مشهد قاراقان

مشهد قاراقان (فارسجا: مشهد قرقان) ، قزوین اوستانینین ، آوج بؤلگه‌سینین ، مرکزی بؤلۆمۆنۆن ، حاصار ولیعصر قصبه‌سینده یئرلشن بیر کند.

مشهد قاراقان مشهد قاراقان
عکس
معلوماتلار
اهالی	۸۳۰نفر
عایله سایی	۱۶۰
دین	مۆسلمان ، شیعه
دیل	آذربایجان تۆرکجه‌سی
اینظیباتی ایداره
اؤلکه	ایران
بؤلگه	آوج بؤلگه‌سی
بؤلوم	مرکزی
قصبه	حاصار ولیعصر
شهر	آوج

جوغرافیایی یئرلشمه‌سی

بو کند گۆنئی آذربایجانین تاریخی یئرلرینده و قزوین اوستانینین گۆنئیینده یئرلشیب‌دیر.بو کند بیر دۆز یئرین اۆستۆنده‌دیر کی اوْنون سوْنو قاضی‌آوا داغینا یئتیشیر.

اهالی

بو کندین اهالی‌سی ۱۳۹۰جی ایلینین سایینا گؤره ۸۳۰نفر و ۱۶۰ ائولی‌ایمیش.

سوی و دیل

بو کندین بۆتۆن اهالی‌سی آذربایجان تۆرکلرینه باغلی اوْلان قاراقویونلو بوْیوندان‌دورلار کی ایندیلیکده اوْنلارا قاراقانلی دئیرلر.اینانج باخیمیندان دا شیعه دیرلر.

تاریخی یئرلر

مشهد تپه‌سی و کندین پالچیق ائولری اوْنون تاریخی و گؤرمه‌لی یئرلری سایا گلیرلر.بو کند‌ده یئرلشن پالچیق ائولرین قیدمتی یۆز اوْتوز ایل بوندان اؤنجه‌یه یئتیشیر.

محصوللار

جویز ، بادام ، اۆزۆم ، اۆزرلیک ، توْختاجلی بیتکی‌لر ، هولو ، بوغدا و آرپا بو کندین اۆرۆنلری ساییلیرلار.