یوتا بیلیم‌یوردو
یوتا بیلیم‌یوردو (اینگیلیسجه: University of Utah) آمریکا نین یوتااوستانی نین سلت لئیک سیتی شهرینده یئرلشن عمومی دولتی بیر بیلیم‌یورد آدیدیر. بۇ بیلیم یورد اویرنجیلرین یوزده 83ـو یوتا اوستانیندن و قالانی آیری یئرلردن گلیرلر. اؤیرنجیلرین تکجه 100 ده 10و بیلیم یورد یاتاقلاریندا یاشاییرلار. بو بیلیم یوردو 185-جی ایلده قورولاندا چؤل بیلیم یوردو (University of Desert) آدلاندیریبلار، آنجاق 1892-جی ایلده آدین دئییشیب و یوتا قویوبلار. بو بیلیم یورد عمومی دولتی دیر و بودجه سینی دولت و بؤیوک شیرکتلر و خالقدان آلدیغی اعانه لرله تامین ائدیر. میثال اۆچون ناسا کیمی تشکیلات اۆچون آراشدیرما پروژه لر آپاریر. بۇ بیلیم‌یوردونون 2009 ایلی قوروملاشدیرماق(اورقانیزاسیون) دان سونرا، 20 کالئج و فاکولته‌سی و 32388 اؤیرنجی‌سی واردیر. 100 لیسانس ، 92 فوق لیسانس، و دوْکتورلوق اؤیرتیم ساحه‌سینده درجه وئریر. بو بیلیم یورد دا ایدمان اهمیتلی یئره یییه‌دیر و بسکتبال و آمریکا فوتبالی و ژیمناستیک کلوبلاری چوخ گوجلودورلر.
یوتا بیلیم‌یوردو | ||
|---|---|---|
| ||
| یارانما تاریخی | 1850 | |
| تیپ | گئنل (عمومی ، دولتی) | |
| باشچی | پروفسور دیوید پرشینگ | |
| اوستاد سایی‌سی | 2687 | |
| اؤیرنجی سایی‌سی | 32388 | |
| شهر | یوتا اوستانی | |
| کئچنکی آد(لار) | چؤل بیلیم یوردو (University of Desert) | |
| وئب‌سایت | http://www.utah.edu/ | |
کالئجلر، فاکولته‌لر، و کالجلر
دَییشدیر- معمارلیق و پلانلاما کالئجی
- دیشچیلیک کالئجی
- اؤیرتیم کالئجی
- مۆهندیس‌چیلیک کالئجی
- اینجه صنعت کالئجی
- ساغلیق کالئجی
- انسان بیلمیلر کالئجی
- معدن، یئرآلتی قایناقلار و یئر تانیما بیلیملر کالئجی
- طیببی باخیمچیلیق (Nursing) کالئجی
- داوا دوزلتمک کالئجی
- بیلیم کالئجی
- توپلومسال و داورانیش بیلیملر کالئجی
- توپلومسال چالیشما کالئجی
- داواملی اؤیرتیم بؤلومو
- دئیوید اکلس آلوئرچیلیک (بیزینس) اوخولو
- یوکسک اؤیرتیم اوخولو
- اونورلار (افتخاری) کالئجی
- اس. جی. کوینی یاسا (حقوق) کالئجی
- داواچیلیق اوخولو
بو بؤلوملردن علاوه، بیر دیسیپلین (انضباطی) قایدالاری اؤیرتیم بؤلومو ده واردیر.