ویکی‌پدیا:ایخلالچیلیق دییشدیرمه
 | بۇ صفحه ویکی‌پدیا اۆچون بیر تاپشیرمادیر. تاپشیریقلار٬ رعایت اوْلونماسی لازیم اوْلان بیر ایستاندارد اوْلاراق ویکی‌پدیاچیلار طرفیندن قبول اوْلونماقدادیر. آنجاق دییشدیریلمه‌سی مۆمکوندور و ساغلام دۆشونجه ایله اله آلینماسی گرکدیر. صفحه‌ده دییشیک‌لیک ائتمه‌دن قاباق٬ بۇ دییشیک‌لیک‌لرین ویکی‌پدیاچیلاردان تأیید آلدیغینا امین اوْلون. اۇیغون گؤرمه‌دیگینیز بیر مادّه وارسا٬ دانیشیق صفحه‌سینده سببلری ایله آچیقجا یازین. |
 | بۇ صفحه بیر باخیش‌دا: اخلالچی دییشدیرنلرین ایشی موقت یوخسا دائیم باغلانماغا چکه بیلر. |
اخلالچیلیق دییشدیرمه‌لر، موداوم حالتده یوخسا چوخلو مقاله‌لر اوستونده مقاله‌لری یاخشیلاشدیرماق قاباغینی آلیب، بیر بیلیکلیک یاراتماق هدفی ایله موخالفتده اولان دییشدیرمه‌لره دئییلیر.
قیساسی
ویکی‌پدیا قاباغا گئتمه‌سینی، آچیق موحیطینه بورجلودور. آنجاق هردن بیر تعداد بۇ آچیقلیقدان سواستفاده ائدیب، منفعتلر توققوشماسی و اورجینال آراشدیرمالارلا اؤز شخصی باخیشلار و هدفلرینی یایماق ایسته‌ییرلر. ایخلالچی دییشدیرنلر، اوست-اوستده ویکی‌نین اعتیبارینی آزالدیب، چالیشقانلاری یوْرماقلا ویکی‌پدیایا ضرر وۇرورلار.
ایخلالچی دییشدیرنلری تانیماق بیر اهمیتلی مسئله‌دیر و ۳ قایتاریش پوزونتوسو سیاستی بو ایش اۆچون دَیَرلیدیر آنجاق بیر دییشدیرن بو قانونو پوزماییب، آمما ایخلالچی اولا بیلر.
شیدتلی ایخلالچیلیقلاری ویکی‌پدیا:ایداره‌چیلر بیلدیری تابلوسوندا بیلیندیریب، ایداره‌چیلردن ایختلاف حلی یوخسا ایخلالچی‌نین باغلانماسینی ایستمک اولار.
ایخلالچی دییشدیرنلر نئجه اؤزلرینی قوْروماق ایسته‌ییرلر؟
- دییشدیرمه‌لری اۆزون مۆدتده اۆز وئریر: بئله موردده بیر خاص دییشدیرمه‌نی ایخلال سایماق اوْلماز آنجاق اوْنلارین دییشدیرمه‌لری‌نین بوتونو و اونلارین اوسلوبونا باخاندا گیزلین ایخلال آیدینلاشیر.
- دییشدیرمه‌لری چوخلو دانیشیق صفحه‌لرینده اولور. بئله‌جه مقاله‌لره موستقیم ضرر وۇرولماییر آنجاق ایجماعا چاتماغین و دانیشیقلارین بیر یئره چاتماغی‌نین قاباغینی آلیرلار.
- دییشدیرمه‌لری نیزاکتی پوزما حدینه چاتماییر و شخصی حمله ائتمه‌ییرلر آنجاق مقاله‌لری یاخشیلاشدیران جمعی ایش‌بیرلیکلرده یئرسیز دخالت ائدیرلر.
ایخلالچی دییشدیرن علامتلری
بیر ایخلالچی دییشدیرن :
- مخصوص و عمدی علاقه‌لری واردیر: ایخلالچی دییشدیرنلر تکجه بیر خاص موضوعدا اولان مقاله‌لره علاقه‌سی واردیر و او مقاله‌لرده آیری دییشدیرنلرین موخالفتینه باخمایاراق، اؤز نظرینی یئریدمگه چالیشیر. اونلار چوخلو بیر فایدالی یازی مقاله‌یه آرتیرماییب، تکجه آیری دییشدیرنلرین قایناقلی یازیلارینی سیلیرلر.
- یوْخلانیلابیلرلیگی رعایت ائتمه‌ییر : آرتیردیغی یازیلارا قایناق وئرمه‌ییر، وئردیگی قایناقلار موعتبر دئییل
یوخسا اورجینال آراشدیرمالاردان فایدالانیر.
- تئز-تئز ائتیکتله‌ییر: مثلا مقاله‌نین چوخلو قایناقلاری اولدوغو یئرده {{قایناق؟}} کیمی اتیکتلر قویوب، مقاله‌نین اعتبارینی آزالتماق ایسته‌ییرلر.
- ایجماع یاراتماغا قوشولماییر:
- تئز-تئز آیری دییشدیرنلرین ایستکلری، سواللاری و دییشدیرمه‌لرینه گؤره توضیح ایستمکلرینه فیکیر وئرمه‌ییر.
- آیری دییشدیرنلرین وئردیگی جواب و توضیحلرینه توجه ائتمه‌ییر.
بیر نوکته‌نی باشا دۆشمکدن ایمتینا ائتمک
بعضی حال‌لاردا دییشدیرنلر بیر ایدعادان و یا باخیش‌دان مؤحکم یاپیشاراق باشقا باخیشلاری اینکار ائدرلر؛ حتی نئچه ایشلدن ایجماع اساسیندا بو ایدعا و یا باخیشی رد ائتسه ده، یئنه ده بیر جومله‌نی تکرارلاییرلار و باشقالاری‌نین تصدیقلرینی رد ائدرک اؤز سهولرینی داخیل ائدیرلر. بیر فیکیر سؤیله‌دیغینیزی دۆشۆنمک، سیزه توْپلۇمۇن قبول ائتمه‌سی گرکدیغی سؤیلندیغینده، بۇ دۆشۆنجه‌نیز قبول ائدیلمه‌میش کیمی داورانما حقی‌نی وئرمز. («ائشیتمگی» یاناشی اولماق‌لا ایشتیباه توتمایین: فیکرینیز جمعیت طرفیندن رد ائدیلمه‌سی سیزین سؤزونوزو ائشیتمه‌دیکلرینه بیر ایثبات دئییل. یازماق‌دان ال ساخلایین، ائشیدین، و دیگر ایشلدنلرین سیزه دئدیکلرینی لحاظ ائدین. موباحیثه‌ده اونلارین جهتلرینه باخین و راضیلاشما نوقطه‌لرینی تاپماغا چالیشین). بعضاً بعضی دییشدیرنلر بیر مؤوضوع‌نو رد ائتمک اۆچۆن هوجوملو دییشدیرمه‌لر ائدیرلر (تفرقه‌سالان موردلر کیمی). بئله حال‌لاردا، شخص اؤزو دوغرو حساب ائتدیگی، اما جمع باخیشینا ضید اولان شئی‌لری انجام وئره بیلمز.
فایدالی دییشدیرمه‌لرله فرقلری
بعضا دییشدیرنلر اقلیت باخیشینی مقاله‌ده گتیرمک ایسته‌ییرلر، بو ایش یوخلانیلابیلرلیک اصلی اساسیندا اولوب، طرفسیزلیگی پوزمایینجا عیبی یوخدور.
ایخلالچی دییشدیرنلرله نه ائدک؟
- چوخ اهمیتلی و شیدتلی موردلرده ایداره‌چیلر بیلدیری تابلوسوندا بیلدیرین.
- ایخلالچی‌نین بیرینجی دییشدیرمه‌سینی گؤرندن سونرا:
- یاخشی نیت فرضینیز اولوب، ایخلالچی دییشدیرنه بنزر ایشلدنه حمله ائتمه‌یین. یوموشاق عبارتلرله یازیلان بیر دییشدیرمه قیساسیندان فایدالانماق شرطی ایله بیلیکلیک دیری اولمایان یازیلاری قایتارین. دانیشیق صفحه‌سینده بیر یازی یازیب، دانیشیق و قایناق وئرمگه چاغیرین. یئنی ایشلدنلری اینجیتمه‌ییب، بۇ ایشلدن بیر ایخلالچی یوخ یئنی قاتیلمیش و ناشی اولدوغونا فیکیرلشین.
- دییشدیرن سیزین قایتارمانیزی قایتاریرسا :
- دانیشیق صفحه‌سینده جواب وئرمزسه، یئنه قایتارین. باخیشینیزی و دلیللرینیزی مقاله‌نین دانیشیق صفحه‌سینده آچیقلامانیزدان آرخایین اولون. بونو دییشدیرمه قیسانیزدا دا اعمال ائدین. مومکون اولورسا، باریش یوللارینی دانیشیق صفحه‌سینده آرادا قویون.
بیرده باخ
| عومومی باخیش | |
|---|---|
| عومومی اصل‌لر | |
| مؤحتوا سیاستلری | |
| آیری مؤحتوا سیاستلری | |
| مؤحتوا تاپشیریقلاری | |
| داورانیش سیاستلری | |
| داورانیش تاپشیریقلاری | |
| دییشدیرمه تاپشیریقلاری | |
| ویکی‌مدیا تشکیلاتی | |
