ویکی‌پدیا:منفعتلر توققوشماسی
 | بۇ صفحه ویکی‌پدیا اۆچون بیر تاپشیرمادیر. تاپشیریقلار٬ رعایت اوْلونماسی لازیم اوْلان بیر ایستاندارد اوْلاراق ویکی‌پدیاچیلار طرفیندن قبول اوْلونماقدادیر. آنجاق دییشدیریلمه‌سی مۆمکوندور و ساغلام دۆشونجه ایله اله آلینماسی گرکدیر. صفحه‌ده دییشیک‌لیک ائتمه‌دن قاباق٬ بۇ دییشیک‌لیک‌لرین ویکی‌پدیاچیلاردان تأیید آلدیغینا امین اوْلون. اۇیغون گؤرمه‌دیگینیز بیر مادّه وارسا٬ دانیشیق صفحه‌سینده سببلری ایله آچیقجا یازین. |
 | بۇ صفحه بیر باخیش‌دا: ویکی‌پدیانین طرفسیزلیگی قوْرونماسی اۆچون بیر مقاله یوْخسا موضوع ایله شخصی ایرتیباط یوْخسا منفعتینیز اوْلورسا، اوْنو دَییشدیرمکدن چکینین. |
ویکی‌پدیانین اصلی هدفی بیر طرفسیز بیلیکلیک یاراتماقدیر. منفعتلر توققوشماسی، ویکی‌پدیانین اصلی هدفی ایله بیر یوْخسا نئچه دَییشدیرنین هدف و منظور ایله تضاد یاراناندا اۆز وئریر. بۇ موخالیف هدفلر، شخصی، جمعی و تشکیلاتی تبلیغ، ایشتیباه ایطلاعات وئرمک یوْخسا آیریلاریندان یئرسیز اینتیقاد ائتمک اوْلا بیلر.
ویکی‌پدیا عرفوندا منفعتلر توققوشماسی باش وئرنده، دییشدیرمه ائتمگه ایصرار ائتمک پیس بیر ایش ساییلیب، ایشلدنین باغلانماسینا سبب اوْلا بیلر.
ویکی‌پدیا هامی‌نین دییشدیرمه‌سی اۆچون آیچق بیر بیلیکلیکدیر، آنجاق بۇ موردلرده دییشدیرمه ائتمک منفعتلر توققوشماسینا باعث اولا بیلر:
- سیزه، سیزین یوْخسا رقیبینیزین تشکیلاتینا مربوط اوْلان مقاله‌لری دییشدیرمک.
- سیزه، سیزین یوْخسا رقیبینیزین تشکیلاتینا مربوط اوْلان مقاله‌لر سیلمه اۆچون کاندید اوْلدوغو زامان سس وئرمک
- آیری مقاله‌لرده سیزه مربوط اولان مقاله‌یه یئرسیز باغلانتی وئرمک یوْخسا ائشیک باغلانتیلاریندا اؤز شخصی یوْخسا تشکیلاتی سایتینیزین لینکینی یئرلشدیرمک
دیریلرین بیوقرافی‌سی سیاستینه گۇره مقاله موضوعو اوْلان شخصلر مقاله ایشتیباهلارینی دۆزلدیب، سهو یوْخسا قایناقسیز یازیلاری سیله بیلرلر. بۇ خاص موردده سیزه مربوط اوْلان مقاله‌نی دییشدیره بیلرسینیز.
منفعتلر توققوشماسی نه‌دیر؟
دَییشدیر
ویکی‌پدیا بیر طرفسیز دایره‌المعارفدیر و اوْندا تبلیغاتی یوْخسا شخصی نظرلر اوْلمامالیدیر. بیر دییشدیرن ویکی‌پدیا هدفلر ایله طرفسیزلیگی یئرینه اؤز شخصی یوْخسا تشکیلاتی منفعتلرینی یوْخاری تۇتورسا، منفعتلر توققوشماسی ایله اۆز-اۆزه اوْلوبدور.
منفعتلر توققوشماسی‌نین قایناقلاری
دَییشدیرمالی
دَییشدیراگر سیز:
- بیر تشکیلات نوماینده‌سی عونوانیندا ویکی‌پدیادا چالیشیب، دییشدیرمه‌لرینیز اۆچون او تشکیلاتدان موستقیم یوْخسا غئیرموستقیم پول یوْخسا مزایا آلیرسینیز
- بیر شیرکت یوْخسا تشکیلات یییه یوْخسا شریک عونوانیندا ویکی‌پدیادا چالیشیب، اوْ تشکیلاتا باغلی اوْلان مقاله‌لری دییشدیرمک‌له داها آرتیق منفعت‌له پول دالیسیجاسینیز
ویکی‌پدیادا منفعتلر توققوشماسی یارادان مقاله‌لرده دییشدیرمه‌دن وازگئچمه‌نیزی تاپشیریریق. ویکی‌پدیانین طرفسیزلیک سیاستی مقاله‌لرین طرفسیز و اینصافلی یازیلماسینی بیلیندیریر و منفعتلر توققوشماسی بۇ هدفه ضربه وۇرور. یازیلارینیز طرفلی و مالی هدفلرله اوْلورسا، اوْنلاری ویکی‌پدیایا گؤندرمه‌یین.
حقوقی
دَییشدیرطرفسیزلیگی قوْروماق اۆچون سیز، قوهوملارینیز یوْخسا باغلی اوْلدوغوز تشکیلات طرف اوْلدوغو حقوقی دعوالارا باغلی مقاله‌لری دییشدیرمکدن چکینین.
اؤزونو تعریف ائتمک
دَییشدیرمنفعتلر توققوشماسی اؤزونو تعریف ائتمک شیکلینده و تبلیغی لینکلر، شخصی وبسایتلار ویوخسا شخصی عکسلرله اۆز وئره بیلر.
بیوقرافی
دَییشدیربیر آدلیم شخص اوْلورساز دا، اؤزونوز اۆچون مقاله یاراتمایین، آرخایین اوْلون آیری بیر ایشلدن سیزین مقاله‌نیزی یاراداجاق. آنجاق یاددان چیخمیش اوْلورساز، دانیشیق صفحه‌لرینده آیری ایشلدنلرله بو موردده دانیشیب، اؤز مقاله‌نیزی یاراتماق اۆچون اوْنلاری چاغیرین.
باغلیلیق
دَییشدیربیر شخص، موضوع، تشکیلات و ... -یه سیاسی، مذهبی، شخصی، حقوقی یوخسا مالی باغلیلیغیز اوْلورسا، اۇ موردده طرفسیز قالماغیزی چتینلشدیریب، احتمالا منفعتلر توققوشماسی قاباغا گلمه‌سی اۆچون اوْنا باغلی مقاله‌لرده اوْلدوقجا دییشدیرمه‌دن وازگئچمه‌نیزی تاپشیریریق.
حزبی تبلیغات
دَییشدیرحزب چالیشقانلاری طرفیندن هدفلر ایشاعه‌سی آدلاندیریلمیش ایشلر، غئیر حزبی شخصلرین طرفیندن پروپاگاندا یوْخسا تبلیغات ساییلا بیلر. عوضو اوْلدوغوز تشکیلاتا گؤره مطلب یازساز، منفعتلر توققوشماسینا باعیث اوْلا بیلرسینیز.
اؤزیازما قایناقلار
دَییشدیراؤز یازدیغیز یوْخسا چاپ ائتدیگیز قایناقلاری تکجه ویکی‌پدیا هدفلرینه اۇیدوغو زمان مقاله‌لرده ایشلدین. اؤزیازما قایناقلاردان جوخ فایدالانماق، اؤزونو تعریف ائتمک شوبهه‌سی یاراتدیغی اۆچون، بئله موردلرده دانیشیق صفحه‌سینده آیری ایشلدنلرین باخیشینی یوْخلایین.
ایشلدن صفحه‌لرینی قیسا بیوقرافی یازماق اۆچون فایدالانماق
دَییشدیرآد یازدیریلمیش ایشلدنلر، اؤز ایشلدن صفحه‌لرینی ویکی‌پدیا محدوده‌سینده اوْلان قیسا بیوقرافیلرینی پایلاشماق اۆچون فایدالانا بیلرلر. آنجاق اؤزونوز یوْخسا باخیشلارینیز اۆچون یازی پایلاشیب، یایماق ایسترسینیز، اؤزونوزه بیر وبلاق یوْخسا وب‌سایت یارادین، چونکو ویکی‌پدیا سیزین شخصی سرورینیز دئییل.
منفعتلر توققوشماسی قاباغیندا نه ائدک؟
دَییشدیراصلی سیاستلر
دَییشدیربۆتون ویکی‌پدیا آنا آدفضاسیندا یازیلان یازیلار، ویکی‌پدیا نه دئییل؟، اورجینال آراشدیرمالارا یئر وئرمه‌مک، یوْخلانیلابیلرلیک و طرفسیزلیک اساسیندا اوْلمالیدیر. بۆتون دییشدیرنلردن دییشدیرمه‌لرینده بۇ اصلی سیاستلری رعایت ائتمک گؤزله‌‌نیر.
آدلیملیق
دَییشدیرچوخلو منفعتلر توققوشماسی موردلرینده نقشی اوْلان، آدلیملیق معیاریدیر. اوْنا گؤره آدلیملیغی دا نظرده آلمالیییق.
بیر موضوعون ویکی‌پدیادا مقاله‌سی اوْلماق اۆچون، آدلیم اوْلمالیدیر. آدلیم اوْلمایان مقاله‌لر سیلینه‌جک. آدلیملارین مقاله‌لرینه آرتیریلان یازیلار دا آراشدیریلیب، قایناقلی اوْلمادان آرتیق آدلیم و بیلیکلیک دیرلی اوْلمالیدیر. مثلا قایناقلا لئوناردو دی‌کاپریونون سئودیگی یئمگی ایثبات ائده بیلسک ده، بیلیکلیک دیری اوْلمادیغی اۆچون ویکی‌پدیادا یازا بیلمریک.
نزاکت
دَییشدیرهردن سیلمه آداخلی‌سی مقاله‌لرین دانیشیغیندا، دییشدیرنلرین منفعتلر توققوشماسی مقاله‌نین موضوعونون اهمیتی یوخسا آیری بیر ایشلدنین شخصی خصوصیتلرینه گؤره سؤز آچیلماسینا باعیث اوْلا بیلیر، آنجاق بۇنلارین چوخو شخصی حمله میصداقی اوْلوب، مقاله یازانی ویکی‌پدیادان قوْوا بیلر. لوطفا تکجه مقاله‌یه گؤره دانیشیب، دانیشیق صفحه‌لری و دییشدیرمه قیسالاریندان آیری ایشلدنلره گؤره دانیشماغا فایدالانمایین. آیریلارین باخیشلارین دا یاخشی نیت فرضی ایله اوْخویون.
منفعتلر توققوشماسی دانیشیقلاردا
دَییشدیرهردن بیر مقاله‌نین طرفسیزلیگی موردینده دانیشیقلاردا یوْخسا بیر سیلمه آداخلی‌سی اوْلان مقاله‌نین سیلینمه سس‌وئرمه‌سینده شخصلرین منفعتلر توققوشماسی، اوْنلارین اختلاف نظرلرینه باعیث اوْلا بیلر. آنجاق یاخشی نیت فرضینی نظرده آلیب، آیریلارینا دانیشیقلاردا منفعتلر توققوشماسی تهمتی وۇرمادان چکینین.
هر زمان یاددا ساخلایین: تکجه مقاله‌یه گؤره دانیشیب نظر وئرین، مقاله‌نی دییشدیرنه گؤره یوْخ.
ویکی‌پدیا ایشلدنلرین تانیلماز قالیب، تاخما آدلا چالیشمالارینا چوخ اهمیت وئریر. منفعتلر توققوشماسی اۆز وئرنده، ایشلدنلرین کیملیگی یئرینه اوْنلارین ائتدیکلرینه گؤره دانیشین.
منفعتلر توققوشماسی اوْلان دَییشدیرنلر
دَییشدیربۇ قیسمت، بیر خاص موضوعدا منفعتلر توققوشماسی اوْلان ایشلدنلره گؤره‌دیر.طرفلی ایطلاعاتی ویکی‌پدیادا یازماق قاداغاندیر.
باخیشلاری بیلیندیرمک
دَییشدیربعضی ایشلدنلر بیر موضوعا اوْلدوقلاری باغلیلیق یوْخسا علاقه‌نی بیلیندیریلر. چوخلاری بۇ ایشی اؤز ایشلدن صفحه‌لرینده گؤرورلر. بۇ ایشین بۇ یاخشیلیقلاری واردیر:
- اؤز شخصی علاقه‌لرینیزی بیلیندیرمک‌له، آیریلارین سیزین طرفسیزلیگیزه گؤره اعتراضیلاری‌نین قاباغینی آلیر.
- ویکی‌پدیا دییشدیرنلری سیزین دوزلوگونوزو گؤرورلر.
آنجاق بۇ ایشین بۇ عیبلری ده واردیر:
- بیر کیمسه بۇ اعترافلارینیزی اؤز قاباغینیزدا ایشلده بیلر.
- اۇ خاص موضوعدا دییشدیرمه‌لرینیز داها چوخ گؤز قاباغیندا اوْلوب، آرتیق توجه‌لره سبب اوْلا بیلر.
- بیر موضوعا علاقه‌نیزی بیلیندیرمک، سیزه هئچ بیر حق باغیشلاماییر، آیریلار سیزه تذکور وئریب، یوخسا اوْ موضوعدا دییشدیرمه‌دن چکینمه‌نیزی ایسته‌یه بیلرلر.
مقاله دییشدیرمه‌سینه گؤره دانیشیق
دَییشدیرمقالهلرده بیر دییشدیرمه‌نی پیشنهاد ائتمک اۆچون، اوْ مقاله‌نین دانیشیق صفحه‌سیندن فایدالانین.
بۇ تاپشیریقین ضیمانتلری
دَییشدیراؤزونوز، تشکیلاتینیز، یوْخسا شیرکتینیزه گؤره بیر مقاله یاراتساز، اوْنون یازیلاری اۆستونده کونترولونوز اوْلماییب، اوْنو غئیرعادی یوْللاردان سیله بیلمزسینیز. ویکی‌پدیادا سیاستلره گؤره هر کیمسه چالیشیب، موناسیب مطلبلری مقاله‌یه آرتیرا بیلر. اؤزونوز یوْخسا تشکیلاتینیزی ویکی‌پدیادا تبلیغ ائتمکدن چکینین!. طرفسیز چالیشین، یوْخسا کؤکوندن چالیشمایین!. طرفسیزلیک سیاستی موطلق و دانیشیقسیزدیر.
| عومومی باخیش | |
|---|---|
| عومومی اصل‌لر | |
| مؤحتوا سیاستلری | |
| آیری مؤحتوا سیاستلری | |
| مؤحتوا تاپشیریقلاری | |
| داورانیش سیاستلری | |
| داورانیش تاپشیریقلاری | |
| دییشدیرمه تاپشیریقلاری | |
| ویکی‌مدیا تشکیلاتی | |
