آذربایجان پرمیئر لیگی
آذربایجان پرمیئر لیگی (لاتین تورکجه: Azərbaycan Premyer Liqası) یادا اسپانسرلیق آدی ایله میسلی پرمیئر لیگی (لاتین تورکجه: Misli Premyer Liqası)، آذربایجانین پئشه‌کار فوتبال تاخیملاری‌نین چیخیش ائتدیگی ان یۆکسک لیگ دیر. بیر مؤوسومده ۱۰ تاخیمین یاریشدیغی لیگده، ان اۆست سؽرادا یئر آلان تاخیم شامپیون اوْلورکن سوْن تاخیم بیرینجی لیگه دۆشور. لیگده بیرینجی اوْلان تاخیم آوروپا شامپیونلار لیگی پلی آف مرحلهسینه، ایکینجی و اۆچونجو تاخیملار ایسه یوفا کونفرانس لیگی پلی آف مرحلهسینه حاق قازانیرلار. آیریجا آذربایجان کوپاسیندا شامپیون اوْلان تاخیم آذربایجانین دؤردونجو تمثیلچی‌سی اولاراق یوفا کونفرانس لیگی پلی آف مرحلهسینه یوْل تاپیر.
| آذربایجان پرمئیر لیگی | ||
 | ||
| اؤلکه |  آذربایجان جومهوریتی
| |
| دۆزنله‌ین | آذربایجان پئشه‌کار فوتبال لیگی | |
| کونفدراسیون | یوفا | |
| قورولوش | ۱۹۹۲ | |
| درجه‌سی اؤلکه‌ده | ۱ | |
| تاخیملارین سایی | ۱۰ | |
| آشاغی لیگی | آذربایجان بیرینجی لیگی | |
| یئرلی کوپا(لار) | آذربایجان کوپاسی | |
| بین‌الخالق کوپا(لار) | آوروپا شامپیونلار لیگی یوفا آوروپا لیگی یوفا کونفرانس لیگی | |
| سوْن شامپیون | قاراباغ (۲۴–۲۰۲۳) | |
| ان باشاریلی تاخیم | قاراباغ (۱۱دفعه) | |
| ان چوْخ اوْینایان | راهید امیرقولیئو (۴۵۷) | |
| ان چوْخ قوْل آتان | ناظیم علیئو (۱۸۳) | |
| گؤسترن تلویزیون‌لار | سی‌بی‌سی ایسپورت | |
| وئب‌سایت | pfl.az | |
۱۹۹۲-جی ایلده قۇرولان لیگ ۲۰۰۷-جی ایله قدر یۆکسک لیگ آدی ایله کئچیریلدی. ۲۰۰۷-جی ایلدن سوْنرا آذربایجان پرمیئر لیگی آدی آلتیندا فعالیت گؤسترن لیگده، قاراباغ (۱۱ دفعه)، نفتچی (۹ دفعه)، کپز (۳ دفعه)، اینتر (۲ دفعه)، شمکیر (۲ دفعه)، باکی (۲ دفعه)، خزر لنکران (۱ دفعه) و توران توووز (۱ دفعه) شامپیونلوغا نائیل اوْلوبلار. ۱۹۹۲ده آذربایجان فوتبال فدراسیونلاری بیرلیگی طرفیندن قۇرولان لیگ، گۆنوموزده ۱۳ ژوئن ۲۰۰۸ تاریخینده آف‌ف‌ب ترکیبینده قۇرولان و آذربایجان فوتبال لیگلریندن سوْروملو اوْلان آذربایجان پئشه‌کار فوتبال لیگی طرفیندن دۆزنله‌نمکده دیر.[۱]
تاریخی
دَییشدیر۱۹۹۰-جی ایللر
دَییشدیر۱۹۹۰-جی ایللرده کپز، نفتچی باکی، توران توووز و شمکیر کیمی کولوبلار لیگده اۇغورلو چیخیش ائده‌رک شامپیون اوْلموشلاردیر. ۹۰-جی ایللر اؤلکه فوتبالیندا غرب بؤلگه‌سی‌نین کولوبلاری‌نین اساساً ده کپز کولوبونون هئگئمونلوغو ایله یاددا قالمیشدیر. گنجه‌لیلر اوْن ایللیک عرضینده آذربایجان فوتبالیندا قؽریلما‌سی چوْخ چتین اوْلاجاق چوخ ساییدا رکوردلارا ایمضا آتمیش و اؤلکه فوتبالینا آچیق آشکار دامغا وۇردوقلاری اۆچون آذربایجان فوتبال ایجتیماعیتی طرفیندن یئنیلمز لقبینه لاییق گؤرولموشلر. ۱۹۹۷-جی ایلده، کپز آذربایجان شامپیوناسی تاریخینده ان اۇزون غلبه سئری‌سینه ایمضا آتمیشدیر. گنجه‌لیلر ۹۸–۱۹۹۷ و ۹۹–۱۹۹۸ مؤوسوملرینده آردیجیل ۲۰ اوْیوندا مئیدانی ۳ خاللا ترک ائتمیشدیلر.[۲][۳]
۲۰۰۰-جی ایللر
دَییشدیر۲۰۰۰-جی ایللرین اوْرتاسیندا ایقتیصادی بؤحران یئرلی کولوبلارا جیددی ضربه وۇردو و نتیجه‌ده، خزری بوزوونا، شفا و ای‌ان‌اس پیوانی باکی کیمی تاخیملار داغیلدیلار. اوْ زامان کی آدی ایله "یۆکسک لیگ" تاخیملاری‌نین ۲۰۰۲-جی ایلین آوریلینده شامپیونانین دایاندیرماسی و آذربایجان فوتبال فدراسیونلاری بیرلیگی ایله اوْلان گرگینلیگی‌نین نتیجه‌سینده، فیفا و یوفا آذربایجان فوتبالینا ۲ ایللیک قاداغا جزاسی وئردیلر.[۴][۵][۶] یاریشی یاریمچیلیق دایاندیران تاخیملار اؤز یاراتدیقلاری تشکیلات کوْمیته‌سی‌نین جهدی ایله لیگی داوام ائتدیردی آمما فدراسیون و کوْنفدراسیونلارین وئردیگی جزالارا گؤره غئیر رسمی حئساب ائدیلدی. اؤلکه‌ده فوتبال لیگلری‌نین جزاسینا گؤره فوتبال دا یوْخا چیخماسی ایله نتیجه‌له‌نن موناقیشه‌دن سوْنرا اوْیونچولار یا خاریجه اۆز توتوب اؤلکه‌نی ترک ائتدیلر یادا فوتسال یاریشلاریندا چیخیش ائتمه‌گی باشلادیلار.[۷]
یئنی یوز ایلده نفتچی هئگئمونلوغونا خزر لنکران، اینتر باکی و باکی کیمی یئنی رقیبلر سوْن قوْیماغا چالیشیردی. ۰۵–۲۰۰۴ مؤوسومونده " نفتچی" لیگین سوْنوندا "خزر لنکران" تاخیمی ایله عئینی خال یؽغدیغی اۆچون شامپیونو موعیینلشدیرمک اۆچون قیزیل اوْیون کئچیریلدی. گنجه شهر ایستادیوموندا کئچیریلن اوْیوندا نفتچی، خزر لنکرانی ۲-۱ نتیجه‌سی ایله اۇتاراق، آردیجیل ایکینجی دفعه شامپیونلوغو قۇتلادی.[۸] قاراباغ ۱۰–۲۰۰۹ و ۱۱–۲۰۱۰ مؤوسوملرینده آذربایجاندان یوفا آوروپا لیگی پلی آف مرحلهسینه چیخان ایلک تاخیم اوْلدو.
۲۰۱۰-جو ایللر
دَییشدیر
۱۱–۲۰۱۰ مؤوسومونده نفتچی آلتی اوغورسوز ایلدن سوْنرا شامپیون اوْلدو.[۹][۱۰] گلن مؤوسوم ایسه یئنی‌دن نفتچی یئددینجی دفعه آذربایجان شامپیونو اوْلدو.[۱۱] ۳۰ آقوْست ۲۰۱۲ده بؤیوک‌آغا حاجیئوین هیدایت ائتدیگی نفتچی سفرده آپوئل قارشی‌سیندا ۳-۱ (توْپلامدا ۴-۲) حئسابی ایله قالیب گله‌رک آذربایجان فوتبال تاریخینده ایلک دفعه یوفا آوروپا لیگی‌نین قروپ مرحلهسینه وثیقه قازانمیشدیر.[۱۲] گلن مؤوسومده نفتچی آردیجیل ۳-جو دفعه اؤلکه شامپیونو اوْلدو.[۱۳]
۱۴–۲۰۱۳ مؤوسوموندن باشلایاراق آذربایجان پرمیئر لیگینده قاراباغ هئگئمونلوغو اله آلدی.[۱۴] همین مؤوسوم قاراباغ ۲۱ ایلدن سوْنرا ایکینجی شامپیونلوغونو قئید ائتدی.[۱۵] ۲۰۱۴-جو ایلده قاراباغ آذربایجان فوتبالیندا یوفا آوروپا لیگی قروپ مرحلهسینه وثیقه قازانان ایکینجی و ۲۰۱۵-جی ایلده قبله اۆچونجو کولوبلار کیمی تاریخه کئچدیلر.[۱۶] ۱۷–۲۰۱۶ مؤوسومونده قاراباغ آردیجیل ۴-جو دفعه اؤلکه شامپیونو اوْلدو.[۱۷] ۲۴ آقوْست ۲۰۱۷ده قاراباغ آذربایجان فوتبالی تاریخینده ایلک دفعه آوروپا شامپیونلار لیگی‌نین قروپ مرحلهسینه وثیقه قازاندی.[۱۸] همین ایلده آذربایجان پرمیئر لیگی بین‌الخالق فوتبال تاریخی و استاتیستیک فدراسیونو طرفیندن دونیانین ان یاخشی ۳۳-جو لیگی اوْلدو.[۱۹]
۱۸–۲۰۱۷ مؤوسومو سوْنوندا ۲۲ آوریل ۲۰۱۸ تاریخینده قاراباغ آردیجیل بئشینجی دفعه شامپیون عونوانی‌نی قازاندی.[۲۰]
۲۰۲۰-جی ایللر
دَییشدیر۲۰۲۰-جی ایلده کووید-۱۹ قلوْبال پاندمی‌سی ایله علاقه‌دار یارانمیش مؤوجود وضعیت، و خسته‌لیگه یوْلوخما خطری‌نین یۆکسلمه‌سی، آذربایجان اراضی‌سینده قرنطینه رژیمی‌نین ۱ ژوئن ۲۰۲۰ تاریخینه‌دک اۇزادیلماسی ایله باغلی تاخیملارین مشق کئچیرمه‌سی اۆچون واخت آزلیغی، تاخیملارین ائحتیمال اوْلونان مالیه چتینلیگی، پاندمی دؤورونده آذربایجان فوتبال فدراسیونلاری بیرلیگی ایجراعیات کوْمیته‌سی‌نین قبول ائتدیگی مۇوافیق قرارلار و وئریلن تؤوسیه‌لر و فوتبالچی‌لارین، مشقچی‌لرین و آذربایجان پرمیئر لیگینده اوْیونلارین تشکیلینده بۇ و یا دیگر شکیلده ایشتیراک ائدن شخص‌لرین ساغلاملیغی‌نین قوْرونماسی نظره آلیناراق، ۲۰–۲۰۱۹ مؤوسومونده شامپیونلوق و کوپا یاریشی دایاندیریلدی.[۲۱] مؤوسومون قالیبی و یوفانین یاریشلاریندا ایشتیراک ائده‌جک تاخیملار سوْن تور جدولینه اۇیغون اوْلاراق موعیینلشدیریلدی.[۲۱] بۇنون نتیجه‌سینده قاراباغ آردیجیل ۷-جی، توْپلامدا ایسه ۸-جی دفعه شامپیونلوغو الده ائتدی.[۲۱]
۲۱–۲۰۲۰ مؤوسومونده نفتچی آذربایجان پرمیئر لیگینده یئددی ایلدن سونرا هئگئمون اوْلموش قاراباغ کولوبونو گئری ده بۇراخاراق ۹-جو شامپیونلوغونو قئید ائتدی.[۲۲] ۲۲–۲۰۲۱ مؤوسوموندن سونرا قاراباغ یئنی‌دن هئگئمونلوغو الینه آلاراق شامپیونلوقلارینا داوام ائدیب آوروپا لیگلرینده اۇغورلو چیخیشلار ائتمیشدیر.
فوْرمت
دَییشدیرگۆنوموزده آذربایجان پرمیئر لیگینده ۱۰ فوتبال کولوبو ایشتیراک ائدیر. مؤوسوم عرضینده (آقوْست‌دان مئی آیینا قدر) هر تاخیم رقیبلری ایله دؤرد دفعه (دایره‌وی سیستم) گؤروشور؛ ایکی دفعه اؤز مئیدانیندا، ایکی دفعه ایسه سفرده جمعی ۳۶ اوْیون کئچیریلیر. تاخیملارا غلبه‌یه گؤره اۆچ خال، برابرلیگه گؤره بیر خال و مغلوبیته گؤره صیفر خال وئریلیر. جدولده تاخیملارین دۇرومو ایسه ایلک اؤنجه عومومی خاللار، سوْنرا قوْل فرقلری، داها سوْنرا وۇرولان قوْللارلا سؽرالانیر.[۲۳]
آشاغیدا آذربایجان پرمیئر لیگی‌نین تاریخی بوْیونجا تاخیملارین سایی‌سی قئید ائدیلمیشدیر.
| آذربایجان پرمیئر لیگی بوْیونجا تاخیملارین سایی‌سی | |||
|---|---|---|---|
| ایل | تاخیم سایی‌سی | ||
| ۱۹۹۲ | ۲۶ | ||
| ۱۹۹۳ | ۲۰ | ||
| ۱۹۹۳–۱۹۹۴ | ۱۶ | ||
| ۱۹۹۴–۱۹۹۵ | ۱۳ | ||
| ۱۹۹۵–۱۹۹۶ | ۱۱ | ||
| ۱۹۹۶–۱۹۹۷ | ۱۶ | ||
| ۱۹۹۷–۱۹۹۸ | ۱۵ | ||
| ۱۹۹۸–۱۹۹۹ | ۱۴ | ||
| ۱۹۹۹–۲۰۰۰ | ۱۲ | ||
| ۲۰۰۰–۲۰۰۱ | ۱۱ | ||
| ۲۰۰۱–۲۰۰۲ | ۱۲ | ||
| ۲۰۰۲–۲۰۰۳ | کئچیریلمدی | ||
| ۲۰۰۳–۲۰۰۴ | ۱۴ | ||
| ۲۰۰۴–۲۰۰۵ | ۱۸ | ||
| ۲۰۰۵–۲۰۰۶ | ۱۴ | ||
| ۲۰۰۶–۲۰۰۷ | ۱۳ | ||
| ۲۰۰۷–۲۰۰۹ | ۱۴ | ||
| ۲۰۰۹–۲۰۱۳ | ۱۲ | ||
| ۲۰۱۳–۲۰۱۶ | ۱۰ | ||
| ۲۰۱۶–۲۰۲۲ | ۸ | ||
| ۲۰۲۲–گۆنوموز | ۱۰ | ||
تاخیملار (۲۵–۲۰۲۴ مؤوسومو)
دَییشدیر
ایستادیوملار و یئرلری
دَییشدیر- نوْت: جدول الیفبا ایله سؽرالانمیشدیر.
| تاخیم | یئری | ایستادیوم | تۇتومو[۲۴] |
|---|---|---|---|
| آراز ناخجیوان | ناخجیوان | ناخجیوان شهر ایستادیومو | ۱۲٫۸۰۰ |
| کپز | گنجه | گنجه شهر ایستادیومو | ۲۷٫۰۰۰ |
| قاراباغ | آغدام[a] | آذرسون آرنا | ۵٫۸۰۰ |
| نفتچی | باکی | نفتچی آرنا | ۱۱٫۰۰۰ |
| صاباح | ماسازیر | بانک رئسپوبلیکا آرنا | ۱۳٫۰۰۰ |
| سباییل | باییل | باییل ایستادیومو | ۳٫۲۰۰ |
| سومقاییت | سومقاییت | مهدی حسین زاده ایستادیومو | ۱۰٫۱۰۰ |
| شاماخی | شاماخی | شاماخی شهر ایستادیومو | ۲٫۲۰۰ |
| توران | توووز | توووز شهر ایستادیومو | ۶٫۸۰۰ |
| زیره | زیره | زیره اولمپیک ایدمان کومپلکسی ایستادیومو | ۱٫۳۰۰ |
شامپیونلار
دَییشدیر| تاخیم | شامپیونلوق | ایکینجی روتبه |
|---|---|---|
قاراباغ
|
۱۱ | ۴ |
| نفتچی
|
۹ | ۵ |
| کپز | ۳ | ۱ |
| شاماخی[b] | ۲ | ۳ |
| شمکیر | ۲ | ۲ |
| باکی | ۲ | ۲ |
| خزر لنکران | ۱ | ۳ |
| توران | ۱ | ۱ |
| هر بئش شامپیونلوق اۆچون بیر اولدوز | ||
شامپیونلار و قوْل کراللاری
دَییشدیر
آذربایجان ش‌س‌ج شامپیونلاری
دَییشدیراسپانسرلیق و لوْقو
دَییشدیر
آذربایجان پرمیئر لیگی‌نین قۇرولدوغو ۱۹۹۲-جی ایلدن ۲۰۰۹-جو ایله قدر اسپانسری اوْلمامیشدیر. سپتامبر ۲۰۰۹ دا " اونی‌بانک" و آذربایجان لیگلریندن سوْروملو اوْلان پئشه‌کار فوتبال لیگی آراسیندا اسپانسرلیق آندلاشماسی ایمضالاندی و اؤلکه شامپیوناسی ایلک دفعه تیجاری یاپی طرفیندن اسپانسرلیق ائدیلدی.[۲۷] ۲۰۱۲-جی ایلده ایسه آذربایجان پرمیئر لیگی " توپاز" بوک‌مئیکر شیرکتی طرفیندن اسپانسرلیق ائدیلدی.[۲۸][۲۹][۳۰]
۲ آقوْست ۲۰۲۰ تاریخینده پئشه‌کار فوتبال لیگی طرفیندن آذربایجان پرمیئر لیگی اسپانسرسیز لوْقوسو قارتال، آلوْو و دالغا ایله احاطه اوْلونان فوتبال توْپو شکلینده دیزاین ائدیلیب تقدیم اوْلوندو.[۳۱]
| ایل | اسپانسر | آد |
|---|---|---|
| ۱۹۹۲–۲۰۰۹ | اسپانسر اوْلماییب | آذربایجان یۆکسک لیگی/آذربایجان پرمیئر لیگی |
| ۲۰۰۹–۲۰۱۲ | اونی‌بانک | اونی‌بانک پرمیئر لیگی |
| ۲۰۱۲–۲۰۱۹ | توپاز | توپاز پرمیئر لیگی |
| ۲۰۱۹–۲۰۲۲ | اسپانسر اوْلماییب | آذربایجان پرمیئر لیگی |
| ۲۰۲۲–گۆنوموز | میسلی | میسلی پرمیئر لیگی |
مئدیا علاقه‌لری
دَییشدیر۲۰۰۹-جو ایلده آذربایجان فوتبال لیگلریندن سوْروملو اوْلان پئشه‌کار فوتبال لیگی و آذ تی‌وی قاپالی سهامدار شیرکتی، آرالاریندا آذربایجان پرمیئر لیگی و کوپاسی‌نین اوْیونلاری‌نین اؤزل چکیلیش و یاییم حوقوقونا داییر موقاویله ایمضالادیلار.[۳۲] آذربایجاندا ۲۰۰۹-جو ایلدن ۲۰۱۵-جی ایله قدر آذربایجان پرمیئر لیگی ایدمان تی‌وی طرفیندن یاییملانیردی. ۱۶–۲۰۱۵ مؤوسومونده آذربایجان پرمیئر لیگی‌نین یاییم حوقوقو اۆچون موناقیصه تشکیل اوْلوندو و موناقیصه‌نین قالیبی سی‌بی‌سی ایسپورت اوْلدو.[۳۳][۳۴]
| اؤلکه | کانال |
|---|---|
 آذربایجان جومهوریتی
|
سی‌بی‌سی ایسپورت |
 اوتریش |
لائولا ۱ |
 گورجیستان
| |
 آلمان
| |
 روسیه
| |
 سوئیس
| |
| بین‌الخالق | بت۳۶۵ |
رکوردلار
دَییشدیرناظیم علیئو آذربایجان پرمیئر لیگی‌نین ان چوْخ قوْل وۇران فوتبالچی‌سی دیر.[۳۵] ۹۶–۱۹۹۵مؤوسومونده ناظیم علیئو آذربایجان پرمیئر لیگده ایلک ۱۰۰ قوْل وۇران اوْیونچو اوْلدو. اوْ واختدان بری، ۱۰ دیگر اوْیونچو دا ۱۰۰ قوْل نیشانینا چاتمیشلار دیر.[۳۶]
آذربایجان پرمیئر لیگینده ان چوْخ اوْیون کئچیرن فوتبالچی ایسه راهید امیرقولیئو دیر.[۳۷]
قالین رنگله گؤستریلن اوْیونچولار هله کاریئری‌نی داوام ائتدیریر؛
| اوْیونچو | دؤور | تاخیم[c] | قوْل | |
|---|---|---|---|---|
| ۱ | ناظیم علیئو
|
۱۹۹۹–۱۹۹۲ | خزر سومقاییت | ۱۸۳ |
| ۲ | مشفق حسینوو
|
۲۰۰۷–۱۹۹۲ | قاراباغ | ۱۲۵ |
| ۳ | روشن احمدوو
|
۲۰۰۳–۱۹۹۲ | کپز | ۱۱۶ |
| ۴ | قوربان قوربانوو
|
۲۰۰۶–۱۹۹۰ | نفتچی | ۱۱۵ |
| ۴ | سامیر علی‌اکبروو
|
۲۰۰۱–۱۹۹۲ | نفتچی | ۱۱۵ |
| ۶ | آلای بهراموو
|
۱۹۹۹–۱۹۹۲ | ویلش ماساللی | ۱۰۸ |
| ۷ | نادر نبی‌یئو
|
۲۰۱۲–۱۹۹۵ | توران | ۱۰۳ |
| ۸ | وادیم واسیلیئو
|
۲۰۰۷–۱۹۹۴ | باکی فهله‌سی | ۱۰۲ |
| ۸ | خاقانی ممدوو
|
۲۰۱۲–۱۹۹۴ | اینتر | ۱۰۲ |
| ۱۰ | کنعان کریموو
|
۲۰۱۲–۱۹۹۵ | شمکیر | ۱۰۱ |
| اوْیونچو | دؤور | تاخیم[d] | اوْیون | |
|---|---|---|---|---|
| ۱ | راهید امیرقولیئو
|
۲۰۲۳–۲۰۰۵ | خزر لنکران | ۴۵۲ |
| ۲ | محمود قوربانوو
|
۲۰۱۲–۱۹۹۲ | کپز | ۴۲۱ |
| ۳ | رشاد صادقوو
|
۲۰۲۱–۱۹۹۸ | نفتچی | ۳۹۳ |
| ۴ | عاصف ممدوو
|
–۲۰۰۴ | قبله | ۳۹۰ |
| ۵ | آذر ممدوو
|
۲۰۱۳–۱۹۹۲ | کپز | ۳۸۸ |
| ۶ | آسلان کریموو
|
۲۰۱۱–۱۹۹۲ | قاراباغ | ۳۸۲ |
| ۷ | رشاد عبداللایئو
|
۲۰۱۷–۱۹۹۴ | خزر لنکران | ۳۷۸ |
| ۸ | ماکسیم مدودئو
|
۲۰۲۴–۲۰۰۶ | قاراباغ | ۳۷۶ |
| ۸ | ائلوین ممدوو
|
۲۰۲۳–۲۰۰۵ | شاماخی | ۳۷۶ |
| ۱۰ | وورقون حسینوو
|
–۲۰۰۵ | کپز | ۳۷۰ |
قازانان باش مشقچی‌لر
دَییشدیر| باش مشقچی | شامپیون | شامپیونلوق ایللری |
|---|---|---|
| قوربان قوربانوو
|
۱۴–۲۰۱۳، ۱۵–۲۰۱۴، ۱۶–۲۰۱۵، ۱۷–۲۰۱۶، ۱۸–۲۰۱۷، ۱۹–۲۰۱۸، ۲۰–۲۰۱۹، ۲۲–۲۰۲۱، ۲۳–۲۰۲۲، ۲۴–۲۰۲۳ | |
| آغاسلیم میرجاوادوو
|
۱۹۹۳، ۰۰–۱۹۹۹، ۰۱–۲۰۰۰، ۰۵–۲۰۰۴، ۰۷–۲۰۰۶ | |
| بؤیوک‌آغا حاجیئو
|
۰۶–۲۰۰۵، ۱۲–۲۰۱۱، ۱۳–۲۰۱۲ | |
| کازبئک توایئو
|
۹۶–۱۹۹۳، ۹۶–۱۹۹۵، ۰۴–۲۰۰۳ | |
| مهمان آلله‌وئردیئو
|
۹۵–۱۹۹۴، ۹۸–۱۹۹۷، ۹۹–۱۹۹۸ | |
| احمد علی‌عسگروو
|
۱۹۹۲ | |
| البروس عاباسوو
|
۹۷–۱۹۹۶ | |
| عارف اسدوو
|
۱۱–۲۰۱۰ | |
| قهرمان علیئو
|
۰۲–۲۰۰۱ | |
 جوکو حاجیئوسکی
|
۰۹–۲۰۰۸ | |
 کاخابر تسخادادزه
|
۱۰–۲۰۰۹ | |
 والنتین خودوکین
|
۰۸–۲۰۰۷ | |
| سامیر عاباسوو
|
۲۱–۲۰۲۰ |
- سوْن یوْخلاما: ۲۲ آقوْست ۲۰۲۴
نوْتلار
دَییشدیر- ^ قاراباغ فوتبال کولوبو آغدام شهری‌نی تمثیل ائدیر، آمما داغلیق قاراباغ موناقیشه‌سی نه‌دنی ایله ائو اوْیونلاری‌نی باکی دا کئچیریر.
- ^ ۱۹۹۷-جی ایلده خزر بیلیم‌یوردو فوتبال کولوبو آدی ایله قۇرولان تاخیم، ۲۰۱۷–۲۰۰۴ ایللری آراسیندا اینتر، ۲۰۲۲–۲۰۱۷ ایللری آراسیندا کشله و ۲۰۲۲-جی ایلدن ایسه شاماخی آدی ایله فعالیت گؤسترمیشدیر.
- ^ اوْیونچونون ان چوْخ قوْل وۇردوغو تاخیم
- ^ اوْیونچونون ان چوْخ اوْیون کئچیردیگی تاخیم
قایناقلار
دَییشدیر- ^ Azərbaycanda Peşəkar Futbol Liqası yaradılıb (az). ترند خبر آژانسی (13 June 2008).
- ^ «Qarabağ», «Kəpəz» rekordundan 1 addım geridə. آرشیولنیب اصلی نۆسخه‌دن on 2016-03-09. یوْخلانیلیب2016-12-05.
- ^ “Çelsi”dən yeni rekord: “Kəpəz”ə hələ çox var. www.apasport.az.
- ^ Azerbaijan embargo ends. UEFA.
- ^ Peace at last in Azerbaijan. UEFA.
- ^ Azerbaijan soccer tries to extricate itself from trouble. www.abc.net.au.
- ^ "Futzalla futbolu eyni vaxtda oynamağı məsləhət görmürəm" – iki idman növü üzrə yığmamızın sabiq üzvü (LAYİHƏ). sportfm.az.
- ^ “Xəzər Lənkəran”ın Gəncə macəraları. apasport.az.
- ^ Neftchi are Azerbaijani champions. news.az.
- ^ Neftçi take title honours in Azerbaijan. UEFA.
- ^ “Neftçi”nin yeddinci çempionluğu. qol.az.
- ^ Neftchi FC for the first time in the history of football in Azerbaijan wins a ticket to the group stage of UEFA Europa League Zoom. en.apa.az.[اولو باغلانتی]
- ^ “Neftçi” ardıcıl 3-cü dəfə ölkə çempionu oldu. www.azsport.az.
- ^ Qarabag are exiled from their home but could shock the Champions League. www.theguardian.com.
- ^ Qarabağ end 21-year wait for Azerbaijani title. UEFA.
- ^ Qəbələ Azərbaycanın qrup mərhələsinə vəsiqə qazanan 3-cü klubu oldu. www.azerisport.com.
- ^ Qarabağ v København: play-off facts and stats. UEFA.
- ^ Champions League round-up: Qarabag make history by qualifying for group stages. www.skysports.com.
- ^ Premyer Liqanın tərəqqi qrafiki: 8 ildə 73 pillə. apasport.az.
- ^ “Qarabağ” ardıcıl beşinci dəfə çempion oldu. oxu.az.
- ^ ۲۱٫۰ ۲۱٫۱ ۲۱٫۲ "Qarabağ" çempion oldu – RƏSMİ. www.yeniavaz.com.
- ^ Neftçi bu ilin çempionu oldu. Azərbaycan futbolunda yeni eramı başlayır?. www.bbc.com.
- ^ Azərbaycan Premyer Liqasının formatı dəyişdi (az). futbolpress.az (7 February 2012).
- ^ Azərbaycan Peşəkar Liqası (دیل:لاتین تورک)
- ^ Azerbaijan 2001/02 Archived 3 March 2014 at the Wayback Machine.
- ^ Azerbaijan 2002/03 Archived 3 March 2014 at the Wayback Machine.
- ^ Azərbaycan Premyer Liqasının sponsoru dəşiyib. www.azadliq.org.
- ^ Azerbaijani Premier League has a new sponsor. news.az.
- ^ Premyer Liqanın yeni sponsoru ilə müqavilə imzalandı. kaspi.az. آرشیولنیب اصلی نۆسخه‌دن on 2021-09-24. یوْخلانیلیب2024-08-21.
- ^ Topaz Premyer Liqanın sponsorluğundan imtina etdi. qol.az.
- ^ Azərbaycan Premyer Liqasının yeni loqosu təqdim edildi. qol.az.
- ^ Premyer Liqanın oyunları AzTV-də yayımlanacaq. آرشیولنیب اصلی نۆسخه‌دن on 2016-03-05. یوْخلانیلیب2024-08-19.
- ^ Premyer Liqanın yayım hüququ AZTV və "İdman Azərbaycan"dan alındı. آرشیولنیب اصلی نۆسخه‌دن on 2015-03-10. یوْخلانیلیب2024-08-19.
- ^ CBC channel to broadcast Premier League matches in Azerbaijani. report.az.
- ^ Ekspress Newspaper (دیل:لاتین تورک)
- ^ 34 bombardir – 50-yə çatanlar. apasport.az.
- ^ Rahid Əmirquliyev Azərbaycan çempionatlarında ən çox oyun keçirən futbolçudur.
- ^ "100-lər klubu" üçün het-trik (az). Football Plus Newspaper.[دائمی اولو باغلانتیلی]
- ^ Azərbaycanda iki futbolçu "onluğ"a daxil oldu. Sportinfo (8 July 2023).