برکهخان
برکه خان (موغولجا:Bérx xan تورکجه: Bärkä, Berik, Bereke, Berkeý) – قیزیل اوْردانین 4.جو خانی، جۇچی خانین اوغلو.
| برکه خان | |
|---|---|
| Бэрх хаан | |
| کامیل آد | برکه خان جۇچی خان اوْغلو بوْرۇجیگین |
| دوغوم گونو | 1209 |
| دوغوم یئری | بوْرخان خالدۇن- موْغوْلستان |
| اؤلوم | 1266 |
| اؤلوم یئری | کۆر چایی ساحیلی |
| سولاله | بوْرۇجیگین |
| آتاسی | جۇچی خان |
| اوشاقلار | باتۇ خان، شئیبان |
| دین | ایسلام |
ایلکین حیاتی دَییشدیر
برکه خان جۇچی خانین اؤولادلاریندان بیری ایدی. 1. موغول قورولتاییندا، 1236-جی ایلده باتی خانین غربه سفرینده ایشتیراک ائتمیشدی. بوخارادا اولان واخت، خوارزملی شیخ سیفالدین درویشدن ایسلامی اؤیرنهرک موسلمان اولموشدو. 1248-جی ایلده 2.موغول قورولتایینین حاضیرلانماسینا کؤمک ائتمیشدی.
حاکیمیتی دَییشدیر
اۇلاقچی خانین تاختان ال چکمهسیندن سونرا یئرینه عمیسی برکه خان کئچدی (1257). 1259-جو ایلده بوْروْلدایین لهستان و لیتوانییا یوروشونو امر ائدهرک، بیر چوخ شهری اله کئچیرمیشدی.
هۆلاکۆ ایله ساواش دَییشدیر
هۆلاکۆ خانین خلیفه معتصم بالله-ی اعدام ائتمهسی برکهنی غضبلندیرمیشدی. 1262-جی ایلده اونونلا ساواشا باشلادی. بایبارسلا موتّفیق اولان برکه خان نوْقای خانین باشچیلیغی ایله هۆلاکۆنو تِرِک چایی ساحیلینده مغلوب ائتدی. بو سیرادا چینگیز خانین دیگر اوغوللاری بیر-بیرییله آنلاشمازلیغا دوشموش، بؤیوک خاقانلیق تاختی اۆچون اؤز آرالاریندا ساواشماغا باشلامیشدیلار. برکه خان بو دورومو یاخشی دَیرلندیردی. بؤیوک خاقانلیق ساواشیندا اؤنجه آریق بۇغانین طرفینی توتدو و اونون آدینا پول کسدیردی. 1264-جو ایلده قوبیلای اونو و هۆلاکۆنو آریق بۇغا مسلهسی حاقدا دانیشیق اۆچون چاغیرمیشدی. لاکین هئچ بیری قورولتایا گئتمهدی.
سونراکی حیاتی دَییشدیر
برکه خان، بیزانسلا دا مشغول اولماغا باشلادی. 1265-جی ایلده قارداشی اوغلو نوْقای خانین باشچیلیغیندا 20 مین نفرلیک بیر اوردونو دونایین شیمالینا گؤندردی. بیزانس اوردوسونا غالیب گلدی و تامامییله داغیتدی. بو سفری ایله ایستانبولدا اسیر اولان 2. کیکاووس-و دا گؤتورهرک قیریما آپاردی.
اؤلومو دَییشدیر
برکه خان 1266جي ايلده کۆر چايي ساحيلينده خسته لنهرک وفات ائتدي. يئرينه مئنگۆ تیمۆر کئچدي.