میرزه علی لعلی
میرزه علی لعلی و یا میرزه علیخان ایروانی — آذربایجانلی شاعیر، حکیم.[۱]
| میرزه علی لعلی | |
|---|---|
 | |
| چالیشما ساحه‌سی | شعیر و طبابت |
| دوْغوم تاریخی | 1845 تبریز |
| اؤلوم تاریخی | 1907 تیفلیس |
| میلیت | آذربایجان تورکو |
| لقبی | شمس الحکما |
| پئشه | طبیب و شاعیر |
| شعرلر دیوانی | دیوان لعلی |
| تاثیر قویموش | {{{تاثیر قویموش}}} |
یاشاییشی
دَییشدیرمیرزه علی لعلی 1845-جی ایلده تبریزده [۲]دونیایا گلیب. آتا-آناسی اصلا ایروانلی اولوب. تبریز مدرسه‌لرینده تعلیم-تربیه آلیب. عرب و فارس دیل‌لرینی اؤیره نیب. تبریزده عطارلیق دوکانی آچیب و بیر مودّت تیجارتله مشغول اولوب. سونرا او دؤورون مشهور حکیم‌لریندن طبابت علمینی اؤیره‌نیب. بو ساحه‌ده بیلیک‌لرینی تکمیل‌لشدیرمک اوچون تهرانا گئدیب. سونرا تبریزه قاییداراق حکیم‌لیک ائتمگه باشلاییب. اؤز بیلیک و تجروبه‌سینی آرتیرماق اوچون میصیره، ایستانبولا، حتّی اوروپانین بعضی شهرلرینه سفرلر ائدیب. ایرانین ان مشهور حکیم‌لریندن بیری ساییلیب.
لعلی‌نین حیکمتلی سؤزلری دیل‌لرده ازبر اولوب و ضرب‌المثل‌لره چئوریلیب. شاعیر-حکیم بیر سیرا هجولر ده قلمه آلمیشدیر. " شمس الحکما " لقبینی مظفرالدین شاهین تبریزده ولیعهد اولدوغو واخت‌لاردا خسته‌لریندن بیرینی موعالیجه ائدیب ساغالتدیغی اوچون آلیب و بوندان باشقا اونا وظیفه ده وئریلیب.
مداح‌لیقلا آراسی اولمایان، حوریت و آزادلیق سئون شاعیر او دؤورده یوکسک منصب صاحیب‌لری نین قوصورلارینی اؤز هجولرینده یازیب. واختی‌نین چوخونو سیاحتده کئچیریب. اساساً تیفلیسه و ایستانبولا سفرلر ائدیب.
شعیرلری‌نین چوخو آذربایجان تورکجه‌سینده دیر. قصیده‌لری، غزل‌لری، دوبئیتی‌لری و نؤوحه‌لری واردیر.
شعیرلریندن اؤرنک
دَییشدیربوینوما کاکیلین، ائی شوخ، کمند ائیله‌میسن،
بیر اوزون فیکره منیم باشیمی بند ائیله‌میسن.
سایه‌یی-مرحمتین باشیما دوشمز، نه ثمر،
کی، سهی قدّینی بیر سروی-بولند ائیله‌میسن.
بیر نفس لعلی-لبین ذیکری دیلیمدن دوشمز،
منی طوطی کیمی تیریاکی یی-قند ائیله‌میسن.
گؤیه ده چیخسا، موقابیل دورا بیلمز قاشینا،
بیر هیلالی کی، اونو نعلی-سمند ائیله‌میسن. [۲]
...............
خالیندان اوچدو مورغی-خیالیم لب اوستونه،
قیسمت چکیب گتیردی نه خوش مشرب اوستونه.
کؤنلوین خیالی-زولفی-پریشاندا جمع ایدی،
بیردن داغیلدی خال و خط و غبغب اوستونه،
ائیلر سیلاحی-حوسنی-روخون عالمی خراب،
زولفون آچیلسا پرچمی، بو موکب اوستونه. [۲]
.............
اتک یازی‌لار
دَییشدیر- ^ Ziyəddin Məhərrəmov. "İrəvanda məktəbdarlıq və maarifçilik", Bakı, "Nurlan", 2010.
- ^ ۲٫۰ ۲٫۱ ۲٫۲ ۲٫۳ Tərtib edəni: Zaman Əsgərli (2005). "XIX əsr Azərbaycan şeiri antologiyası" (PDF). Milli Kitabxana (azərb.). "Şərq-Qərb". 2016-03-05 tarixindəarxivləşdirilib (PDF). İstifadə tarixi: 2016-08-13.