۱۳۹۶ ایران اعتیراضلاری

۱۳۹۶ ایلی‌نین اعتيراضلاری — ۱۳۹۶-جی ايلی‌نین ۷ دی تاریخینده ایران ايسلام جۇمهوریتی‌نين مۆختليف شهرلرینده باشلایان بیر سری اعتيراضلاردیر. ایرانین ایکينجی بؤیوک شهری اوْلان مشهد شهرینده اوْرتایا چیخان تظاهوراتدا مينلر نفر،اؤلکه‌نين پايتختی تهران شهرينده ده يۆزلر تعدادیندا اینسان ايشتيراک ائتميشدير. ايرانين نیشابور، کاشان، کیرمان، کیرمانشاه، کاشمر، رشت، ایصفاهان، اراک، بندرعباس، اردبیل، قزوین، همدان، ساری، آمول، شاهین‌شهر، شهرکورد، شیراز، خورم‌آباد، زنجان، گورگان، زاهیدان، اورمیه، دورود، بوکان، یزد و شاهرود شهرلرينده ده تظاهوراتلار مئیدانا چیخمیشدیر . ايديعالارا گؤره اعتيراضلار ایجتیماعی شبکه‌لرده اينسانلارين ایرتیباط‌ قۇرماسی ایله تشکيل ائديلميشدير. اعتيراضدا ايشتيراک ائدنلر تئز-تئز " روحانی‌يه اؤلوم " و " دیکتاتورا اؤلوم " شوعارلارینی وئرمیشدیرلر. اعتيراضلار اوّلده اؤلکه‌نين ايقتيصادی مۆشکیلری باره‌ده ایدی، آنجاق بۇ اعتیراضلار قیسا زاماندان سوْنرا ايرانین اورتا شرق (خاورمیانه)ده اوْلان مۆناقيشه‌لره داخیل اوْلماسی و اؤلکه‌نين ایسلامچی حؤکومتی‌نین علیه‌ینه دؤنموشدور. چوْخلو اعتيراضچیلار " ايسلامی جۇمهوریه اؤلوم! " شوعاری وئرمیشدیرلر. دسامبرین ۲۹-دان۳۰-آ کئچن گئجه مرکزی ایراندا باش وئرن اعتیراضلاردا پولیسین ۴ نفره گۆللـه آتما نتیجه‌سینده اعتیراضلار شیدّتلنمیش و ۳ نفرین اؤلمو ایله ۱ نفرین يارالانماسینا سبب اوْلموشدور.