ویکی‌پدیا:سیاستلرله تاپشیریقلار

(ویکی‌پدیا:سیاستلرله یؤنرگه‌لر-دن يوْل‌لاندیریلمیش)

ویکی‌پدیا سیاست‌لر ایله تاپشیریقلاری ویکی‌پدیا جامیعه‌سی طرفیندن ایختیلافلار حلّی، اۆصۇللاندیرماق و آچیق و گئچرلی بیر بیلیک‌لیگه چاتماق اۆچون قۇرولوبدور. بۆتون سیاستلری اوْخوماغا گرک یوْخدور آنجاق بئش کؤک داشی سیاستلرین قیساسی اوْلاراق اوْخوماغی اۇنوتمایین.

اصلی سیاستلر دَییشدیر

دییشدیرمه‌دن قاباق بۆتون سیاستلری اوْخوماغا گرک یوْخدور، آنجاق بۇ اهمیتلی سیاستلری ویکی‌پدیا کؤکو اوْلاراق، اوْخوماغی تاپشیریریق:

  • ویکی‌پدیا ایجماع اۆستونده چالیشیر. ایجماع ویکی‌نین ذاتیندادیر. (ویکی‌پدیا:ایجماعا باخین)
  • ویکی‌پدیا بیر بیلیکلیک‌دیر. بۇ هدف ایله اۇیغون اوْلمایان یازیلار ویکی‌پدیادا اوْلمامالی‌دیر.
  • بۆتون چالیشانلارا حؤرمت گؤسترین. ویکی‌پدیا ایشلدنلری‌نین فرقلی کۆلتورلر و باخیشلاری اوْلا بیلر، اوْنلارا حؤرمت گؤسترین. جمعی بیر ایشین باجاری سیرّی قارشی‌لیقلی حؤرمتدیر.
  • کوْپی‌رایتی قوْرویون. ویکی‌پدیا بیر آچیق بیلیک‌لیک اولدوغو اۆچون، ایچینده‌کیلر کرییتیو کامانز لیسانسی آلتیندا یاییلیر، کوْپی‌رایتی پوْزان یازیلاری بۇرا گیردیرمک، ویکی‌پدیایا چوْخلو چتینلیک‌لر یارادا بیلر.
  • طرفسیز اوْلون. مقاله‌لر طرف‌سیزلیک ایله یازیلمالی‌دیر و بۆتون باخیشلار مقاله‌ده گلمه‌لی‌دیر.
  • مؤعتبر اوْلون. ویکی‌پدیا مقاله‌لری ویکی‌پدیا:یوْخلانیلابیلرلیک اوْلمالی‌دیر و بۇ قایناق‌لارا ایستاندارد اوْلاراق ایرجاع وئریلمه‌لی‌دیر.

بیرده باخ دَییشدیر

ویکی‌پدیا قانونلاری ایله داها چوْخ تانیش اوْلماق اۆچون، بۇ صفحه‌لری اوْخوماغی تاپشیریریق.

  1. ویکی‌پدیا بئش کؤک داشی، دییشدیرمه‌لرینیزی باشلاماق اۆچون اوْنلاری بیلمک گرکدیر.
  2. ویکی‌پدیا:سیاستلر لیستی ، بۆتون ویکی‌پدیا قانونلاری ایله تانیش اوْلماق اۆچون.

ویکی‌پدیا قانونلاری ایکی یئره بؤلونور:

ویکی‌پدیا سیاستلری، بۆتون ویکی‌پدیالاردا عۆمۇمی توافوق ایله تعریف اوْلونوبدور و بۆتون ایشلدنلر اوْنلاردان ایطاعت ائتمه‌لی‌دیر.

ویکی‌پدیا تاپشیریقلاری، اوْنلاری رعایت ائتمک ایشلدنلره اوْلدوقجا تاپشیریلیر.

سیاستلرین یارادیلیشی دَییشدیر

سیاستلر چوْخلو ویکی‌پدیالارین بنزر وضعیتی اۆچون، اینگیلیسجه ویکی‌پدیادان آلینیبدیر، آنجاق اۇیغون اوْلمایان یئرلرینی ایجماع ایله دییشدیرمک اوْلار.

سیاستلر دییشدیرمه‌سی قایناغی بۇ یوْللاردان اوْلا بیلر:

  • عملی و دانیشیق‌سیز اوْلاراق چوخلو ایشلدن طرفیندن قبول و عمل اوْلونان بیر یوْل یؤندم.
  • بیر قاباقکی قانونو دییشدیرمک اۆچون قۇرولان سس وئرمه‌ده ایجماعا چاتماق.
  • جیمی ویلز، هیئت امنا یا دا گنیشلندیرن‌لر طرفیندن سیاست دییشدیرمه تصمیملری. بۇ سیاستلر چوْخلو کوْپی‌رایت، حۆقۇقی مؤوضوعلارلا ویکی‌پدیا سرورلرینه باغلی مؤوضوعلاردا اوْلور.

سیاست‌لر، یؤنرگه‌لر، اینشالار و غئیره فرق‌لری دَییشدیر

بۇ صفحه‌لرین هامی‌سی ویکی‌پدیا: آد فضاسی ایله باشلانیر.

  • تاپشیریقلار: بۇ صفحه‌لرین ایچینده‌کیلر: (۱) ایجرایی‌دیر (بیر ایشین گؤرولوب یا دا گؤرولمه‌مه‌سی تاپشیریلیر) (۲) ایجماع ایله قوْیولوبدور. بیر یؤنرگه برک و دییشیلمز قایدا دئییل، اۇیغون اوْلمایان یئرده اوْنلاردان وازگئچیب یا دا ایجماع ایله دییشدیرمک اوْلار.
  • یؤندم‌لیک یازیلیش و آدلاندیرما مؤوضوع‌لاری ایله باغلی یؤنرگه‌لردیر.
  • سیاستلر: یؤنرگه‌لر کیمی ایجماع ایله اوْنلاری دییشدیرمک اوْلار، آنجاق اوْنلارین ترسینه رسمی، و آز ایستیثنالی‌دیر.
  • پروسه‌لر: ویکی‌پدیادا فرقلی ایشلرین گؤرولمه‌سی‌نین یوْل-یؤندمینی آچیقلاییر. اؤرنک اوْلاراق سیلمه سیاستی ، مقاله سیلمه‌نین پروسه‌سینی آچیقلاییر.
  • کؤمکلر: ایشلدنلره ویکی‌پدیادا چالیشماغی اؤیردن صفحه‌لردیر. کؤمکلر بیر ایشی نئجه گؤرمگی، یؤنرگه‌لر ایسه بیر ایشی نه‌دن و هاچان گؤرمگینی آچیقلاییرلار.

سیاست‌لر نئجه ایشله‌ییر؟ دَییشدیر

سیز بیر ویکی‌پدیا دییشدیریجی‌سی‌سینیز! ویکی‌پدیانین باشچی و یییه‌سی یوْخدور و دییشدیرنلر آراسیندا سیرالاما ایله اۆستونلوک یوْخدور. بۇنا گؤره، ویکی‌پدیا دییشدیرنلری مقاله دییشدیرمه‌سی و دانیشیقلارا قاتیلماق کیمی یوْللارلا ویکی‌پدیا سیاستلری‌نین ایجراسینی تأمین ائدیرلر. آنجاق مدیاویکی یازیلیم و واندالیزم کیمی سیاستلره باغلی مؤوضوع‌لار حساس و اهمیتلی اوْلدوقلاری اۆچون، تکجه ایداره‌چی‌لر طرفیندن گؤرولور.

بیرده باخ دَییشدیر