یول (درگی)
یول ـ ایراندا آذربایجان تورکجه‌سینده یاییملانان درگی.
یول | ||
|---|---|---|
| ||
| سوروملو مودور | کیهان موسیسه‌سی | |
| باش یازار | ایواز طاها | |
| یاییلان ایللر | 1990 | |
| صحیفه‌لرین سایی | 68 | |
| دیل | آذربایجان تورکجه سی | |
| یاییلان یئر | تهران | |
| موضوع | ادبی | |
| رنگ | رنگلی | |
تانیتما
دَییشدیر’یول‘ اؤتن یوزایل‌لیگین دوخسان‌لاریندا تهراندا چیخان ادبی بدیعی درگی ایدی. ایواز طاهانین باش‌یازارلیغی ایله تام آذربایجان توٍرکجه‌سینده بوراخیلان بو درگی، گونئی آذربایجان مطبوعات تاریخینده حادیثه ساییلیردی. واختیله سولچولارین "کیهان" مؤسسه‌سینه باشچیلیق ائتدیگی زامان ایشیق اوٍزو گؤرموش یوْلدا یئنی‌لیک‌لر آز دئییلدی. یول گونئی آذربایجانین بیرینجی رنگلی درگیسی، یئپ‌یئنی مضمونلو، و میلّی حؤکومت زامانیندان بری چیخان ان یوکسک تیراژلی نشر اورگانی ایدی. هابئله یوْلون اؤزوٍندن اؤنمسیز اولمایان "کپنک" درگیسی، یولون علاوه‌سی کیمی اوشاقلار اوٍچون بوراخیلیردی. سون ساییلاردا نؤمره‌لرده صحیفه‌لری‌نین سایی 64ـده قده‌ر آرتیمش بو علاوه‌نین ایندییه قده‌ر بنزه‌ری چیخماییب. ا.طاها یول و کپینک درگی‌لرینه 25 ـجی نؤمره‌یه قده‌ر باشچیلیق ائتدی. همین سایی ایشیق اوٍزو گؤردوکدن سونرا رئداکسیادان اوزاقلاشدی. بو اوزاقلاشما حسین شریعتمداری نین کیهان موسسه‌سینی اله کئچیرمه‌سینه تصادوف ائدیردی.
یولون امکداشلاري بونلار ايدي: رحمتليک پروفسور حميد محمدزاده،امين صديقي(اوللر باش یازار معاونی و سونرالار باش یازار)، ايسماعيل هادي، علي اورمولو، آبدوللا بحرالعلومي، آتیلا مارالانلي، قهرمان نوراني، اکبر آزاد، ائلشن سيدزاده، ائليار کريمخانلي، نوشين موسوي. کؤرکملي عاليم دوکتور جاواد هئيت باشدا اولماقلا آذربايجانين تانينميش عاليم‌لري، يازارلاري و شاعيرلري‌نين اکثريتي اؤز اثرلري ايله يولدا چيخيش ائتميشلر. اينديکي تانينميش رسام‌لارين بير نئچه‌سي، او جومله‌دن حسين نوروزي يول درگيسي ايله شؤهرت قازانماغا باشلاميشلار. يولون لوقوسو بؤيوک آذربایجانلی رسام و هئيک‌لتراش اوستاد نجيبي‌نين ايشيدير.
برئندا شیفئر "یول" درگیسی باره‌ده یازیر: 90ـجی ایل‌لرده آذربایجان دیلینده «یول» آدلی بیر رسمی قزئتین بوراخیلیشینا اذن وئریلدی. یولون هر نؤمره‌سی آذربایجانجا ایصطیلا‌ح‌لارین فارس دیلینه ترجومه‌سی گئدن «سؤزلوک» صحیفه‌سینی احتیوا ائدیردی. اوخوجو دایره‌سینی گئنیشلندیرمک مقصدی گودن بئله بیر گیریشیم، بو گئرچلییی گؤستریردی کی، یولون یازیچی‌لاری سووئت آذربایجانیندا چیخان کیتاب‌لار و مقاله لری اوخوموشلار، و آکادمیک دایره‌لرده قوللانیلان ترمین‌لرله تانیشدیرلار. اوسته‌لیک، قزئتده آدربایجان اوستا‌‌‌‌ن‌لار‌‌ینین تاریخی ایله باغلی مقاله‌لر گئدیردی. آذربایجان دیلینی اوخوماغا یئنییئتمه نسلی روحلاندیرماق اۆچون، یولا هردن اوشاقلار اؤزه‌ل ساییسی دا علاوه ائدیلیردی، بو اؤزه‌ل ساییلاردا، اویونلار و ناغیل‌لارا یئر وئریلیردی. بعضی رسمی گؤروش‌لرله یاناشی، قزئتده بیر چوخ آذربایجانا عاید میللتچی یؤنوملو عالیمانه معلوماتلارا دا گئدیردی...».[۱]
یول ایران آذربایجانیندا ان پاپولیار قزئت ایدی. بو پاپولیارلیق رسمی دایرلرده قورخو تؤرتدیکده، قزئت باغلاندی.
قایناق
دَییشدیر- ^ براندا شیفر، مرزها و برادری: ایران و چالش هویت آذربایجانی، ترجمه یاشار صدقیانی آذر، تهران: اولوس تهران بیلیوردو اؤیرنجی نشرییه‌سی، ۲۰۰۶، ص؟.