۱۵ فوریه

۱۵ فوریه میلادی تقویم‌ده ایلین ۴۶-جی گونودور ; بو گوندن ایلین سونونا ۳۱۹ گون قالیر (۳۲۰ گون اۇزون ایللرده).

رویدادلار

• ۱۹۴۲ - ایکینجی دونیا ساواشی زامانی ژنرال تومویوکی یاماشیتا-نین باشچیلیق ائتدیگی ژاپون قۆوه‌لری سنقاپورو ایشغال ائتدی.
• ۱۹۶۵ - کانادانین حاضیرکی بایراغی آچیلدی. هر ایل فوریه‌نین ۱۵-ی بۇ اؤلکه‌ده دؤولت بایراغی گۆنو کیمی قئید اوْلونور.
• ۱۹۸۹ - شوروی اوْردوسونون افغانیستانداکی اوْن ایللیک مۆحاریبه‌سی بۆتون شوروی قوشونلارینین چیخاریلماسینین رسمی اعلانی ایله رسمی اوْلاراق باشا چاتدی.
• ۲۰۰۳ - تاریخین اَن بؤیوک مۆحاریبه علیه‌ینه نۆماییشلریندن بیرینده دۆنیانین ۸۰۰-دن چوْخ شهرینده میلیونلارلا اینسان عراقین ایشغالینا قارشی یۆروش کئچیریلدی.

دؤغوم‌لار

• ۱۶۳۸ - زیب‌النسا، هیندیستان شاعیری؛ فارس ادبییاتیندا هیند اۆسلوبلو شاعیرلردن بیری.
• ۱۵۶۴ - قالیلئو قالیله (عکس‌ده)، ایتالیالی عالیمی و ایختیراچی.
• ۱۸۶۱ - شارل ادوارد قیوم، سوئیسلی فیزیکچی؛ ۱۹۲۰-جی ایلده فیزیک نوبل جایزه‌سینی قازانان.
• ۱۸۸۵ - ارمنیستانلی روبن سواک شاعیر.
• ۱۹۵۴ - آمریکالی مت قرینیق، فیلم یاپیمجی‌سی، کارتونیست و سناریست؛ سیمپسونلار و فیوچراما-نین یارادیچی‌سی.

اؤلوم‌لر

• ۱۷۸۱ - آلمانلی قوتهولد افرایم لسینق، یازیچی، فیلسوف، ناشیر و ادبیات‌شناس.
• ۱۹۵۹ - اون ویلانز ریچاردسون، اینگیلیسلی فیزیکچی؛ ۱۹۲۸-جی ایلده فیزیک نوبل جایزه‌سینی قازانان.
• ۱۹۶۵ - نت کینق کول، آمریکالی موسیقیچی، جاز پیانیستی و باریتون اوخوجوسو.
• ۱۹۸۸ - ریچارد فاینمن، آمریکالی فیزیکچی.