غلامرضا صبری تبریزی

غلامرضا حاجی محمدعلی اوغلو صبری تبریزی (21 مارس 1934، تبریز – 8 مه 2020، باکی) — آذربایجان شاعیری، فیلوسوفو، ادبیاتشوناسی و ترجومه‌چیسی، فلسفه علم‌لری دوکتورو (1969)، پروفسور (1994)، آذربایجان یازیچی‌لار بیرلیگی نین فخری عوضوو.

غلامرضا صبری تبریزی
چالیشما ساحه‌سی	ادبیاتشوناس‌لیق، فلسفه
دوْغوم تاریخی	21 مارس1934 تبریز آذربایجان ایران
اؤلوم تاریخی	8 مه 2020 (86 یاشیندا) باکی آذربایجان جومهوریتی
مرازلیق	مهدی آباد
تاثیر قویموش	{{{تاثیر قویموش}}}
جایزه‌لر آذربایجان دؤولت دیل‌لر اینستیتوتونون فخری پروفسورو، قیبریس، بالکان‌لار و اوراسیا تورک ادبیات قورومونون تورک دیل‌لرینه خیدمت اؤدولو

یاشاییشی

  غلامرضا صبری تبریزی 1934-جو ایل مارسین 21-ده تبریز شهری‌نین شکیلی محلّه‌سینده آنادان اولموشدور. بورادا 1940-1944-جو ایل‌لرده ایبتیدایی دینی مکتبی، سونرا 1944-1953-جو ایل‌لرده محمدیه، نظامی و فردوسی مدرسه‌لرینی بیتیرمیشدیر. او، 1953-1958-جی ایل‌لرده تبریز بیلیم‌یوردونون فارس، اینگیلیس دیلی و پداقوژی فاکولته‌سینده تحصیلینی داوام ائتدیرمیشدیر. غلامرضا صبری تبریزی طلبه‌‌لیک ایل‌لرینده اورتا مکتب‌لرده موعلّیم کیمی فعالیت گؤسترمکله یاناشی، 1956-1958-جی ایل‌لرده آمریکانین ایرانداکی حربی ایداره‌سینده ترجومه‌چی اولاراق چالیشمیشدیر. 1958-جی ایلده ایستانبول شهرینده بایازید بیلیم‌یوردونون اینگیلیس دیلی و ادبیاتی فاکولته‌سینده ماگیستر تحصیلی آلمیشدیر. 1959-1963-جو ایل‌لرده ایسه لندن بیلیم‌یوردونون کینقس کالجینده ماگیستر تحصیلی آلمیشدیر.

چالیشما‌لاری

  غلامرضا صبری تبریزی 1960-1963-جو ایل‌لرده لندن بی‌بی‌سی‌ رادیوسوندا شرق و اورتا آسیا اوزره ادبی و سیاسی ایجمالچی، هم ده  " نظر ساعاتی " نین آپاریجیسی کیمی فعالیت گؤسترمیشدیر. تبریزی 1963-1969-جی ایل‌لرده ادینبورق بیلیم‌یوردونون اینگیلیس دیلی و ادبیاتی دپارتامنتینه دوکتورانتورایا داخیل اولموش،  " ویلیام بلئیکین دیالکتیک فیکیرلری "  مؤوضوسوندا دوکتورلوق تزینی مودافیعه  ائده‌رک فلسفه علم‌لری دوکتورو علمی درجه‌سی آلمیشدیر. بو مودتده ادینبورق بیلیم‌یوردونون شرقشوناس‌لیق اینستیتوتوندا، ائله‌جه ده دونیانین بیر سیرا عالی مکتب‌لرینده معروضه‌لرله چیخیش ائتمیشدیر. او، ایران ایسلام اینقیلابی دؤورونده تبریزده علمی-پداقوژی و سیاسی فعالیتینی داوام ائتدیرمیشدیر.  

  غلامرضا صبری تبریزی بورادا دین خادیم‌لری نین تعقیبینه معروض قالدیغی اوچون بؤیوک بریتانیایا قاییتمیش و 1978-1995-جی ایل‌لرده تلویزیون شیرکت‌لرینده ایجمالچی اولموشدور. تبریزی 1989-1990-جی ایل‌لرده محمدعلی محمودلا بیرلیکده تورک و فارس دیل‌لرینده  " اودلار اؤلکه‌سی "  آدلی آیلیق قزئت نشر ائتدیرمیشدیر. او، همچنین 1995-جی ایلده ادینبورق بیلیم‌یوردوندا آکادمیک مصلحتچی اولموشدور. 1997-2003-جو ایل‌لرده آذربایجانین عالی مکتب‌لرینده اون دوققوز-ییرمینجی عصرلر اینگیلیس ادبیاتی، شکسپیر و بلئیکین یارادیجی‌لیغی مؤوضوسوندا موحاظیره لر اوخوموشدور. 

  غلامرضا صبری تبریزی بدیعی یارادیجی‌لیغا طلبه‌لیک دؤوروندن باشلامیشدیر. اونون علمی-کوتلوی مقاله‌لری، شعرلری، موصاحیبه‌لری اینگیلیس، تورک، رومان دیل‌لرینده چاپ اولونموشدور. لندن و نیویورکدا  " ویلیام بلئیک جنّتی و جهنمی "  (1973) آدلی مونوقرافیاسی، بورادا و نیویورکدا 1989-جو ایلده  " ایران: بیر اوشاغین خاطیره سی، بؤیویون خاطیره سی " کیتابی اینگیلیس دیلینده چاپ اولونموشدور. تبریزی 2001-جی ایلده دونیا آذربایجانلی‌لاری کونقره‌سی نین سوئد‌ین مالمو شهرینده کئچیریلن 5. قورولتایی‌نین ایشتیراکچیسی‌دیر. همین ایل دونیا آذربایجانلی‌لاری نین باکیدا کئچیریلن قورولتاییندا معروضه ایله چیخیش ائتمیش، دونیا آذربایجانلی‌لاری علاقه لندیرمه شوراسی نین صدر موعاوینی سئچیلمیشدیر.

  موکافات‌لاری

  1997-جی ایلده آذربایجان دؤولت دیل‌لر اینستیتوتونون فخری پروفسورو سئچیلمیشدیر. 

  2003-جو ایلده قیبریس، بالکان‌لار و اوراسیا تورک ادبیات قورومونون تورک دیلینه خیدمت اؤدولونه لاییق گؤرولموشدور.

  اثرلری

•  " وطن حسرتی " . باکی: BDU نشری، 1993، 39 ص. 
•  " منیم ایکی دونیام " . باکی: صدا، 1997، 110 ص. 
•   " فیکیر دالغالاری " . باکی: شیروان‌نشر، 1997، 109 ص. 
•  " حیات فلسفه‌سی " . باکی: شیروان‌نشر، 1997،108 ص. 
•  " باخیش‌لار، دوشونجه لر، آرزولار " . باکی: شیروان‌نشر، 212 ص. 
•  " سؤنمز اوجاق " . باکی: شیروان نشر، 2001، 172 ص. 
•  " سئچمه شعرلر " . باکی: شیروان‌نشر، 2002، 252 ص. 
•  " اومید چیراغی " . باکی: شیروان‌نشر، 2002،160 ص. 
•  " غوربت هارایی " . باکی: آذرنشر، 2003، 220 ص. 
•  " خودافرین "  ب.،  " توران ائوی " ، 2005، 380 ص. 
•  " آذربایجانین گونئیی: تاریخین جانلی منظره لری " ، ب.، توران ائوی، 2006، 144 ص. 
•  " زامانین نبضی " ، ب.، توران ائوی، 2006، 336 ص. 
•  " مودریک‌لیک فلسفه‌سی " ، ب.، توران ائوی، 2006، 272 ص. 
•  " کؤرپو " ، ایستانبول، آوروپا یاقاسی یایین‌لاری، 2008، 168 ص. 
•  " خاطیره ماهنی‌لار "  (توفیق باکیخانوولا)، ب.، موترجیم، 2008، 24 ص. 
•  " سس‌سیز هارای " ، ب، توران ائوی، 2009. 204 ص. 
•  " ساحیل‌سیز دنیز " ، ب.، آذرنشر، 2009، 228 ص. 
•  " پوزولموش دونیا " ، ب.، آذرنشر، 2010، 218 ص.