تیراختور آذربایجان فوتبال کولوبو
تیراختور فوتبال کولوبو، تبریز شهریندن ایران سوپر لیگینده ایشتیراک ائدن بیر فوتبال تاخیمی‌دیر. تاخیم، تیراختور آذربایجان کولتور ایدمان ایقتیصادی کولوبونون فوتبال تاخیمی‌دیر. تیراختور فوتبال کولوبونون ائو صاحیبلیگی یاپدیغی یئر سهند ایستادیومودور. تاخیم ۱۹۷۰ تاریخینده ایران تیراختورقاییرما شیرکتی طرفیندن قۇرولدو. ۲۰۱۸-جی ایلدن محمدرضا زونوزی مطلق تاخیمین مالیکی دیر.
 | ||||
| بۆتون آد | تیراختور آذربایجان فوتبال کولوبو | |||
|---|---|---|---|---|
| لقب(لر) | تیراختورچولار[۱] قیرمیزی قوردلار[۲] | |||
| قۇرولوش | ۳۰ نوْوامبر ۱۹۷۰ تیراختورسازی آدی ایله | |||
| ایستادیوم | سهند ایستادیومو | |||
| یئرلشیمی | ۶۸٫۸۳۳[۳][۴] | |||
| مالیک |  محمدرضا زونوزی مطلق | |||
| ایداره‌چی | سعید مظفری‌زاده | |||
| باش مشقچی |  دراقان اسکوچیچ | |||
| لیگ | خلیج فارس سوپر لیگی | |||
| ۲۴–۲۰۲۳ | ۴–جو | |||
| وئب‌سایت | کولوبون وب‌سایتی | |||
|
| ||||
| تیراختور آذربایجان کولوبونون شؤعبه‌لری | |||
|---|---|---|---|
 فوتبال (کیشی) |
فوتبال (قادین) | ||
تیراختور فوتبال کولوبونون ان اؤنملی باشاریلاری آراسیندا ۳ ایران سوپر لیگی ایکینجی‌لیگی، ۲ ایران حذفی کوپاسی شامپیونلوغو و ۳ ایکینجی‌لیگی و ۱ ایران سوپر کوپاسی ایکینجی‌لیگی یئر آلماقدا دیر.
تاریخی
دَییشدیرآد
دَییشدیرتاخیم اؤز آدینی اونون ایلک و رسمی حامی‌سی تبریز مرکزلی ایران تیراختورقاییرما شیرکتی آدیندان آلمیشدیر. تراکتور (اینگیلیسجه: Tractor) سؤزجوگو ایران تورکلری آراسیندا «تیراختور» ، «تراختور» یا «تیرختور» کیمی تلفوظ ائدیلیر. بونا گؤره یانداشلار اؤز سئویملی تاخیملارینی یالنیز تۆرکجه خیطاب ائدیب آلقیشلاییرلار. یانداشلار تاخیمین آدینی تراختور یازماق ایسته‌ییرلر و کؤینکلر و بایراق‌لارینا تراختور یازیرلار، آنجاق بیر سؽرا واختلار، امنیتی گۆجلر «خ» یازیلی بایراقلار و کؤینک‌لرله ایستادیوما گلن یانداشلاری ایچریه یوْل وئرمیر گئری گؤندریرلر.[۵][۶] ایران تیراختورقاییرما شیرکتی طرفیندن «تیراختورسازی» (فارسجا: تراکتورسازی) آدی ایله قۇرولان و بیلینن تاخیم، محمدرضا زونوزی مطلق طرفیندن تاخیمین مالیکیتی آلیندیقدان سوْنرا فارسجا اوْلان «سازی» اۇزاتماسی سیلیندی و تاخیمین آدی «تیراختور آذربایجان» (فارسجا: تراکتور آذربایجان) اوْلاراق چئوریلدی.[۷]
۱۹۷۰-جی ایللر: قۇرولوش
دَییشدیر
تیراختور فوتبال کولوبو ۳۰ نوْوامبر ۱۹۷۰ده تبریز مرکزلی ایران تیراختورقاییرما شیرکتی طرفیندن قۇرولدو. اوْیونچولاری‌نین چوْخو فابریکا ایشچی‌سی اوْلدوغو تاخیم قۇرولدوغو ایلک ایلده تبریز فوتبال لیگینده ایشتیراک ائدیب شامپیون اوْلدو. ائرته‌سی ایل یئنی‌دن تبریز فوتبال لیگینده شامپیون اوْلاراق اوْ زامانلار ایرانین ایکینجی سویه‌لی لیگی اوْلان ایکینجی لیگه یۆکسلدی. تیراختور ۷۴–۱۹۷۳ مؤوسومونده ایکینجی لیگی ۳-جو یئرده بیتیردی. ائرته‌سی مؤوسوم ۷۵–۱۹۷۴ ایکینجی لیگده شامپیون اوْلدو و ایلک دفعه ایرانین بیرینجی سویه‌لی لیگی اوْلان تخت جمشید کوپاسی‌نا یۆکسلدی و کئچن مؤوسوم ازلی رقیبی ماشین فوتبال کولوبونون ایکینجی لیگه دۆشمه‌سی ایله آذربایجانین ایران سوپر لیگینده تک تمثیلچی‌سی اوْلاراق ایشتیراک ائتدی. اوْ مؤوسوم ۱۶ تاخیم آراسیندا ۱۶-جی اوْلاراق ایکینجی لیگه دۆشدو. بیر ایل سوْنرا ۷۸–۱۹۷۷ مؤوسومونده یئنی‌دن سوپر لیگه یۆکسلن تاخیم مؤوسوم سوْنوندا ۵-جی سؽرادا یئر آلاراق سوپر لیگده قالماغی قارانتی‌لدی. تیراختور فوتبال کولوبو ۱۹۷۶-جی ایلده دۆزنله‌نن ایران حذفی کوپاسی‌نین ایلک دؤورونده فینال دا ۴–۱ نتیجه‌سی ایله ملوان فوتبال کولوبونا اۇدوزاراق ایکینجی اوْلدو. بۇ ایللرده تیراختورون باش مشقچی‌لیگی‌نی حسین فکری ائدیردی، تاخیمین اۇلدوزلاری ایسه پرویز مظلومی، عباس کارگر و ابراهیم کیان‌طهماسبی کیمی‌لر ایدی.[۸] تیراختور ۷۹–۱۹۷۸ مؤوسومونده سوپر لیگده ایشتیراک ائدیب اوْن ایکینجی تۇرون آردیندان ۸-جی سیرادا یئر آلماقدا ایدی. ۱۹۷۹دا باش وئرن ایران ایسلام اینقیلابی نتیجه‌سینده لیگ یاریمچیلیق قالدی و بۆتون ایدمان فعالیت‌لر دایاندیریلدی.[۹]
۱۹۸۰-جی ایللر: گئری‌لمه دؤنمی
دَییشدیر۱۹۸۰-جی ایللرده ایران ایسلام اینقیلابی و آردیندان ایران عیراق ساواشی سببیندن ایران فوتبال لیگی باغلی قالدی و یالنیز بؤلگه‌سل لیگ‌لر کئچیریلیردی. تیراختور ایسه تبریز فوتبال لیگینده ایشتیراک ائدیب اۇغورلو نتیجه‌لر آلیردی. ۱۹۸۶-جی ایلده باش وئرن اوستانلار آراسی غئیر رسمی کوپاسیندا تبریز سئچمه تاخیمی، تبریزین گۆجلو و کؤکلو کولوبلاریندان اوْ جومله تیراختور، ماشین و کلنی مموریال کولوبلاری‌نین اوْیونچولاری‌نین بیرلشمه‌سی ایله فینالا چیخمیش آمما فینالدا ایصفاهان سئچمه تاخیمینا مغلوب اوْلاراق ایکینجی اوْلموشدور. اوْ ایللرده تیراختورون اۇلدوز اوْیونچولاری احد شیخلاری، حسین قوی‌فکر، غلامرضا باغ‌آبادی و امیر داداش‌ضیایی کیمی‌لر ایدی کی ایران میلی فوتبال تاخیمی‌ندا دا اوْیناییردیلار. ایسلام اینقیلابی سوْنراسی دۆزنله‌نن ایلک میلی لیگده ۹۰–۱۹۸۹ مؤوسومونده تیراختور ایران سوپر لیگینده ماشین ایله بیرلیکده آذربایجانی تمثیل ائتدی و مؤوسوم سوْنوندا جدولی ۶-جی اوْلاراق بیتیردی. ۱۹۸۰-جی ایللرین سوْنوندا تیراختورو دۆزن و نیظاما سوْخان رومانیالی مشقچی واسیلی قوجا تاخیما قوْشولدو.[۸]
۱۹۹۰-جی ایللر: دۇرغونلوق دؤنمی
دَییشدیر
واسیلی قوجا مشقچی اوْلدوقدان سوْنرا تیراختورون پایه و جاوانلار تاخیمینا اؤنم وئردی، نظارته آلدی و اساس ایشلرینه خیدمت ائتدی. همچینین اوْردان تیراختور فوتبال کولوبو ترکیبینه جاوان و ایستعدادلی اوْیونچولار گتیره‌رک تاخیمین دییشیکلیک و اینکیشافینا سبب اوْلدو و ۹۰-جی ایللرده اۇغورلو نتیجه‌لر آلماسینا نه‌دن اوْلدو.[۸][۱۰] تیراختور ۹۳–۱۹۹۲ ایران سوپر لیگینده بیرینجی قروپ‌دا استقلال و کشاورز کیمی اۇغورلو تاخیملاردان اۆسته بیرینجی سؽرادا یئرلشدی، آنجاق پلی-آف اوْیونوندا پاس تهرانا اودوزدو و اۆچونجو اوْلدو.[۱۱] بۇ نتیجه تیراختورون قۇرولوشوندان بۇ یانا ان باشاریلی نتیجه‌سی ایدی. بۇ ایللرده تیراختورون اۇلدوزلاری احد شیخلاری، کریم باقری، سیروس دین محمدی و حسین خطیبی کیمی‌لر ایدی. اسماعیل حلالی و علی باغمیشه ایسه تیراختوردان ایران میلی فوتبال تاخیمینا دعوت ائدیلمیشلردی.[۸] تیراختور ۹۵–۱۹۹۴ ایران حذفی کوپاسیندا فینالدا ایکی اوْیون سوْنوجوندا ۲–۱ نتیجه‌سی ایله بهمن فوتبال کولوبونا مغلوب اوْلدو و ایکینجی دفعه حذفی کوپاسی فینالیندا اودوزاراق ایکینجی اوْلدو. همین مؤوسومده تیراختور لیگده ۹-جو اوْلاراق ایکینجی لیگه دوشدو و اوْ مؤوسومدن سوْنرا اؤنملی اوْیونچولاری‌نی الدن وئردی. تیراختور ۹۶–۱۹۹۵ مؤوسومونده ایکینجی لیگده شامپیون اوْلدو و یئنی‌دن سوپر لیگه دؤندو. ۹۸–۱۹۹۷ مؤوسومونده تیراختورو دیزاین ائدن و تاخیما دۆزن گتیرن واسیلی قوجا تاخیمدان آیریلدی و یئرینه محمدحسین ضیایی تیراختورون اوْیونچوسو، مشقچی اوْلاراق تعیین ائدیلدی. تیراختور ۱۹۹۰-جی ایللرین سوْنونا قدر وضعیتی‌نی قوْرودو و دورغونلوق دؤنمی یاشادی.[۸]
۲۰۰۰-جی ایللر: بیرینجی لیگ دؤنمی
دَییشدیر
تیراختور، ۰۱–۲۰۰۰ مؤوسومونده جدولی سوْن اوْلاراق بیتیردی آمما ایران فوتبال فدراسیونونون قراری ایله گلن مؤوسوم یئنی دۆزنله‌نن خلیج فارس سوپر لیگینده شیرکت ائتمه‌گه حاق قازاندی. ۰۲–۲۰۰۱ مؤوسومونده ۱۴ تاخیم ایشتیراکی ایله دۆزنله‌نن یئنی سوپر لیگده، تیراختور سوْنونجو سؽرادا یئرلشیب آشاغی لیگه دۆشدو. تیراختور ۶ مؤوسوم بیرینجی لیگده کئچیردی آمما نه‌دن‌سه خلیج فارس سوپر لیگینه یۆکسله بیلمدی. یالنیز بیر دفعه ۰۷–۲۰۰۶ مؤوسومونده ب قروپوندا بیرینجی سؽرادا یئرلشه‌رک پلی-آف اوْیونونا یۆکسلدی آمما ایکی اوْیون سوْنوجوندا ۴–۲ نتیجه‌سی ایله شیرین فراز کیرمانشاه فوتبال کولوبونا اودوزاراق سوپر لیگه یۆکسه‌له بیلمدی. بۇ ایللرده ارنست میدندروپ، فرشاد پیوس و احد شیخلاری تیراختورون باش مشقچی‌لریندن ایدیلر. همچینین تیراختورون ۲۰۰۰-جی ایللرده اۇلدوزلاری رسول خطیبی، یونس باهنر، مهدی کیانی و محمد ابراهیمی کیمی‌لر ایدیلر. نهایت تیراختور، ۰۹–۲۰۰۸ مؤوسومونده فراز کمالوند مشقچی‌لیگینده و ناصر شفق‌ین مالی دستکلری ایله کی مؤوسومون باشیندان تیراختورون مالیکیتی‌نی ایران تیراختورقاییرما شیرکتی‌ندن آلمیشدی، سوپر لیگه یۆکسلدی. ایللر سوْنرا یئنی‌دن سوپر لیگه یۆکسه‌لن تیراختور، ایلک مؤوسومو ۱۰–۲۰۰۹ دا فراز کمالوند مشقچی‌لیگینده جدولی ۷-جی سؽرادا بیتیردی. ۲۰۱۰-جو ایلده اؤلکه‌ده مؤوجود اوْلوب داوام ائدن امنیتی دۇروملاردان دوْلایی تیراختورون مالیکیتی ناصر شفق‌دن آلیندی و تاخیمین یئنی مالیکی ایسلامی اینقیلاب گؤزتچیلر اوردوسو اوْلدو.[۸]
۲۰۱۰-جو ایللر: یۆکسلیش دؤنمی
دَییشدیرتیراختور ۲۰۱۰-جو ایللری یئنی مالیکیت ایله باشلادی.[۱۲][۱۳] تیراختور یئنی سوپر لیگ دؤنمی‌نین ایکینجی مؤوسومو اوْلان ۱۱–۲۰۱۰ مؤوسومونده تاخیمی ایللر سوْنرا سوپر لیگه گتیرن فراز کمالوند ایله باشلادی و اؤتن مؤوسومدن داها یاخشی نتیجه آلاراق لیگی ۵-جی اوْلاراق بیتیردی. بؤ مؤوسومده آلینان نتیجه‌لر ایران سوپر لیگینده یئنی بیر فیرتینانین خبرچی‌سی ایدی. تیراختور اوْیونلاری ایله داها چوْخ یانداشی ایستادیوما گتیریردی و گؤزلنتی‌لری یۆکسلدیردی. بۇ اوْلایلار ایداره‌چی‌لری تاخیمی تقویت ائتمه‌گه یؤنلتدی. ایداره‌چی‌لر بۇ هدفه نائیل گلمه اۆچون یوْللاری فراز کمالونددن آییردیلار و ایرانین تجروبه‌لی و شامپیونلوقلار گتیرن مشقچی‌لریندن اوْلان امیر قلعه‌نویی ایله آنلاشما یاپدیلار. تیراختور امیر قلعه‌نویی مشقچی‌لیگینده ۱۲–۲۰۱۱ مؤوسومونده ۶۶ خال ایله (شامپیوندان بیر خال آز) جدولی ایکینجی بیتیردی. تیراختور بۇ نتیجه ایله قۇرولوشوندان بۇ یانا لیگده تاریخی‌نین ان یاخشی نتیجه‌سینی آلیرکن ایلک دفعه آسیا شامپیونلار لیگینه حاق قازاندی.
تیراختور ۱۳–۲۰۱۲ مؤوسومونده تاریخی‌نین ان باشاریلی و یانداشلار طرفیندن ان سئویلن مشقچیسی اوْلان تونی اولیویرا ایله آنلاشدی.[۱۴] تونی ۳ فرقلی دؤنمده مشقچی‌لیک یاپدی و تاخیما ۱۳–۲۰۱۲ مؤوسومونده لیگ ایکینجی‌لیگی، ۱۴–۲۰۱۳ مؤوسومونده تاخیمین ایلک حذفی کوپاسی شامپیونلوغو و ۱۵–۲۰۱۴ مؤوسومونده لیگ ایکینجی‌لیگی گتیردی. تیراختور ۱۶–۲۰۱۵ مؤوسومونده جدولده ۴-جو سؽرادا یئرلشدی، آیریجا ۲۰۱۶ آسیا شامپیونلار لیگینده ایلک دفعه قروپوندان یۆکسله‌رک ۱/۸ فینال توروندا اوْینادی آمما ایکی اوْیون سوْنوجوندا ۵–۴ نتیجه‌سی ایله النصر ایمارات فوتبال کولوبونا اودوزاراق حذف اوْلدو.
۱۷–۲۰۱۶ مؤوسومونده یئنی‌دن امیر قلعه‌نویی ایله آنلاشان تیراختور مؤوسوم سوْنوندا لیگده اۆچونجو اوْلاراق حذفی کوپاسیندا اۆچونجو دفعه ایکینجی اوْلدو. ۱۸–۲۰۱۷ مؤوسومونده گؤزتچیلر اوْردوسو تاخیمین آغیر مالیه یۆکلریندن دوْلایی و ترانسفر پنجره‌لری‌نین باغلی اوْلماسی سببی ایله تاخیمی گۆجلندیره بیلمدی و تیراختورون مالیکیتی‌نی اینتیقال وئرمه‌گه قرار وئردی. اوْ مؤوسوم تاخیم یاخشی نتیجه‌لر آلمایاراق جدولی ۱۰-جو سؽرادا بیتیردی. نهایت ۲۰۱۸-جی ایلده محمدرضا زونوزی مطلق تیراختورون مالیکیتی‌نی دؤور آلدی، بۆتون مالیه بوْرجلاری‌نی اؤده‌دی و ترانسفر پنجره‌سینی آچدی و ایلک مؤوسومونده یعنی ۱۹–۲۰۱۸ مؤوسومونده ایلک اوْلاراق دۆنیاجا مشهور جان توشاکی مشقچی تعیین ائدیب ایران میلی فوتبال تاخیمی‌نین اۆچ کاپیتانی مسعود شجاعی، اشکان دژآگه و احسان حاج‌صفی‌نی و باشقا کیفیت‌لی اوْیونچولاری تاخیما قاتدی. بۇ مؤوسوم سوْنوندا تیراختور جدولی ۵-جی سؽرادا بیتیردی. ۲۰–۲۰۱۹ مؤوسومونده ایسه لیگده ۴-جو اوْلاراق ایران حذفی کوپاسیندا ایکینجی دفعه شامپیون اوْلدو.[۱۵] بۇ ایللرده فراز کمالوند تیراختورو سوپر لیگه یۆکسلدیب ایللر سوْنرا سوپر لیگده ایلک مشقچیسی اوْلدوغوندان،[۱۶] امیر قلعه‌نویی سوپر لیگده ان باشاریلی نتیجه‌نی (ایکینجی‌لیک) آلماق و تیراختورون ایلک آسیا شامپیونلار لیگینه حاق قازاندیرماقیندان[۱۷] و تونی اولیویرا حذفی کوپاسیندا ایلک شامپیونلوغو قازانماقدان[۱۸] آدلاری‌نی کولوبون تاریخینده یازمیشلاردیر. همچینین تیراختورون ۲۰۱۰-جو ایللرده اۇلدوزلاری مهدی کیانی، محمد ابراهیمی، مرتضی اسدی، آندرانیک تیموریان، احسان حاج‌صفی، فلاویو لوپز، فرزاد حاتمی، محمد ایران‌پوریان، علی کریمی، کریم انصاری‌فرد، ادینهو، محمدرضا اخباری، مسعود شجاعی، اشکان دژآگه، و آنتونی استوکس کیمی‌لر ایدیلر. تیراختور ۲۰۱۰-جو ایللرده ۳ لیگ ایکینجی‌لیگی، ۲ حذفی کوپاسی شامپیونلوغو و ۱ ایکینجی‌لیگی ایله یۆکسلیش دؤنمی‌نی یاشامیشدیر.
۲۰۲۰-جی ایللر
دَییشدیرتیراختور یانداشلاری ۲۰–۲۰۱۹ حذفی کوپاسی شامپیونلوغونون آردیندان آرتیق سوپر لیگ شامپیونلوغو ایسته‌ییردیلر، تاخیمین مالیکی محمدرضا زونوزی مطلق ایسه شامپیونلوق وعده‌سی وئریردی. تیراختور، ۲۱–۲۰۲۰ مؤوسومونو علیرضا منصوریان مشقچی‌لیگی ایله باشلادی. علیرضا منصوریان ۵ هفته لیگین باشلانقیجیندان سوْنرا آنلاشیلماسیزلیقلار نه‌دنی ایله تاخیمدان ایخراج اوْلدو[۱۹] و یئرینه مسعود شجاعی اوْیونچو-مشقچی اوْلاراق وظیفه یاپدی. کابوس کیمی کئچن مؤوسومده تام ۵ مشقچی تیراختورا گلدی و بۇ ایستیقرارسیزلیق تیراختورو شامپیونلوقدان اۇزاقلاشدیردی و ۴-جو سؽرادا یئرلشه‌رک مؤوسومو بیتیردی. کئچن مؤوسومون ایستیقرارسیزلیغی و اوْنا علاوه ائدیلن مالیه یۆکلری و باغلی ترانسفر پنجره‌لری سوْرونو، ۲۲–۲۰۲۱ مؤوسومونو ده کابوسا چئویردی. تیراختور بۇ مؤوسومده گنج و سایؽجا آز اوْیونچولارلا اوْینادی و جدولی ۱۳-جو یئرده بیتیره‌رک، سوپر لیگه یئنی‌دن گلیشیندن سوْنرا ان دۆشوک و ان ضعیف نتیجه‌سینی آلدی.[۲۰] ۲۳–۲۰۲۲ مؤوسومو دییشیکلیکلرله باشلادی تاخیمین مالیه بوْرجلاری اؤده‌ندی و ترانسفر پنجره‌لری آچیلدی. تیراختور بۇ مؤوسوم یئنی اوْیونچولار آلاراق شامپیونلوق موجادیله‌سینه دؤندو و مؤوسوم سوْنوندا ۴-جو سؽرادا جدولی بیتیردی. ۲۴–۲۰۲۳ مؤوسومونو پاکو خمز مشقچی‌لیگی ایله باشلایان تیراختور مؤوسوم سوْنوندا یئنه‌ده اؤتن مؤوسوم کیمی ۴-جو سؽرادا لیگی تاماملادی.
یانداشلار
دَییشدیر
تیراختور فوتبال کولوبونون یانداشلاری، ایران فوتبال کولوبلاری یانداشلاری آراسیندا ان چیلغینلاری ساییلیرلار. بۇ تاخیم ایراندا یاشایان تورک‌لرین کیملیک موباریزه‌سی‌نین سیمگه‌لریندن بیرینه چئوریلمیشدیر. تاخیمین یانداشلاری سئویملی تاخیملارینا گئدیش اوْیونلاریندا دا، تیراختورون قوناق اوْلدوغو ایستادیوما آخؽلار ائدیب، تاخیما بؤیوک یاردیمجی اوْلورلار؛ اؤزل‌لیکله تهرانین استقلال و پرسپولیس فوتبال تاخیملاری‌لا گئدیش اویونلاریندا، تهرانین ۱۰۰ مین نفرلیک آزادی ایستادیومونا توْپلاشان یانداشلارین ان آز یاریسی تیراختورو آلقیشلاییرلار.
ایراندا فوتبال ایستادیومونا تاماشاچی توْپلاماق رکوردو دا تیراختورا مخصوص‌دور. ایران فوتبال لیگی اوْیونلاری چرچیوه‌سینده سهند ایستادیوموندا کئچیریلن تیراختور و فجر سپاسی شیراز اوْیونوندا ایستادیومون توتوموندان داها فازلا یانداش گلیب دیر، بعضی قایناقلارا گؤره بۇ سایی ۱۱۰ مین – ۱۵۰ مین آراسی ایمیش و یانداشلار، اؤز تاخیملارینی حتی قیراغداکی تپه‌لرین اۆستونه چیخاراق، آلقیش‌لامیشلاردیر.[۲۱] سهند ایستادیومو اوْرتالاما هر اوْیون ۶۰ مین نفر یانداش ایله توْپلاشیر. ایرانین رسمی قایناقلارینداکی آمارلارینا اساساً تیراختور خلیج فارس سوپر لیگی‌نین دوْققوزونجو، اوْنونجو، اوْن بیرینجی، اوْن ایکینجی، اوْن دؤردونجو و اوْن سککیزینجی دؤورلرینده، آیریجا ۲۰۱۶ آسیا شامپیونلار لیگی‌نین ان طرفدارلی و ان چوْخ یانداشا صاحیب اوْلان تاخیم سئچیلمیش دیر.[۲۲][۲۳] ۲۰۱۹-جو ایلده ترانسفر مارکت سایتی طرفیندن وئریلن بیر راپوْرا گؤره تیراختور، ائو اوْیونلاریندا دۆنیادا بوروسیا دورتموند، بارسلونا، بایرن مونیخ و منچستر یونایتد دن سوْنرا ان چوْخ یانداشا صاحیب تاخیم کیمی قئید ائدیلمیشدیر.[۲۴][۲۵] همچینین تیراختور فوتبال کولوبو، آسیا فوتبال کونفدراسیونو طرفیندن دۆزنله‌نن آنکت‌ده ۲۰۲۰-جی ایلده قدیم قاره آسیانین ان چوْخ طرفداری اوْلان تاخیمی سئچیلمیشدیر.[۲۶] تونی اولیویرا تیراختورون اسکی مشقچیسی و پورتوقال و بنفیکانین افسانه‌وی شخصی، تیراختور یانداشلارینا گؤره دئمیش:
«۳۴ ایلدیر فرقلی تاخیملاردا اوْینادیم و مشقچی‌لیک یاپدیم، هئچ بیر تاخیمدا بۇ قدر خوْش قارشیلانما گؤرمه‌دیم. تبریزلی یانداشلار، ایستادیومداکی هر اوْیونا و مشقلره، سانکی اوْ گۆنو تاخیم آدینا قئید ائدرجه‌سینه قاتیلیرلار. بنفیکادا بئله هئچ بۇ قدر چیلغین طرفدار گؤرمه‌میشدیم.»[۲۷][۲۸]
جان توشاک تیراختورون اسکی مشقچیسی کی ایللرجه لیورپولدا اوْینامیش و رئال مادرید کیمی تاخیملاردا مشقچی‌لیک یاپمیشدیر، تیراختور یانداشلارینا گؤره دئمیش:
«تیراختور یانداشلاری، منه لیورپول یانداشلاری‌نی خاطیرلاتدی. اوْنلار ۹۰ دقیقه اوْیونچولاریمیزا انرژی وئریب یاردیمجی اوْلدولار.»[۲۹]
تیراختور، یانداشلاری گؤزونده بیر کیملیک موباریزه‌سی سیمگه‌سی کیمی دیر و ایستادیومو تهلوکه‌سیز توْپلاناجاغی و سؤزونو آزادجا دیه‌بیله‌جگی بیر یئر کیمی گؤرور. بعضاً ایستادیومدا ایجتیماعی و حتی میلیتچی دویغولارلا علاقه‌لی حرکت‌لر باش وئریر و بنرلر آچیلیر کی بؤ ایران دؤولتی و خوصوصاً مدیالاری طرفیندن شیدتله قؽنانیر.[۳۰][۳۱] بۇ حرکت و شوعارلار چوْخلو تورکیه و آذربایجان جومهوریتی نه دستک شوعارلاری و بعضاً اۆزوئرن آجی حادیثه‌لره باش ساغلیغی مئساژلاری اوْلور.[۳۲] تیراختور یانداشلاری سهند ایستادیوموندا ۱ مارس ۲۰۱۹ تاریخینده کئچیریلن سیپاهان اوْیونو سؽراسیندا، ارمنیستان باش باخانی‌نین تهراندا قاراباغ‌لا ایلگیلی چیرکین و حاقسیز سؤزلرینه اعتیراضاً ارمنیستان بایراغی‌نی یاندیریب، قاراباغین آزادلیغی ایله مربوط شوعارلار سس‌لندیریبلر.[۳۳] آیریجا ۱ نوْوامبر ۲۰۱۹ تاریخینده تیراختور و استقلال آراسیندا کئچیریلن اوْیوندا کی ۱۰۰ مین نفر تاماشاچی ایله اوْ هفته دۆنیانین ان تاماشاچی‌سی اوْلان اوْیونو ایدی،[۳۴] باریش پیناری عملیاتیندان حیمایت اۆچون ایستادیومدا قورآن تیلاوتی سؽراسیندا عسگر سلامی وئریلدی. بۇ حرکت تورکیه‌ده ایلگی ایله قارشیلانیرکن، ایران مدیاسی طرفیندن لعنت‌لندی.[۳۵][۳۶]
قادین یانداشلار
دَییشدیر
ایراندا ایسلامی اینقیلابدان سوْنرا قادینلارین فوتبال اوْیونلارینا تاماشا ائتمک اۆچون ایستادیوما گئتمه‌لری قاداغان ایدی و بهانه کیمی ایستادیوملاردا کیشی یانداشلاری‌نین بعضاً اخلاق‌دان کنار سؤزلر سس‌لندیرمه‌سی گؤسته‌ریلیردی. آنجاق تیراختور یانداشلاری‌نین ایران فوتبال تاخیملاری یانداشلاری آراسیندا ان نظملی-اینتیظاملی یانداشلاری کیمی ساییلیرلار. بۇنا گؤره تاخیمین قادین یانداشلاری ایستادیوما گیرمک قاداغاسی اوْلدوغوندان، اعتیراض اۆچون سهند ایستادیومونون اطرافینداکی تپه‌لر اۆزه‌رینه چیخاراق اؤز سئویملی تاخیملاری‌نین اوْیونونو تاماشا ائدیردیلر. اوْ دؤنم بۇ عنعنه‌نین باشقا شهرلره ده یاییلاجاغیندان اندیشه ائدن ایران پولیسی بۇ ایشه جیدیت ایله قارشی چیخدی. حتی بیر نئچه قادین یانداشی تۇتوقلادی و اوْنلاردان بیر داها فوتبال اوْیونلاری‌نی تاماشا ائتمک اۆچون اطراف تپه‌لره قالخمایاجاقلاری حاقیندا ایلتیزام آلدیقدان سوْنرا، آزاد ائتدی.[۳۷][۳۸] ایللر سوْنرا فیفا و ای‌اف‌سی نین باسقی‌لاری ایله بۆتون ایران دا یاشایان قادین یانداشلار کیمی ۲۰۲۳-جو ایلده تیراختورون قادین یانداشلاری دا ایستادیوما گیرمه حاقی‌نی قازاندیلار و اؤز سئویملی تاخیملارینی ایستادیومون ایچیندن راحات بیر شکیل ده آلقیشلایا بیلدیلر.[۳۹]
اورمو گؤلو و تیراختور
دَییشدیرتیراختورون یانداشلاری تکجه اؤز تاخیملارینی آلقیشلاماقلا قالماییب، آذربایجانین بۆتون توْپلوم‌سال سوْرونلارینا اؤز موناسیبت‌لری‌نی بیلدیرمه‌گه و حاقسیزلیقلارا قارشی اعتیراض سس‌لری‌نی یئتیرمه‌گه چالیشیرلار. حاضیردا بۇ سوْرونلاردان بیری، آذربایجانین سیمگه‌لریندن اوْلان اورمو گؤلونون گئت-گئده قۇروماسی دیر. تیراختور یانداشلاری ۲۰۱۰-جو ایلده ائو اوْیونلاردا بۇ مسئله‌یه دئیینه‌رک «اورمو گؤلو سس‌لنیر، سوسوزام هارای هارای» شوعاری سس‌لندیردیلر. بۇنون نتیجه‌سی اوْلاراق، ۲۱ مارس ۲۰۱۱ تاریخینده تبریز، اورمو و آذربایجانین دیگر بؤلگه‌لریندن اوْلان یۆزلرجه تیراختورچو هر بیری قۇراقلیق اۆزره اوْلان اورمو گؤلونون اۆستونده‌کی کؤرپودن اعتیراض آدینا گؤله بیر قاب سۇ تؤکدولر. اۇ حرکت‌دن سوْنرا اورمو گؤلونه زیارته گلن هر کس پولیسین جیدی یوْخلانیشیندان کئچیریلدی. حتی بعضی معلوماتا گؤره بۇ کامپانیایا قوْشولماق ایسته‌ین ۱۰۰-دن چوْخ تیراختور یانداشی گئچیجی اوْلاراق گؤز آلتینا آلینمیش دیر. اورمو گؤلونون گۆن به گۆن قۇروماسی و مسئوللارین هئچ بیر چاره گؤرمه‌دیکلری‌نین آردیندان، تیراختور یانداشلاری «تۆرک قارداشیم دۇ سس وئر، اورمو گؤله نفس وئر» کیمی یئنی شوعارلاری هر اوْیون ایستادیومدا سس‌لندیریب و اؤز حیمایت‌لری‌نی اورمو گؤلوندن بیلدیریرلر.[۴۰][۴۱]
فوتبالدان اۆستون شوعارلار
دَییشدیرتیراختورون یانداشلاری‌نی بعضاً ایسپانیانین کاتالونیا موختار بؤلگه‌سینده‌کی بارسلونا فوتبال کولوبونون یانداشلاری ایله موقاییسه ائدیرلر. کاتالان دیلی ایسپانیادا قاداغان اوْلدوقوندان سوْنرا، بارسلونانین یانداشلاری بۇ تاخیمین ائو اوْیونلاریندا کمپ نیو ایستادیومونا آخؽنلار ائدیب، کاتالانجا میلی شوعارلار سس‌لندیرمه‌گه باشلامیشلار. حاضیردا ایران تورکلری تیراختور و باشقا آذربایجان تاخیملاری اوْ جومله‌دن ماشین، شهرداری و گؤستریش پولادین ائو اوْیونلاریندا و یا قوْناق اوْلدوغو ایستادیوملاردا میلی شوعارلار سس‌لندیریرلر.[۴۲] تیراختور یانداشلاری‌نین تئز-تئز و همن-همن هر اوْیون وئردیگی شوعارلار:
- یاشاسین، آذربایجان.
- آذربایجان وار اوْلسون، ایسته‌مه‌ین کوْر اوْلسون.
- آذربایجان یۇردوموز، تیراختور بوْزقوردوموز.
- آذربایجان دیاریمیز، تیراختور ایفتیخاریمیز.
- یئل یاتار، توفان یاتار، یاتماز تیراختور بایراغی.
- گۆل سوْلار، سونبول سوْلار، سوْلماز بیزیم غیرتلی تیم. بیز تیراختور عاشیقی بیزلر کیمی غیرتلی کیم.
- تۆرکلرین ایفتیخاری، تیراختور، تیراختور.
- تیراختور حمله ائله سن قهرمان‌سان، آذربایجانیما سن ایفتیخارسان.
- ال اله وئره‌روخ، شامپیون اوْلاروخ، اوْی اوْی، تیراختور اوْی اوْی
- داغلاری سؤکر، تیراختور (۱۹۹۰-جی ایللرده داها چوْخ ایستیفاده اوْلوردو)
- آذربایجان، سنی بیگانه‌لر دیلدن سالا بیلمز، بیلسین ساتقین، وطن عئشقین اۆرکلردن آلا بیلمز.
- عئیبی یوْخ، عئیبی یوْخ (تاخیم قوْل یئیه‌ندن سوْنرا سؤیله‌نیر)
- تۆرک دیلینده مدرسه، اوْلملی دیر هر کسه (۱۵-جی دقیقه‌ده سؤیله‌نیر و ایران آنایاساسی‌نین ایجرا ائدیلمه‌ین ۱۵-جی ماده‌سینه ایشاره ائدیر)
- آذربایجان قیزلاری، گؤیلرین اۇلدوزلاری (۲۵-جی دقیقه‌ده سؤیله‌نیر و ۱۳۲۵ هیجری شمسی ایلینه و آذربایجان میلی حؤکومتی‌نین سید جعفر پیشه‌وری اؤندرلیگینده قادینلارا وئریلن رأی حاقینا ایشاره ائدیر)
مارش
دَییشدیردۆنیادا اوْلان بیر چوْخ تاخیم کیمی تیراختورون دا اؤزونه مخصوص بیر مارشی وار. باریش کوْر قروپونون یازیب ایفا ائتدیگی «تیراختور ایفتیخاریمیز» مارشی ۲۰۱۳-جو ایلده ایلک دفعه آسیا شامپیونلار لیگینه یۆکسه‌لیشین شرفینه بسته‌لندی و تیراختور فوتبال کولوبو طرفیندن رسمی مارش اعلان ائدیلدی.[۴۳]
سؤز یازاری: ایوب شهبازی
بسته‌چی: غلامرضا میرزا زاده
آرانژیمان: محمدحسین درابلو
مۆغننی: اسفندیار قره‌باغی
| ظفر مارشین چالان بیزیک | دۆنیا بوْیو قالان بیزیک | |
| قهرمانلیق بیزیمکی دیر | ایرانا باش اوْلان بیزیک | |
| آذربایجان دیاریمیز | تیراختور ایفتیخاریمیز | |
| ادب، شرف شوعاریمیز | تیراختور ایفتیخاریمیز (۲) | |
| بیرلیک گۆجون اینانمیشیق | داغلار کیمی دایانمیشیق | |
| چوخ مئیدانلار دوْلانمیشیق | ایفتیخارلار قازانمیشیق | |
| آذربایجان دیاریمیز | تیراختور ایفتیخاریمیز | |
| ادب، شرف شوعاریمیز | تیراختور ایفتیخاریمیز (۲) |
لوْقولار
دَییشدیر۱۹۷۰ تاریخینده تبریز شهرینده قۇرولان تیراختور فوتبال کولوبو تاریخی بوْیونجا دؤرد لوْقو دان ایستیفاده ائدیب دیر.
-
۱۹۷۰–۲۰۰۵ -
۲۰۰۵–۲۰۱۹ -
۲۰۱۹–۲۰۲۴ -
۲۰۲۴–گۆنۆموز
تراختور فوتبال کلوبونون فوتبال آکادمی‌سی
دَییشدیرموردادآیینین ایکینجی بولوموندن، فوتبال آکادمی‌سی‌نین قورماغی اۆچون پلان‌لار توکولوب و حاضیرلیق‌لار آپاریلیب و شهریور آیی‌نین ۱ -یندن (۱۳۹۰ گۆنش ایلی/۲۰۱۱ میلادی) رسمی صورت‌ده کیلاس‌لاردا آد یازماق باشلانیب. مهر آیی‌نین ۸-ایندن ۱۲۰ اویرنجی‌له آکادمی‌نین باشلانیش توره‌نی کئچیریلیب.
تراختور فوتبال کلوبونون فوتبال آکادمی‌سی ایراندا، آسیا فوتبال کونفدراسیونون قانون‌لاری اساسیندا تشکیل تاپمیش ایلک آکادمی‌دیر.[۴۴]
اویونچولار
دَییشدیر
ایندیکی اویونچولار
دَییشدیر- یوخلاما تاریخی: ۱ آپریل ۲۰۲۱
ایستفاده اوْلونمیش بایراقلار فیفا طرفیندن تایید اوْلوب و مومکوندور بعضی اویونچولارین ایکی وطنداشلیقلاری اوْلموش اولا.
|
|
- ۱۹آلت = ۱۹ یاشدان آشاغا اویونچو
- ۲۱آلت = ۲۱ یاشدان آشاغا اویونچو
- ۲۲آلت = ۲۲ یاشدان آشاغا اویونچو
- ۲۳آلت = ۲۳ یاشدان آشاغا اویونچو
سون مووسوملر
دَییشدیرکولوبون نتیجه‌لری سون ۱۰ ایلده.
مووسوم یئر MP W D L GF GA GD Pts حذفی کاپی قهرمانلار
لیگیاوستون قول وورانلار (قوللار) مشقچی (لر) ۱۳۹۸–۹۹ ۴ ۳۰ ۱۴ ۸ ۸ ۳۱ ۲۳ +۸ ۵۰ GS 
دنیزلی
الهامی
۱۳۹۷–۹۸ ۵ ۳۰ ۱۴ ۱۰ ۶ ۴۲ ۲۵ +۱۷ ۵۲ ۱/۱۶ فینال – 
ایستوکس
دژآگه
توشاک
لیکنز
۱۳۹۶–۹۷ ۱۰ ۳۰ ۸ ۱۰ ۱۲ ۲۸ ۳۳ -۵ ۳۴ ۱/۴ فینال GS پهلوان
ایران‌پوریان
گل‌محمدی
ساغلام
۱۳۹۵–۹۶ ۳ ۳۰ ۱۵ ۱۱ ۴ ۳۸ ۲۴ +۱۴ ۵۶ ایکینجی – حاتمی
ادینهو
قلعه‌نویی
– ۱۳۹۴–۹۵ ۴ ۳۰ ۱۳ ۱۲ ۵ ۴۳ ۲۷ +۱۶ ۵۱ یاری فینال ۱/۸ فینال 
نانگ
ایران‌پوریان
اولیویرا
قلعه‌نویی
۱۳۹۳–۹۴ ۲ ۳۰ ۱۷ ۷ ۶ ۵۸ ۳۴ +۲۴ ۵۸ ۱/۱۶ فینال GS ادینهو
نریمان جهان
خطیبی
اولیویرا
۱۳۹۲–۹۳ ۶ ۳۰ ۱۱ ۱۳ ۶ ۳۹ ۳۳ +۶ ۴۵ قهرمان GS انصاری‌فرد
دقیقی
جلالی
اولیویرا
۱۳۹۱–۹۲ ۲ ۳۴ ۱۸ ۱۱ ۵ ۵۵ ۳۲ +۲۳ ۶۵ ۱/۸ فینال GS سیدصالحی
فلاویو لوپز(۱۰)
اولیویرا
– ۱۳۹۰–۹۱ ۲ ۳۴ ۱۹ ۹ ۶ ۵۷ ۳۲ +۲۵ ۶۶ ۱/۱۶ فینال – فلاویو لوپز(۱۰)
توسی(۸)
قلعه‌نویی
– ۱۳۸۹–۹۰ ۵ ۳۴ ۱۵ ۱۲ ۷ ۴۲ ۲۹ +۱۳ ۵۷ ۱/۸ فینال – علی‌زاده
کرار
کمالوند
–
مووسوملار
دَییشدیر| موسوم | لیگی | روتبه | حذفی کاپی | آسیا قهرمانلار لیگی | توضیح |
|---|---|---|---|---|---|
| ۱۳۴۹–۵۰ | تبریز لیگی | ۱جی | بئله بیر ریقابت یوخیدی | قالخمادی | |
| ۱۳۵۰–۵۱ | تبریز لیگی | ۱جی | قالخدی | ||
| ۱۳۵۱–۵۲ | ایکینجی لیگ | ۳جی | |||
| ۱۳۵۲–۵۳ | ایکینجی لیگ | ۱جی | قالخدی | ||
| ۱۳۵۳–۵۴ | سوپر لیگ | ۱۶جی | فینال | دوشدو | |
| ۱۳۵۴–۵۵ | ایکینجی لیگ | ۲جی | ۱/۸ فینال | قالخدی | |
| ۱۳۵۵–۵۶ | سوپر لیگ | ۵جی | برگزار اولمادی | ||
| ۱۳۵۶–۵۷ | سوپر لیگ | اویونلار یاریمچیلیق قالدی | |||
| ۱۳۵۷–۵۸ | برگزار اولمادی | ||||
| ۱۳۵۸–۵۹ | برگزار اولمادی | ||||
| ۱۳۵۹–۶۰ | تبریز لیگی | ۱۰جی | دوشدو | ||
| ۱۳۶۰–۶۱ | تبریز ایکینجی لیگی | ۱جی | قالخدی | ||
| ۱۳۶۱–۶۲ | تبریز لیگی | ۶جی | |||
| ۱۳۶۲–۶۳ | تبریر لیگی | ۷جی | |||
| ۱۳۶۳–۶۴ | تبریز لیگی | ۱جی | |||
| ۱۳۶۴–۶۵ | تبریز لیگی | ۲جی | |||
| ۱۳۶۵–۶۶ | تبریز لیگی | ۳جی | |||
| ۱۳۶۶–۶۷ | تبریز لیگی | ۲جی | |||
| ۱۳۶۷–۶۸ | تبریز لیگی | ۲جی | |||
| ۱۳۶۸–۶۹ | سوپر لیگ | ۴جی | ۱/۴ فینال | ||
| ۱۳۶۹–۷۰ | برگزار اولمادی | ۱/۸ فینال | |||
| ۱۳۷۰–۷۱ | سوپر لیگ | ۱۰جی | برگزار اولمادی | ||
| ۱۳۷۱–۷۲ | سوپر لیگ | ۳جی | برگزار اولمادی | ||
| ۱۳۷۲–۷۳ | سوپر لیگ | ۸جی | فینال | ||
| ۱۳۷۳–۷۴ | سوپر لیگ | ۹جی | ۱/۸ فینال | دوشدو | |
| ۱۳۷۴–۷۵ | ایکینجی لیگ | ۱جی | ۱/۸ فینال | قالخدی | |
| ۱۳۷۵–۷۶ | سوپر لیگ | ۱۱جی | ۱/۸ فینال | ||
| ۱۳۷۶–۷۷ | سوپر لیگ | ۹جی | برگزار اولمادی | ||
| ۱۳۷۷–۷۸ | سوپر لیگ | ۱۱جی | ۱/۸ فینال | ||
| ۱۳۷۸–۷۹ | سوپر لیگ | ۶جی | ۱/۱۶ فینال | ||
| ۱۳۷۹–۸۰ | سوپر لیگ | ۱۲جی | ۱/۸ فینال | ||
| ۱۳۸۰–۸۱ | سوپر لیگ | ۱۴جی | ۱/۴ فینال | دوشدو | |
| ۱۳۸۱–۸۲ | بیرینجی لیگ | ۳جی | ۱/۳۲ فینال | ||
| ۸۳–۱۳۸۲ | بیرینجی لیگ | ۸جی | ۱/۱۶ فینال | ||
| ۱۳۸۳–۸۴ | بیرینجی لیگ | ۵جی | ۱/۱۶ فینال | ||
| ۱۳۸۴–۸۵ | بیرینجی لیگ | ۲جی | ۱/۴ فینال | ||
| ۱۳۸۵–۸۶ | بیرینجی لیگ | ۱جی | ۱/۳۲ فینال | پلی‌آفا قالخدی | |
| ۱۳۸۶–۸۷ | بیرینجی لیگ | ۴جی | ۱/۱۶ فینال | ||
| ۱۳۸۷–۸۸ | بیرینجی لیگ | ۱جی | ۱/۴ فینال | قالخدی | |
| ۱۳۸۸–۸۹ | سوپر لیگ | ۷جی | ۱/۱۶ فینال | ||
| ۱۳۸۹–۹۰ | سوپر لیگ | ۵جی | ۱/۸ فینال | ||
| ۱۳۹۰–۹۱ | سوپر لیگ | ۲جی | ۱/۱۶ فینال | ||
| ۱۳۹۱–۹۲ | سوپر لیگ | ۲جی | ۱/۸ فیال | گروه مرحله‌سی | |
| ۱۳۹۲–۹۳ | سوپر لیگ | ۶جی | قهرمان | گروه مرحله‌سی | |
| ۱۳۹۳–۹۴ | سوپر لیگ | ۲جی | ۱/۴ فینال | گروه مرحله‌سی | |
| ۱۳۹۴–۹۵ | سوپر لیگ | ۴جی | یاریم فینال | ۱/۸ فینال | |
| ۱۳۹۵–۹۶ | سوپر لیگ | ۳جی | فینال | قالخمادی | |
| ۱۳۹۶–۹۷ | سوپر لیگ | ۱۰جی | ۱/۴ فینال | گروه مرحله‌سی | |
| ۱۳۹۷–۹۸ | سوپر لیگ | ۵جی | ۱/۱۶ فینال | قالخمادی | |
| ۱۳۹۸–۹۹ | سوپر لیگ | ۴جی | قهرمان | گروه مرحله‌سی |
ایفتیخارلار
دَییشدیر
رسمی عونوانلار
دَییشدیر
ایکینجی (۱): ۱۳۹۹
شامپیون (۱): ۸۸–۱۳۸۷
- شامپیون (۱): ۱۹۹۲
- شامپیون (۱): ۸۵–۱۹۸۴
- شامپیون (۱): ۸۲–۱۹۸۱
رسمیتسیز عونوانلار
دَییشدیر
MILLS International Cup
- شامپیون (۱): ۱۹۹۵
- DCM Trophy
- شامپیون (۱): ۹۶–۱۹۹۵[۴۵]
- سرداران شهید کاپی
- شامپیون (۲): ۱۹۹۵، ۱۹۹۶
- شهدا کاپی
- شامپیون (۲): ۲۰۱۴، ۲۰۱۷
پرسوْنل
دَییشدیرتکنیک هیئت
دَییشدیر| وظیفه | آد |
|---|---|
| باش مشقچی | دراقان اسکوچیچ
|
| یاردیمجی مشقیچی | ویه‌کوسلاو میلیتیچ
|
| قوْلر مشقچیسی |  امیلیو آلوارز
|
| آنالیزور | دینو زیسکا
|
| تاخیم مودورو | خداداد عزیزی
|
| ایدمان موعاوینی | یونس باهنر
|
| آکادمی مودورو | نناد نیکولیچ
|
| مدیا مودورو | کریم جمالی
|
ایداره هیئتی
دَییشدیر| وظیفه | آد |
|---|---|
| مالیک | محمدرضا زونوزی مطلق |
| باش مودور | سعید مظفری‌زاده |
| باش مودور مصلحتچی‌سی | کاظم محمودی |
| ایداره هیئتی باشقانی | عباس الیاسی |
| ایداره هیئتی باشقان موعاوینی | فرزین قنبری قوشچی |
| ایداره هیئتی اۆیه‌لری | محمد حسن‌نژاد |
| علی محمودزاده | |
| احمد انیسه | |
| طرفدار کولوبو باشقانی | وحید رسول‌زاده |
آسیا رکوردو
دَییشدیر- سوْن یوْخلاما: ۱۲ مارس ۲۰۲۵
| تورنومنت | اوْیون | قالیبیت | برابرلیک | مغلوبیت | وۇرولان قوْل | یئییلن قوْل | قازانماق (%) |
|---|---|---|---|---|---|---|---|
| آسیا شامپیونلار لیگی | ۴۰ | ۱۰ | ۱۰ | ۲۰ | ۴۲ | ۵۷ | ۲۵٫۰۰ |
| آسیا شامپیونلار لیگی ایکی | ۸ | ۴ | ۴ | ۰ | ۲۳ | ۱۰ | ۵۰٫۰۰ |
| جمعی | ۴۸ | ۱۴ | ۱۴ | ۲۰ | ۶۵ | ۶۷ | ۲۹٫۱۷ |
اوْیونلار
دَییشدیر| تورنومنت | مؤوسوم | دؤور | حریف | ائو | قوْناق | جمعی |
|---|---|---|---|---|---|---|
| آسیا شامپیونلار لیگی | ۲۰۱۳ | قروپ مرحله‌سی (قروپ A) |
 الجزیره
|
۳–۱ | ۰–۲ | – |
 الجیش
|
۲–۴ | ۳–۳ | ||||
 الشباب
|
۰–۱ | ۰–۱ | ||||
| ۲۰۱۴ | قروپ مرحله‌سی (قروپ C) |
الاتحاد
|
۱–۰ | ۰–۲ | – | |
| الدحیل
|
۰–۱ | ۰–۰ | ||||
| العین
|
۲–۲ | ۱–۳ | ||||
| ۲۰۱۵ | قروپ مرحله‌سی (قروپ D) |
 نسف قارشی
|
۱–۲ | ۱–۲ | – | |
| شباب الاهلی
|
۱–۰ | ۲–۳ | ||||
| الاهلی
|
۲–۲ | ۰–۲ | ||||
| ۲۰۱۶ | قروپ مرحله‌سی (قروپ C) |
الجزیره
|
۴–۰ | ۱–۰ | – | |
| پاختاکور
|
۲–۰ | ۰–۱ | ||||
| الهلال
|
۱–۲ | ۲–۰ | ||||
| ۱/۸ فینال | النصر
|
۳–۱ | ۱–۴ | ۴–۵ | ||
| ۲۰۱۸ | قروپ مرحله‌سی (قروپ A) |
الجزیره
|
۱–۱ | ۰–۰ | – | |
| الاهلی
|
۰–۱ | ۰–۲ | ||||
| الغرافه
|
۱–۳ | ۰–۳ | ||||
| ۲۰۲۱ | قروپ مرحله‌سی (قروپ B) |
پاختاکور
|
۰–۰ | ۳–۳ | – | |
| الشارجه
|
۰–۰ | ۲–۰ | ||||
 هاوا قوه‌لری
|
۱–۰ | ۰–۰ | ||||
| ۱/۸ فینال | النصر
|
۰–۱ | ||||
| ۲۴–۲۰۲۳ | پلی آف مرحله‌سی | الشارجه
|
۱–۳ | – | ||
| آسیا شامپیونلار لیگی ایکی | ۲۵–۲۰۲۴ | قروپ مرحله‌سی (قروپ A) |
الوکره
|
۳–۳ | ۳–۰ | – |
 روشن کولاب
|
۷–۰ | ۳–۱ | ||||
| ۱/۸ فینال |  الخالدیه
|
۳–۳ | ۲–۱ | ۵–۴ | ||
| ۱/۴ فینال | التعاون
|
۰–۰ | ۲–۲ | ۲–۲ (پ. ۲–۴) | ||
آسیا تورنومنت‌لرینده قوْل وۇران اوْیونچولار
دَییشدیر| سؽرا | اوْیونچو | آسیا شامپیونلار لیگی | آسیا شامپیونلار لیگی ایکی | جمعی |
|---|---|---|---|---|
| ۱ | امیرحسین حسین‌زاده
|
۰ | ۸ | ۸ |
| ۲ | فرزاد حاتمی
|
۴ | ۰ | ۴ |
| محمد عباس‌زاده
|
۴ | ۰ | ۴ | |
| ۳ |  قیلسون
|
۳ | ۰ | ۳ |
 سوکول چیکالشی
|
۰ | ۳ | ۳ | |
| مهدی هاشم‌نژاد
|
۱ | ۲ | ۳ | |
| تومیسلاو اشترکالی
|
۰ | ۳ | ۳ | |
| ۴ | سید مهدی سیدصالحی
|
۲ | ۰ | ۲ |
| فرشاد احمدزاده
|
۲ | ۰ | ۲ | |
| ادینهو
|
۲ | ۰ | ۲ | |
| بختیار رحمانی
|
۲ | ۰ | ۲ | |
| آقوستو سئزار
|
۲ | ۰ | ۲ | |
 آلویس نانگ
|
۲ | ۰ | ۲ | |
| محمد ایران‌پوریان
|
۲ | ۰ | ۲ | |
| مهدی ترابی
|
۰ | ۲ | ۲ | |
| ریکاردو آلوز
|
۰ | ۲ | ۲ | |
| دوماقوی دروژدک
|
۰ | ۲ | ۲ | |
| ۵ | جواد کاظمیان
|
۱ | ۰ | ۱ |
| مسعود ابراهیم‌زاده
|
۱ | ۰ | ۱ | |
| فلاویو لوپز
|
۱ | ۰ | ۱ | |
| کریم انصاری‌فرد
|
۱ | ۰ | ۱ | |
| میلاد فخرالدینی
|
۱ | ۰ | ۱ | |
| سعید دقیقی
|
۱ | ۰ | ۱ | |
| شاهین ثاقبی
|
۱ | ۰ | ۱ | |
| مهدی کیانی
|
۱ | ۰ | ۱ | |
| مهرداد بایرامی
|
۱ | ۰ | ۱ | |
| سامان نریمان جهان
|
۱ | ۰ | ۱ | |
| شجاع خلیل‌زاده
|
۱ | ۰ | ۱ | |
| مهدی شریفی
|
۱ | ۰ | ۱ | |
| سعید آقایی
|
۱ | ۰ | ۱ | |
| اشکان دژآگه
|
۱ | ۰ | ۱ | |
| مهدی تیکدری
|
۱ | ۰ | ۱ |
اَن یاخشی غلبه‌لر
دَییشدیر| # | اویونون نتیجه‌سی | وورولان گل‌لارین جمعی | وورولان گل‌لارین فرقی |
|---|---|---|---|
| ۱ | تیراختور ۶–۰ ایستیقلال خوزیستان[۴۶] | ۶ | ۶ |
| ۲ | تیراختور ۵–۰ گهر دورود[۴۷] | ۵ | ۵ |
| ۳ | تیراختور ۵–۰ ایستیقلال اهواز[۴۸] | ۵ | ۵ |
| ۴ | تیراختور ۴–۰ الجزیره ایمارات[۴۹] | ۴ | ۴ |
| ۵ | تیراختور ۴–۰ نساجی مازندران[۵۰] | ۴ | ۴ |
| ۶ | تیراختور ۴–۱ پرسپولیس تهران[۵۱] | ۵ | ۳ |
| ۷ | تیراختور ۴–۱ ایستیقلال تهران[۵۲] | ۵ | ۳ |
| ۸ | تراکتور ۴–۱ راه‌آهن تهران[۵۳] | ۵ | ۳ |
| ۹ | تراکتور ۴–۱ سیپاهان ایصفهان[۵۴] | ۵ | ۳ |
| ۱۰ | تراکتور ۴–۱ ذوب‌آهن ایصفهان[۵۵] | ۵ | ۳ |
شخص رئکوردلاری
دَییشدیر۳ ژوئن ۲۰۱۹تاریخینه گوره کولوبدا ان چوخ اویونلی و ان چوخ قول ووران اویونچولارین لیستی. محمد ابراهیمی ۱۸۰ اویوندا ۳۱ قول ووروب و کولوبون ان چوخ اویون کئچیرن و ان چوخ قول ووران اویونچوسودور. بو لیسته بوتون موسابیقه‌لرین قوللاری داخیلدیر.
.jpg)
| اویونچو | زامان | اویونلار | قوللار | |
|---|---|---|---|---|
| ۱ | محمد ابراهیمی
|
۱۵–۲۰۰۹، ۱۸–۲۰۱۶ | ۱۸۰ | ۳۱ |
| ۲ | ادینهو
|
۱۵–۲۰۱۴، ۱۷–۲۰۱۶ | ۵۲ | ۲۷ |
| ۳ | فرزاد حاتمی
|
۱۲–۲۰۱۱، ۲۰۱۸–۲۰۱۶ | ۸۳ | ۲۳ |
| ۴ | فلاویو لوپز
|
۱۳–۲۰۱۱ | ۶۷ | ۲۱ |
| ۵ | سید مهدی سیدصالحی
|
۱۳–۲۰۱۲ | ۳۸ | ۱۹ |
| ۶ | کریم انصاری‌فرد
|
۱۴–۲۰۱۳ | ۳۵ | ۱۷ |
| ۷ | محمد عباس‌زاده
|
۲۰۲۰– | ۲۳ | ۱۳ |
| ۸ | اشکان دژآگه
|
۲۰۱۸– | ۶۵ | ۱۳ |
| ۹ |  آنتونی ایستوکس
|
۲۰۱۹–۲۰۱۸ | ۲۴ | ۱۳ |
| ۱۰ | کرار جاسم
|
۱۱–۲۰۰۹، ۱۷–۲۰۱۶ | ۷۰ | ۱۳ |
| ۱۱ | محمد نصرتی
|
۱۰–۲۰۰۹، ۱۱–۲۰۱۰، ۱۴–۲۰۱۲ | ۱۲۳ | ۱۲ |
| ۱۲ | سامان نریمان جهان
|
۲۰۱۵–۲۰۱۴ | ۴۳ | ۱۱ |
| ۱۳ | علی علی‌زاده
|
۱۲–۲۰۱۰ | ۴۰ | ۱۰ |
قایناقلار
دَییشدیر- ^ Al Nasr fully focused on stern test in Iran with AFC Champions League quarter-finals in touching distance - Aay 24, 2016.
- ^ https://www.yjc.ir/fa/news/5541064
- ^ Yadegar-e Emam Stadium (Sahand Stadium) – StadiumDB.com.
- ^ ورزشگاه یادگار امام تبریز؛ اولین استادیوم بزرگ کشور بعد از استادیوم آزادی (6 April 2017). آرشیولنیب اصلی نۆسخه‌دن on 2020-09-28. یوْخلانیلیب2020-02-02.
- ^ تراختور کیست؟. آرشیولنیب اصلی نۆسخه‌دن on 2010-11-23. یوْخلانیلیب2015-08-02.
- ^ سرخابی هستید یا طرفدار تراختور؟. آرشیولنیب اصلی نۆسخه‌دن on 2012-04-23. یوْخلانیلیب2015-08-02.
- ^ https://www.tarafdari.com/node/1397089
- ^ ۸٫۰ ۸٫۱ ۸٫۲ ۸٫۳ ۸٫۴ ۸٫۵ حدادپور، مهدی. "تراختور... شیرِ". روزنامه ورزشی گل. ۲۰ خرداد ۱۳۸۸. سال چهارم شماره ۹۶۲، صفحهٔ ۵
- ^ کتاب ۳۴ سال با پرسپولیس (از سال ۴۷ تا سال ۸۱)نویسنده: صداقت، فرهاد، چاپ اول، تبریز، شهریور ۱۳۸۱، صفحه ۹۱ تا ۹۴، شابک 964-06-1693-1
- ^ گزارش ویژه دربارهٔ پدیده سال؛ تراکتورسازی و هوادارانش. رستمی، حمید. وبگاه گل (۲۹ اسفند ۱۳۸۸).
- ^ ۳۴ سال با پرسپولیس (از سال ۴۷ تا سال ۸۱). تبریز. pp. ص ۱۰۸. ISBN 964-06-1693-1.
- ^ فرمانده سپاه عاشورا اعضای هیئت مدیره باشگاه تراکتورسازی را اعلام کرد. خبرگزاری ایسنا (۱۱ خرداد ۱۳۹۰).
- ^ مؤسسه قرض الحسنه جوانان خیر - ۳۰ درصد از سهام باشگاه تراکتورسازی به مؤسسه قرض الحسنه جوانان خیّر واگذار شد
- ^ Official: Toni becomes new Tractor head coach. Goal (9 June 2012).
- ^ دومین قهرمانی تراکتور در جام‌حذفی؛ شام آخرِ فرهاد تلخ بود (fa) (2020-09-03).
- ^ داستان تراکتورسازی در 10 پرده. ورزش ۳ (۶ اسفند ۱۳۹۱).
- ^ ادامه طلسم شکنی تراکتورسازی با ژنرال در آسیا. آناج (۳۱ فروردین ۱۳۹۵).[دائمی اولو باغلانتیلی]
- ^ تراکتورسازی قهرمان جام حذفی شد؛ اولین جام برای تونی و کریمی. خبر ورزشی (۲۵ بهمن ۱۳۹۲).
- ^ علیرضا منصوریان از تراکتور اخراج شد (fa). خبر ورزشی (2020-12-08).
- ^ تراکتور مدل ۱۴۰۰؛ از صدر به قعر با ۶ راننده! (fa). تسنیم (۶ فروردین ۱۴۰۱).
- ^ پرتماشاگرترین بازی‌های تراکتور/ تمام بازی‌هایی که ظرفیت یادگار امام را تکمیل کرد+ تصاویر. فارس نیوز (۲۳ فروردین ۱۴۰۲).
- ^ تراکتورسازی پرطرفدارترین تیم قاره کهن در ۲۰۱۶. ورزش ۳.
- ^ آماری که نشان می‌دهد تراکتورسازی محبوب تر از استقلال و پرسپولیس است!. سایت 90. آرشیولنیب اصلی نۆسخه‌دن on 2016-03-04. یوْخلانیلیب2025-02-02.
- ^ تراکتور در جمع 5 باشگاه پرطرفدار جهان. ورزش 3 (17 مهر 1398).
- ^ ترانسفرمارکت: تراکتور در جمع پنج باشگاه پرطرفدار جهان. عصر ایران (11 مهر 1398).
- ^ Tractor SC voted Asia's Most Popular Club | Football | News | (en-GB). the-AFC.
- ^ تونی: در بنفیکا هم چنین هواداران پرشوری ندیده بودم. ایسنا (۳۰ تیر ۱۳۹۱).
- ^ تونی: در سی و چهار سالی که در فوتبال هستم چنین تشویق‌هایی را از هواداران ندیده بودم.. تیراختور رسمی وئب‌سلیتی (۳۰ تیر ۱۳۹۱). آرشیولنیب اصلی نۆسخه‌دن on 2012-07-24. یوْخلانیلیب2025-02-02.
- ^ توشاک:هواداران تراکتور من را یاد لیورپولی‌ها انداختند/خوشحالم، اما هنوز به زمان زیادی نیاز داریم. ایسنا (۳۰ تیر ۱۳۹۱).
- ^ گزارش ویژه دربارهٔ پدیده سال؛ تراکتورسازی و هوادارانش. رستمی، حمید. وبگاه گل (۲۹ اسفند ۱۳۸۸).
- ^ قانونی نانوشته؛ ترکی ننویسید!. روزبه، اردوان. رادیو زمانه (۲۶ دی ۱۳۸۸).
- ^ گزارشی در بارهٔ تیم تراکتورسازی تبریز؛ «یاشاسین تراکتور». روزبه، اردوان. رادیو زمانه (۱ اسفند ۱۳۸۸).
- ^ نتیجه سلفی گرفتن نخست‌وزیر ارمنستان در تهران؛ اعتراض به جمهوری اسلامی. کیهان لندن (۱۱ اسفند ۱۳۹۷).
- ^ تراکتور-استقلال پرتماشاگرترین بازی هفته جهان. ورزش 3 (۱۱ آبان ۱۳۹۸).
- ^ استقبال رسانه‌های ترکیه‌ای از حرکت برخی تماشاگران تراکتور در بازی مقابل استقلال. تسنیم (۱۰ آبان ۱۳۹۸).
- ^ شعار برخی هواداران تیم تراکتور در حمایت از ترکیه. بی‌بی‌سی (۱۱ آبان ۱۳۹۸).
- ^ زنان و کودکان تماشاگران ویژه تراکتورسازی و پرسپولیس، 27 فروردین 1389، خبرآنلاین
- ^ حضور تعدادی از هواداران زن تراکتورسازی تبریز در بازی رفت روز جمعه، یاری‌یول، تبریزسسی. آرشیولنیب اصلی نۆسخه‌دن on 2016-03-06. یوْخلانیلیب2015-08-02.
- ^ خبر خوب برای زنان هوادار تراکتور؛ زمان بازگشت به ورزشگاه یادگار فرا رسید. تابناک (۳۰ مرداد ۱۴۰۳).
- ^ پنج فریم از پنج اتفاق خوب هفته:شعار تراکتوری‌ها و جوانان آبادانی. آی اسپورت (۲ سپتامبر ۲۰۱۶). آرشیولنیب اصلی نۆسخه‌دن on 2016-09-02. یوْخلانیلیب2025-02-11.
- ^ حضور ۲۰ هزار نفری هواداران و شعار برای احیای دریاچه ارومیه (fa). مهر نیوز (۲۱ مهر ۱۳۹۶).
- ^ هواداران تراکتور سازی شعار یاشاسین آذربایجان سرمی‌دهند (fa). تسنیم (۲۵ بهمن ۱۳۹۲).
- ^ بیرلیق گوجون اینانمشوق... داغلار کیمی دایانمیشوق... (fa). طرفداری (۳۰ اردیبهشت ۱۳۹۷).
- ^ آکادمی فوتبال تراکتورسازی افتتاح شد، کد خبر : 52655 زمان ارسال : سه‌شنبه 12/07/1390 10:40[دائمی اولو باغلانتیلی]
- ^ List of winners and runners-ups of the DCM Trophy Archived 2020-10-23 at the Wayback Machine. RSSSF.com. Retrieved 20 April 2021
- ^ https://www.mashreghnews.ir/news/897413/فیلم-خلاصه-بازی-تراکتورسازی-۶-۰-استقلال-خوزستان
- ^ https://www.khabaronline.ir/photo/244910/تراکتور-تیم-دورود-را-گلباران-کرد
- ^ https://www.varzesh3.com/match/57323
- ^ https://tamasha.com/v/8Z39x
- ^ https://www.varzesh3.com/news/1644679/نساجی-صفر-تراکتور-4-دنیزلی-همیشه-مطمئن
- ^ https://www.ilna.ir/بخش-ورزشی-7/695489-وقتی-تراکتورسازی-پرسپولیس-را-تایی-کرد-ویدیو
- ^ https://90tv.ir/videos/خلاصه-بازی-استقلال-1-4-تراکتورسازی[دائمی اولو باغلانتیلی]
- ^ https://90tv.ir/videos/خلاصه-بازی-تراکتورسازی-4-1-راه-آهن[دائمی اولو باغلانتیلی]
- ^ archive copy. آرشیولنیب اصلی نۆسخه‌دن on 2021-01-24. یوْخلانیلیب2021-04-23.
- ^ https://90tv.ir/videos/خلاصه-و-حواشی-تراکتورسازی-4-1-ذوب-آهن-نود-25-بهمن[دائمی اولو باغلانتیلی]
باغلانتیلار
دَییشدیر| ویکی‌آمباردا تیراختور فوتبال کولوبو ایله مربوط فایل وار. |
- اخبار باشگاه فرهنگی ورزشی تراکتورسازی Archived ۲۰۱۴–۰۵-۱۷, at the Wayback Machine.
- Tiraxtur oyununda görüntü toplusu Archived ۲۰۱۶–۰۳-۰۵, at the Wayback Machine.
- Video Toplusu – Tractor Sazi E Azerbaijan – The World's Most Popular Spectator Football Team (soccer) Archived ۲۰۱۲–۰۳-۳۱, at the Wayback Machine.
- Rəsmi Sayt
- سایت هواداران تراکتورسازی تبریز Archived ۲۰۱۳–۱۱-۰۴, at the Wayback Machine.
- سایت هواداران تراختور آذربایجان Archived ۲۰۱۵–۰۶-۲۹, at the Wayback Machine.
- تراختورچیلار Archived ۲۰۱۳–۰۷-۳۰, at the Wayback Machine.
- کلوب هواداران تراکتور سازی
- سایت هواداران تراکتور
- تراختورلینک – همه لینکهای تراختور Archived 2013-03-02 at the Wayback Machine.