیغیندا باسدیریلیر. حربی ایشدن علاوه  سیسییانوف هم ده ادبی فعالیت ایله مشغول اولور، فرانسه دیلیندن شعیرلر ترجومه ائدیردی.