گنجینه فنون (درگی)
گنجینه فنون | |
|---|---|
|
| |
| سوروملو مودور | محمدعلی تربیت |
| یاییلان ایللر | 1902 |
| دیل | فارسجا |
| یاییلان یئر | تبریز |
| موضوع | علمی،ادبی |
گنجینه فنون —آذربایجاندا نشر اولونموش درگی‌لردن بیری[۱][۲].
تاریخی دَییشدیر
میرزا یوسف خان اعتصام الملک ، سید حسن تقی زاده ، میرزا سید حسن خان عدالت ایله بیرگه آذربایجاندا دؤورون تانینمیش شخصیت‌لریندن بیری محمدعلی تربیت طرفیندن چاپ اولونموشدور[۱].
1902-جی ایلده تبریزده نشر اولونان " گنجینه فنون " تک آذربایجاندا دئییل، همچنین بوتون ایراندا ایلک علمی-ادبی درگی حساب اولونور[۳].
محمدعلی تربیت 1921-1925-جی ایللرده آذربایجانین معاریف ناظیری وظیفه‌سینی داشیدیغی زامان، اؤلکه یه معاریف و مدنیتین قورونماسینا بؤیوک قایغی گؤستریر. همین ایللرده تبریزده " گنجینه فنون " درگیسی‌نین نشرینی برپا ائدیر[۳].
فعالیتی دَییشدیر
بو مطبوع اورقان پوبلیسیستیک دیلله اؤلکه‌نین ایجتیماعی-سیاسی وضعیتینی آچیب گؤستریر، خالقی موستملکه‌چی‌لره و ایستیبدادا قارشی موباریزه‌یه سسله‌ییر، اؤلکه ده ایصلاحات‌لار کئچیریلمه‌سینه، قاباقجیل ایدئیالارین یاییلماسینا سعی گؤستریردی[۱].
درگیده نشر اولونان یازی‌لار دؤرد مؤوضو اطرافیندا بیرلشیردی[۳]:
- علم و تکنیک ایله باغلی یئنی‌لیک‌لر.
- اینجه صنعتدن، تاریخ و ادبیاتدان بحث ائدن " اینجه صنعت بلدچیسی " . بو روبریکانی محمدعلری تربیت حاضیرلاییردی.
- " قدیم مدنیت‌لر، سیویلیزاسیالار " . بو بؤلمه ده اوروپانین تاریخچی عالیم‌لری نین (خوصوصیله فرانسیز گوستاولوبون) اثرلریندن اؤرنک‌لر وئریلیردی. همین عصره لری حسن تقی‌زاده چئویریر و اونلارین چوخ زامان گئنیش شرحینی حاضیرلاییردی.
بدیعی اثرلردن ائدیلمیش ترجومه نومونه‌لری سونونجو بؤلمه‌ده یئرلشدیریلیردی. ماجرا ادبیاتینی، خوصوصیله فرانسه یازیچیسی ژول ورن‌ین اثرلرینی تانینمیش شاعیر میرزه یوسف خان اعتصام‌الملک (گؤرکملی شاعیره پروین اعتصامی‌نین آتاسی) چئویریردی.
اتک یازی‌لار دَییشدیر
- ^ ۱٫۰ ۱٫۱ ۱٫۲ Ülviyyə Tahirqızı. Güney Azərbaycan mətbuatı. anl.az, 15.05.2014, "Xalq cəbhəsi" qəzeti, səh. 11 (azərb.)
- ^ Pərvanə Məmmədli. Cənubi Azərbaycan mətbuatı tarixi. Archived 2019-03-27 at the Wayback Machine. Bakı: "Elm", 2009, səh. 27. (azərb.)
- ^ ۳٫۰ ۳٫۱ ۳٫۲ ərvanə Məmmədli. Cənubi Azərbaycan mətbuatı tarixi. Archived 2019-03-27 at the Wayback Machine. Bakı: "Elm", 2009, səh. 28. (azərb.)