ایسراییل عرب‌لری
ایسرائیل عرب‌لری (عبری. ערבים אזרחי ישראל؛ عرب. عرب إسرائیل (العرب الإسرائیلیون،اینگیلیس، Arab citizens of Israel، تورکجه، İsrail'in Arap vatandaşları، فارس: شهروندان عرب اسرائیل) )) - ایسرائیل دؤولتینده یاشایان و بو دؤولتین وطنداشلیغینی داشییان عرب توپلومو. ایسرائیل عرب‌لری اؤلکه اهالیسی‌نین 20.7% -ینی تشکیل ائدیر. ایسرائیل داخیلینده یاشایان و اؤلکه وطنداشی اولان 1.8 میلیونا یاخین شخص یهودی منشالی دئییل. توپلومون آدلاندیریلماسیندا تئز-تئز ایسرائیلین عرب کؤکنلی وطنداش‌لاری ایفاده‌سیندن ایستیفاده ائدیلسه ده توپلومون داخیلینده عربجه دانیشان، آنجاق عرب کؤکنلی اولمایان کیچیک قروپ‌لار دا مؤوجوددور. موختلیف دینی اینانج‌لارا صاحیب اولان ایسرائیل عرب‌لری دانیشدیغی دیل عرب دیلی‌دیر. توپلوم طرفیندن عرب دیلی اؤزل لهجه‌سی اولان فیلیسطین عربجه‌سیندن ایستیفاده اولونور. اساساً گنج نسیلدن اولان شخص‌لر عرب دیلی ایله یاناشی دؤولتین اساس دیلی اولان عبری دیلینی ده بیلمکده‌دیر.
| اهالی سایی‌سی | |
|---|---|
| 1,658,000 Over 278,000 in East Jerusalem and the Golan Heights (2012) 20.7% of Israeli population[۱][۲] | |
| چوْخلی اهالی اولان بؤلگه‌لر | |
 ایسرائیل |
توپلومون 83.8% نیسبتینده اولان بؤلومو سوننی مذهبینه داخیلدیر. مسیحی و دروز اینانجینا صاحیب عرب‌لر ایسه سوننی‌لردن سونرا ان بؤیوک دینی آزلیغی تشکیل ائدیرلر. ایسرائیل آمار کومیته‌سی طرفیندن 2010-جو ایلده وئریلن معلوماتا اساساً، ایسرائیلده 1.573.000 نفر عرب کؤکنلی وطنداش یاشاماقدادیر و بو شخص‌لر اؤلکه اهالیسی 20.4% اینی تشکیل ائتمکده ایدی.[۳] رأیی سوروشولان شخص‌لرین اکثریتی منشا باخیمیندان عرب و یا فیلیسطینلی، وطنداش باخیمیندان ایسه ایسرائیللی اولدوقلارینی بیلدیرمیشدیلر.[۴][۵][۶] توپلوم نوماینده‌لری بیر چوخونون غزه، سوریه،اوردون و لوبناندا یاشایان فیلیسطینلی موهاجیرلرله قوهوملوق علاقه‌لری مؤوجوددور.
1967-جی ایله قدر چوغرافی اراضیده یاشایان بیر چوخ عرب جولان تپه‌لری و شرقی قودس اراضی‌لرینده یاشاماقدا ایدی. آلتی گونلوک ساواش دؤنمینده ایسرائیلین بؤلگه‌ده اساس گوجه چئویریلمه‌سی بؤلگه عرب‌لری ایسرائیل تابعلیگینده یاشاماسی ایله نتیجه‌لنمیشدیر. ایسرائیل سرحدلری داخیلینده یاشایان عرب‌لره ایسرائیل وطنداشلیغی تکلیف ائتمیشدیر، آنجاق عرب‌لر ایسرائیل دؤولتی نظارتی آلتیندا یاشاماق ایسته‌مه‌دیکلری اوچون تکلیفدن ایمتیناع ائتمیشدیلر.[۷] تکلیفدن ایمتیناع ائدیلمه‌سی آردیندان ایسرائیل اراضی یئرلی ساکین‌لرینه دایمی اوتوروم ایجازه‌سی وئردی. عئینی زاماندا عرب‌لر دؤولت طرفیندن یهودی‌لر اوچون نظرده توتولموش بوتون ایمتیاز و حوقوق‌لاردان ایستیفاده ائده بیله‌جکدیلر.[۸].
گؤرونتولر
دَییشدیر
_-_Nebi_Shueib_Festival.jpg)
قایناقلار
دَییشدیر- ^ Israel in Figures 2010, Israeli Central Bureau of Statistics, 2010.
- ^ 65th Independence Day - More than 8 Million Residents in the State of Israel. Israel Central Bureau of Statistics (14 April 2013). یوْخلانیلیب6 December 2013.
- ^ "Latest population figures for Israel, 2010".
- ^ "Identity Crisis: Israel and its Arab Citizens". Middle East Report N°25. International Crisis Group. 4 March 2004.
- ^ Johnathan Marcus. "Israeli Arabs: 'Unequal citizens'". BBC News. 2 May 2005. İstifadə tarixi: 6 December 2007.
- ^ An IDI Guttman Study of 2008 shows that most Arab citiens of Israel identify as Arabs (45%). While 24% consider themselves Palestinian, 12% consider themselves Israelis, and 19% identify themselves according to religion. Poll: Most Israelis see themselves as Jewish first, Israeli second
- ^ "BBC News – Surge in East Jerusalem Palestinians losing residency". news.bbc.co.uk. 2 December 2009. İstifadə tarixi: 17 May 2011.
- ^ "United Nations".