علی فطرت

علی محمّد اوْغلۇ یا علی فطرت - ایرانلی، آذزبایجانلی تانێنمێش شاعرلریندن، آذربایجان شاعر و یازێچێ‌لار جمعیتی‌نین تشکیلاتچێ‌لارێندان بیری.

علی فطرت
اصل آدی	علی محمد اوغلو
دوْغوم تاریخی	1890 تبریز
اؤلوم تاریخی	1948
میلیت	تورک
اؤلوم سببی	زینداندا قتله یئتیریلمیشدیر
پئشه	شاعیر
کیتابلار	دیوان فطرت
تاثیر قویموش	{{{تاثیر قویموش}}}

یاشایشی

علی محمد اوغلو فطرت 1890-جی ایلین باهاریندا آذربایجاندا، تبریز شهرینده روحانی عاییله‌سینده آنادان اولموشدور. ایبتیدایی تحصیلینی موللاخانادا آلمیشدیر. لاکین آتاسی موللا محمد اونا کلاسیک ادبیاتی، علمی-بیلیک‌لری و عرب دیلینی موکمّل اؤیرتمیشدیر. 15 یاشیندا ایکن آتاسی وفات ائتدیگیندن تحصیلینی یاریمچیق قویوب مورتتیب ایشله‌میشدیر. بدیعی یارادیجیلیغا بو دؤوردن باشلامیشدیر. ستارخان حرکاتینا قوشولموش، فدایی کیمی الده سیلاح جبهه‌لرده دؤیوشموشدور.  "ستارخان مدالی"  ایله تلطیف اولونموشدور. ییرمی بئش یاشیندا مورتتیب‌لیگی ترک ائدیب، تبریز-جولفا دمیریولو ایداره‌سینده چالیشمیشدیر. گنجلیک دؤورونده فارسجا شعیرلر یازسا دا، سونرا ایمتیناع ائدیب، آنا دیلینده یازماغی اوستون توتموشدور. تبریز و تهران دؤورو مطبوعاتیندا ( "شاهین" ،  "تبریز" ،  "سهند" ،  "کانونی-شورا" ،  "خاور-نو" ، سونرا ایسه  "آذربایجان" ،  "شفق" ،  "وطن یولوندا"  مجموعه و قزئت‌لرده) شعیرلری ایشیق اوزو گؤرموشدور. ساتیریک شعیرلرینی گیزلی ایمضالارلا درج ائتدیرمیشدیر. ایلک شعیر کیتابچاسیندا ( "بایقوش و بولبول"  (1932)) تمثیل‌لری توپلانمیشدیر.  "شاعیرلر مجلیسی"نین، میلی حؤکومت یاراناندان ایسه " آذربایجان شاعیر و یازیچی‌لار جمعیتی"نین تشکیلاتچی‌لاریندان بیری اولموشدور. گنج ادبی قووّه‌لره مصلحت‌لر وئرمه‌سی، ییغینجاق‌لاردا، ادبی گئجه‌لرده چیخیش‌لاری اونا رغبت قازاندیرمیشدیر. یارادیجی‌لیغی نین بیرینجی دؤورونده (1906-1947)  " بوم و بولبول" ،  "دیوان فطرت"  (1937) کیتاب‌لاری نشر اولونموشدور. یارادیجی‌لیغی نین ایکینجی مرحله‌سینده دولغون یارادیجی‌لیق دؤورو کئچیرمیش، ایجتیماعی-سیاسی لیریکاسی و غزل‌لری ایله تانینمیشدیر. 

1941-1946-جی ایل‌لرده تبریزده نشر اولونان وطن یولوندا (قزئت) قزئتینده بیر چوخ شعیرلری درج اولونموشدور. 

 آذربایجان میلی حؤکومتی مغلوب ائدیلدیکدن سونرا ایران حاکیم دایره‌لری اونو زیندانا سالمیش، عذاب و ایشگنجه‌لر وئرمیش، 1948-جی ایلده زینداندا قتله یئتیرمیشدیر. 

اثرلری

• بایقوش و بولبول - ۱۹۳۲
• دیوان فطرت - ۱۹۳۷