ایران تورکلرینین آذربایجان جومهوریتی‌نه دستک گؤستریلری ۱۳۹۹
ایران تورکلرینین آذربایجان جومهوریّتی‌نه دستک گؤستریلری — ایران اؤلکه‌سینده ۱۳۹۹–جو هیجری گۆنشلی ایلین خزل آییندا ایران تورک‌لری طرفیندن آذربایجان جومهوریتی‌نی ۲۰۲۰ داغلیق قاراباغ ساواشی‌ندا دستک ائتمک مقصدی‌له باش وئرمیش گؤستریلره دئیلیر.[۱]
آرخا فونو دَییشدیر
۱۹۹۴–جو میلادی ایلده بیشکک شهرینده ایمضالانان آتش‌کس بیاناتی‌ندان سونرا آذربایجان جومهوریتی و ارمنیستان آراسیندا بؤلگه‌ده تخمیناً ۲۶ ایللیک نیسبی ساکیتلیک حؤکم سۆردۆ و نتیجه‌ده ۲۰۲۰–جی ایلین ژوئیه‌سینده باشلایان سرحد توْققوشمالاری‌نین یئنیدن باشلاماسینا سبب اولدو. قارشی‌دورمالار ایرانین ارمنیستانا حربی یاردیمی‌نین ویدئولاری سوسیال مدیا دا یاییلارکن باشلادی و بو، ایران آذربایجان‌لی‌لاری‌نین آراسیندا میلّتچی دۆشۆنجه‌لره سبب اولدو. حسن روحانی ایرانین جومهورباشقانی، ایرانین ارمنیستانا یاردیم ائتمه‌سینی تکذیب ائتدی. حسن روحانی‌نین اوفیس لیدری محمود واعظی، بعضی مدیادا، سانال دونیادا و سوسیال شبکه‌لرده ایرانین ایکی اؤلکه آراسیندا قارشی‌دورمادا ارمنیستانا یاردیم گؤندرمه‌سی باره‌ده یاییلان خبرلری قطعیت‌له رد ائتدی و دئدی کی بو ایدعالاری اساس‌سیز حساب اولونور.[۲][۳]
علی خامنه‌ای نۆماینده‌لری‌نین حیمایتی آذربایجان جومهوریتیندن دَییشدیر
محمدعلی آل‌هاشم، سیدحسن عاملی، علی خاتمی و سیدمهدی قریشی علی خامنه‌ای‌نین شرقی آذربایجان، اردبیل، زنجان و غربی آذربایجان اوستانلارینداکی نۆماینده‌لری اؤز آچیقلامالاریندا آذربایجان جومهوریتیندن حیمایت ائتدیلر. علی خامنه‌ای ده «قاراباغ ایسلام و آذربایجان توپراغی دیر» دئیه ظاهیرده آذربایجان‌دان حیمایت ائتدی. علی خامنه‌ای نۆماینده‌لری آچیقلامالاریندا تأکید ائتدیلر کی آذربایجان جومهوریتی قاراباغ توپراق‌لاری‌نین آزاد ائدیلمه‌سینه هم قانونی و هم شرعی نظردن حاقلی‌دیر و قاراباغ آذربایجانین قانونی توپراقلاری‌دیر. بو نۆماینده‌لر «داغلیق قاراباغ آذربایجانا مخصوص اولدوغونا و آذربایجانا قایتاریلماسی لازیم اولدوغونا تردید اولمادیغی‌نی» وۇرغۇلادیلار و آذربایجان جومهوریتی‌نه دستک اولدوقلاری‌نی ایفاده ائتدیلر.[۴][۵]
اعتیراضلار دَییشدیر
سوگونو خزل آیی‌نین ۱۰–جو گونو ۱۳۹۹–جو هیجری گۆنشلی ایلینده "آذربایجان جومهوریتی" و "داغلیق قاراباغ آزادلیغی" اوچون دستک چاغیریشیندان سونرا تهران، مراغه، نقده، تبریز، اورمیه، اردبیل، زنجان، مشکین‌شهر و سلماس دا کئچیریلن میتینگلر برپا اولوندو و "ایران و روسیه‌نین ارمنیستانا دستگینه" اعتیراض ائدیلدی. تهران و تبریز داخیل اولماق‌لا بعضی شهرلرده میتینگلر پولیس مۆداخیله‌سی ایله شیدّته چئویریلدی.[۶]
- تبریزده[۷] راستاکۆچه ده توْپلاشانلار "نوردوز گرک باغلانا" شوعارلاری سسلندیره‌ره‌ک نوردوز مرزی‌نین باغلانماسین ایسته‌دیلر و ایران‌دان ارمنیستانی دستکلنمک‌دن چکینمه‌سینی طلب ائتدیلر. تربیت ده میتینگلر و نۆماییشلر گؤستریشلی شکیلده یاییلدی، عۆصیاناقارشی موتورسیکلتچی‌لرین اعتیراضچی‌لره هۆجوم ائتمه‌لری اعتیراضچیلارین اولاری‌له چاتیشماسینا سبب اولدو.
- تهران‌دا[۸] هابئله اعتیراضچیلار امام حسین مئیدانی‌ندا ییغیشیب و آذربایجان جومهوریتیندن حیمایت ائتدیلر. تهرانداکی اعتیراضچیلار «قاراباغ آذربایجان‌دیر» ، «ارمنی دن حیمایت جینایت دی جینایت» ، «قاراباغ بیزیمدیر بیزیم اولاجاق» و «یاشاسین آذربایجان» شوعارلاری‌نی سسلندیردیلر.
- اردبیل‌ده[۹]، اورمیه‌ده و زنجان‌دا[۱۰] اعتیراضچیلار میتینگلر کئچیریلدیلر. بو شهرلرده خالق جیرال پارکی، بازارباش مئیدانی و سبزه مئیدان دا ییغیشیب و آذربایجان جومهوریتیندن حیمایت ائتدیلر. بو شهرلرین اعتیراضلاری دا عۆصیاناقارشی گۆجلری‌نین شیدّتلی هۆجومونا معروض قالدی.
حبس‌اولانلار دَییشدیر
بین‌الخالق عفو تشکیلاتی، ۱۱ خزل جۆمعه گۆنۆ بیر چوخ تۆرک فعالین توتولماسی باره‌ده یاییلان خبرلردن ناراحات اولدوغونو دیله گتیردی و ایران حاکیمیّتی‌نی دینج اعتیراضلارا گؤره توتولان هر کسی سربست بوراخماغا چاغیردی. هرانا خبر آژانسی، هابئله اردبیل، تبریز، اورمیه، مشکین‌شهر، پارساآباد موغان و زنجان شهرلرینده توتولان ۳۸ نفرین شخصیت‌لرینی آچیقلادی. یالنیز دینج میتینگلرده ایشتیراک ائدن محبوس سایی‌نین داها چوخ اولدوغو تخمین ائدیلیر. حبسلر خیابان‌دا، ایش یئرینده و یا بو شخصلرین ائولرینده باش وئردی. بو شخصلرین تهلۆکه‌سیزلیک گۆجلری طرفیندن توتولماسی زامانی چوخ سای‌دا شیدّت یاشاندی، کی بعضی موردلرده بو شخصلرین ال و یا بورونلاری‌نین سینماغینا سبب اولموشدو.[۱۱]
شوعارلار دَییشدیر
- یاشاسین آذربایجان
- آذربایجان بیر اولسون، مرکزی تبریز اولسون
- فارس روس ارمنی، بونلار تورکون دوشمنی[۱۲]
- ارمنی دن حیمایت، جینایت دی جینایت
- نوردوز گرک باغلانا
بیرده باخ دَییشدیر
قایناقلار دَییشدیر
- ^ تجمع در تبریز و تهران در حمایت از جمهوری آذربایجان. ایران اینترنشنال.
- ^ کمک ایران به ارمنستان در جنگ قره‌باغ صحت دارد؟. تابناک.
- ^ کمک ایران به ارمنستان در جنگ قره‌باغ صحت دارد؟. دنیای اقتصاد.
- ^ سیاست‌های مبهم ایران در قبال بحران قره باغ. خبرگزاری فرانسه.
- ^ حمایت نمایندگان خامنه ای از جمهوری آذربایجان. دویچه وله فارسی.
- ^ تجمع در تهران و تبریز در حمایت از جمهوری آذربایجان. ایندیپندنت فارسی.
- ^ تجمع در تبریز با تدبیر پلیس پایان یافت. ایرنا.
- ^ برگزاری تظاهرات در برخی شهرهای ایران در اعتراض به اشغالگری ارمنستان. خبرگزاری آناتولی.
- ^ بازداشت شماری از فعالان حاضر در تجمع حمایت از قره‌باغ در شهر اردبیل.
- ^ اعتراضات در آذربایجان؛ افزایش شمار بازداشت شدگان در شهرهای مختلف. اخبار روز.
- ^ ابراز نگرانی از بازداشت ده‌ها نفر در پی تجمعات در مناطق ترک‌نشین ایران. بی‌بی‌سی.
- ^ تاملی در شعارهای تظاهرات ۱۰ مهر. آراز نیوز.