دوققوز پیلله
دوققوز پیلله یوخسا دوققوز پیلله محلله‌سی (فارسجا: محله‌ی دوققوز پله) اورمیه شهرینده اولان قدیمی بیر محلله‌دیر. اورمیه محلله‌لری‌نین قدیم محلله‌لریندن بیری ساییلیر. [۱]
| دوققوز پیلله محلله‌سی | |
|---|---|
 | |
| آد | دوققوز پیلله محلله‌سی |
| اؤلکه |  ایران |
| اوستان | غربی آذربایجان |
| بؤلگه | اورمیه |
تانیٛتیٛمیٛ
دَییشدیر
دوْققوز پیلله محلله‌سی، کسری مئیدانی ایله مدرس کسیشمه‌سی‌نین آراسیندا یئرله‌شیبدیر. بورادا اولان بولاغا دوققوز پیلله دوشه‌رک چاتماق اولوردو و او اوزدن دوققوز پیلله آدی ایله تانینیبدیر. دوققوز ساییسی تورک‌لرده قوتسال سایی‌لاردان بیریدیر. دوققوز پیلله بیر یاندان دا، عسگرخان محلله‌سینینن یاخینلیغیندا و دره‌چایی آدلانان کیچیک چایین یانیندا یئرله‌شیر. دوققوز تورکجه «۹» ساییسی دئمکدیر. تورکجه‌ده ۹ رقمی ایسه آذربایجانین بیر چوخ قدیم اثرلرینده توش گدیگیمیز مقدس و علامتلی رقملردن بیریدیر. کئچمیشده، اورمیه اهالیسی بو دوققوز پیلله محلله‌سینین بوزخاناسیندان بوز ساخلاماق اوچون قوللانیردیلار.[۲]
تاریخی دوققوز پیلله بوزخاناسیٛ
دَییشدیر
دوْققوز پیلله بوُزخاناسی دوققوز پیلله محلله‌سینده یئرلشیب‌دیر.[۳] بوُ تیکینتی دره‌چایی‌نین یاخینلیغیندا دیر. دوققوز پیلله بوُزخاناسی داش و کرپیج‌دن تیکیلیب‌دیر. بوُ اثر، دیقّت‌لی تیکیلمه‌سی‌نه گؤره، ایندیه‌جه ساغ قالیب‌دیر.[۴] شهرین یئکه‌لمه‌سیندن قاباق، اورمیه اهالیسی دره‌چایی‌نین یانیندا، سوُیون بوُزخانایا تؤکولمه‌سی یئرده، آخیر چرشنبه‌نی توُتارمیش‌لار.[۳]
قایناقلار
دَییشدیر- ^ اورمیه محلله‌لری
- ^ دوققوز پیلله بوزخاناسی
- ^ ۳٫۰ ۳٫۱ یخچال دوققوز پیلله ارومیه، ارومیه, ویستا
- ^ یخچال دوققوز پیلله, سیرایران