ویکی‌پدیا:شخصی حمله ائتمه‌یین

ویکی‌پدیانین هئچ بیر یئرینده شخصی حمله ائتمه‌یین. موحتوایا گؤره نظر وئرین ایشلدنلره گؤره یوْخ. شخصی حمله‌لر ویکی‌پدیا جامیعه‌سینه ضرر وۇرور ، یاخشی بیر بیلیکلیک یارادیلماسی اۆچون بیرگه چالیشما جَوی ضروریدیر. آیری ایشلدنلر باره‌سینده تحقیر ائدیجی نظرلر هر ایشلدن طرفیندن سیلینه بیلر. تکرارلانان یا آغیر شخصی حمله‌لر بلوکلاما یا منع اوْلماق کیمی جزالارا یوْل آچابیلر.

ائتمه‌یین

آیری ویکی‌پدیا ایشلدنلرینه شخصی حمله ائتمه‌سی اوچون بیر منطیقی دلیل یوخدور! اونا گؤره شخصی حمله ائتمه‌یین!

منطیقی اولون

فرقلی دییشدیرنلر بیر مقاله‌نین یازیلارینا گؤره فرقلی باخیشلاری اولا بیلر. یاددا ساخلایین، هر گروه اؤز باخیشینی مقاله‌ده گیردیرمک ایسته‌ییر. بوتون باخیشلاری یئرلشدیرن بیر مقاله، داها طرفسیزلیگی قوْرویور. بیز هامیمیز ویکی‌پدیا ایجتماعی‌نین عوضوو اولدوغوموزو یاددان چیخارتمایین.

میثاللار

• تهمتلی سؤز آتمالار: «فیلانی گیجدیر» یوخسا «فیلانی سفه ایشلدندیر» .
• منفی سؤز آتمالار : «من سندن چوخ باشاریرام» یوخسا «ایشین گوجون یوخدور» .
• نیژاد، دیل، جینسیت یوخسا مذهبله باغلی ایفتیرا و انگلر

یئرینه بونلاری ائدین

• خصلرینه صیفتلرینه گوره یوخ واقعیتلر و اونلاری نئجه بیلیندیرمگه گوره دانیشین.
• بیر باخیشی تکجه اونو دئیینه گوره گئچرسیز آدلاندیرمایین.
• بیر دانیشیغین چوخ شخصی اولماسیندان قورخورسونوز، قضیه‌نین قالانینی ایمئیلله یوخسا خصوصی بیر موحیطده ایدامه وئرین.
• ویکی‌پدیا:ایختیلاف حلی صفحه‌سینی اوخویون.

حمله قاباغیندا نه ائدک؟

• بیریسی سیزه شخصی حمله ائدیرسه، ال دایاندیریب ب صفحه‌نی اوخوماسینی ایسته‌یین. ال چکمزسه، ایختلاف حلی یوللاریندان فایدالانین. چوخ شیدتلی موردلرده واندالیزم میصداقی اولدوغو اوچون حمله ائدنین ایلدن حسابینی باغلاماق اولار. شخصی حمله‌لر ویکی‌پدیا:ایداره‌چیلر بیلدیری تابلوسو صفحه‌سینده بیلیندیریلمه‌لیدریرلر.

شخصی حمله نتیجه‌سی

دییشدیرنلر ادبلی جوابلاما و موداوم اولمایان شخصی حمله‌لری یوخ سایماغا تاپشیریلیرلار، آنجاق بئله حمله‌لر قبول ائدیلمزلر. بو حمله‌لر یاخشی نیت فرضی قاباغینی آلیر و ایخلال یارادان دییشدیرمه عونوانیندا نظرده آلینا بیلر. آیریلارلا چیرپیشما یولونو سئچن ایشلدنلر ایختلاف حلی مراحلیندن نتیجه‌یه چاتمازلارسا، ایداره‌چیلر بیلدیری تابلوسوندا جدی نتیجه‌لری اولاجاقدیر.

شیدتلی موردلرده تک و موداویم اولمایان شخصی حمله‌لرده باغلانمایا باعیث اولا بیلرلر. قانونی تهدیدلر، اولدورمک تهدیدی و اوخشار موردلر ایخطارسیز باغلانمایا چاتا بیلرلر.جزیی شخصی حمله‌لر اوچون ایخطار، دانیشیق صفحه‌سی ایصلاح و سیلمه ایستگی کیفایت ائدر. جزیی حمله‌لر ایدامه تاپسا، پیلله‌لی باغلانمایا باعیث اولاجاقدیر. جزیی و ایخلال یاراتمایان حمله‌لرده ایداره‌چیلرین باغلامادان فایدالانماماقلاری تاپشیریلیر.