ایمام کاظم
موسی بن جعفر (ایمام کاظم، باب‌الحوایج، عبدالصالح، امین، صابر و صالح) شیعهلرین یئددینجی ایمامیدیر کی ۱۲۸ اینجی هیجری ایلینین صفر آیینین یئددینجی گونونده ابوا منطقه‌سینده (مکه و مدینهنین آراسیندا) آنادان اولوبدور. اونون آتاسی ایمام صادق -شیعهلرین آلتینجی ایمامی- و آناسیدا حمیده موصفاتیمیش.
ایمامتدَییشدیر
ایمام صادقین شهادتیندن سونرا، ایمام کاظم اؤز ایمامتینی شیعه‌لره اعلان ائتدی و ۳۵ ایل بویوندا، اونلارین تربیتلرینی عؤهده‌دار اولدو. او نئچه‌لر دفعه عباسی خلیفه‌لرینین توسوطیله توتولوب، حبس اولوندو؛ اوراجان کی هارون‌الرشید اونو ۴ ایل حبسه محکوم ائتدی. ایمام کاظم سونوندا ۱۸۳ اونجو هیجری ایلینین رجب آیینین ۲۵ اینجی گونونده -۵۵ یاشیندا- هارون‌الرشیدین دستوریله شاهک زیندانیندا زهر ایله مسموم اولونوب، شهادته چاتدی. اونون مقبره‌سی عراقین کاظمین شهرینده‌دیر.
یاشاییشدَییشدیر
ایمام کاظم اؤز یاشاییشیندا مروان بن محمد، ابوالعباس سفاح، منصور دوانیقی، مهدی عباسی، هادی عباسی و هارون‌الرشید خلیفه‌لریله هم‌دووره‌یمیش. علی بن یقطین، ابوصلت بن صالح، اسماعیل بن مهران، حماد بن عیسی، عبدالرحمان بن حجاج، عبدالله بن جندب، عبدالله بن مغیره، عبدالله بن یحیی، مفضل بن عمر، هشام بن حکم، یونس بن عبدالرحمان و یونس بن یعقوب اونون ان اؤنملی اؤیرنجیلریدیرلر.
ائولادلاردَییشدیر
ایمام کاظمین ۳۷ ائولادی واریمیش کی اونلارین اون‌سککیزی اوغلان و اون‌دوققوزودا قیزیمیشلار. ایمام رضا، ابراهیم، عباس، قاسم، اسماعیل، جعفر، هارون، حسن، احمد، محمد، حمزه، عبدالله، اسحاق، عبیدالله، زید، حسین، فضل و سلیمان اونون اوغلانلاری و حضرت معصومه، فاطمه، رقیه، حکیمه، ام ابیها، صغری رقیه، کلثوم، ام جعفر، لبابه، زینب، خدیجه، علیه، آمنه، حسنه، بریهه، ام سلمه، میمونه و ام کلثوم اونون قیزلاریدیرلار.